تفتكر فيك ايه من عربيتك

**M.almaghraby** · 30-07-2009 12:59 AM

موضوع جميل اوي و فعلا لايق علي بروتون

بس انا رايي من رأي هيثم بالظبط

مش اي حد يركب البرسونا دي :)

**A. Ibrahim** · 30-07-2009 08:49 AM

المشاركة الأصلية كتبت بواسطة mohabsaeed

لحد سنه 2004 ماركه بروتون بالنسبالى ... كانت لا شئ . و كنت بضحك على الى يفكر يشتريها ... و كان من مستحيل افكر فى يوم من الايام انى اشترى عربيه من الشركه الغريبه مجهوله الهاويه ديه . ايه بروتون ديه فى عالم السيارات اساسا ؟؟؟!!

لحد ما احد الاصدقاء اشترى بروتون ويرا " رغم اعتراضى الغير طبيعى على قراره , و اعتقادى انه رمى فلوسه فى الارض " .

بعد ما اشترى الويرا لقيت ان العربيه مش وحشه ... لا .. ديه عريبه ممتازه فى مقابل سعرها و احسن من الانوس و الفيرنا 100 مره .. كثبات و قوه تكيف و راحه و رحابه بجد ممتازه على الاقل بالمقارنه بالفيرنا و الانوس الى كانو اغلى منها فى الفتره ديه
!
بعديها بفتره قصيره فى اول 2005 نزلت الواجا " التحفه من وجهة نظرى " انبهرت بشكل غريب جدا بتصميمها الراقى و العدائى ... عجبنى اوى اللمحات الايطاليه الى اقتبسوها من الفاروميو ... الخط الجانبى المستقيم , شكل v على الكبوت , تصميم الكونسول و الفتيس المائل ناحيه السائق " ماشوفتهاش فى اى عربيه تانيه غير الفا و الواجا " . عجبنى جدا الجنط ال 205- 16 الى نازل فيها ستاندرد ....و حاجات تانيه كتير , الواجا كانت طفره فى الفتره ديه من ناحيه التجهيزات و الثبات و الامان و التصميم فى الفئه السعريه ديه و كانت تساوى اكتر من قيمتها بكتير .....

ومن خلال بحثى على الانترنت عرفت اكتر عن بروتون و الواجا تحديدا ... و عجبنى جدا ان الواجا انظمه التعليق فيها اتصممت عن طريق شركه لوتس الغنيه عن التعريف ... الشاسيه بالتعاون مع فولفو و ميتسوبيشى ..... و فى اكتر من مقارنه و مقاله على المواقع العالميه ... الكل اجمع على جوده تصنيع الشاسيه و انظمه التعليق فى الواجا و ديه من الحاجات الى وصلت اقتناعى بالعربيه 110 % .

بالنسبالى قرار الشراء مكانش مغامره .... انا كنت عارف بشترى ايه و واثق تماما فى قرارى , حتى لو الناس مش عارف ايه العربيه ديه او ليه اشتريتها تحديدا ... مش مهم , العربيه عموما بالنسبالى مش كنبه ب اربع عجلات تودينى من نقطه ا الى نقطه ب ولا حاجه عاوز اثبت بيها للناس انى متميز و فوق الجميع و راكب حاجه " اصلى d-: " زى مش عارف مين الى معاه كذا .. لا العربيه تحديدا اكتر سلعه بحس انها مكمله ليا و لازم اكون مرتاح نفسيا و انا راكبها و انا ببص عليها ..... جزئيه اشترى الى بيشتريه الناس مش فى دماغى ... و ضدها تماما , المهم الحاجه الى مقتنع بيها .

بجد موضوع رائع يا أ - مصطفى , و بشكرك على طرحه .

بصراحه انت يا بيبو من احسن الناس إلي فهمه الواجا و حسه المالزين تعبوا فيها ازي
:10d5c8~1107:

اما عن نفسي فحبي للتميز بطريقه مش بسمختلفه و لكن جديده ايضا اقتناعي التام برأي دون التاثر بأراء الاخرين لان راي بيجي بعد تعدو بحث جامد :b4_592:

و في شيء مهم و هو اهتمام الصانع بالمستخدم و الالمام بمعظم احتياجاته

**M.Mekawy** · 30-07-2009 10:15 AM

المشاركة الأصلية كتبت بواسطة مصطفى_صديق

طب وفيها ايه

حضرتك شرفت ونورت....وانا فعلا كنت بتكلم عموما على كل الانواع ..وخصوصا البروتون
وزى ماقلت لحضرتك انا معايا ياريس برده

شرفتنا يا فندم......لازم تشرب حاجة

ربنا يخليك يا فندم , كفاية ذوق سيادتك

**MuhammedSoliman** · 30-07-2009 10:42 AM

الديزين ( التصميم ) هو ه أول حاجه شدتنى فى العربية ولأنى بحب التصميمات الفريده جدا وده جزء من شخصيي إنى بقدر جمال التصميمات .... والتفرد طبعا .... ولمحت فى العربية كمان خطوط خفيه للألفا روميو والروفر الانجليزى وبعدين أنا مغامر فلما اشترتها كانت مغامره فعلا لأن 2006 ماكنش حد فى مصر يعرف إيه البروتون كويس وكانت ساعتها العربية ديه ملفته جدا .... ديه الحاجه الأساسية اللى لقتها فى العربية اول ما شفتها وحجات بقا كتير بعد كده اكتشفتها فيها حسيت انها جزء من شخصية العربية الجين 2

اه نسيت كان ليه تعليق على رد الفنان مهاب وزى ما هو واضح تقريبا اللى شدنا للعربية حاجه واحده :10d5c8~1107:

بالنسبه بقا لملحوظتى على الفنان :
""تصميم الكونسول و الفتيس المائل ناحيه السائق " ماشوفتهاش فى اى عربيه تانيه غير الفا و الواجا ""
باشا البى أم دابلو هيه الأساس فى عوجة الكونسول ولا ايه رايك ... انت ناسي 316 بمودلاتها المختلفه ؟؟:10d5c8~1107:

تحياتى يافنان ............ تحياتى على الموضو ع الجميل صديق باشا

**مصطفى_صديق** · 30-07-2009 01:59 PM

المشاركة الأصلية كتبت بواسطة muhammedsoliman

الديزين ( التصميم ) هو ه أول حاجه شدتنى فى العربية ولأنى بحب التصميمات الفريده جدا وده جزء من شخصيي إنى بقدر جمال التصميمات .... والتفرد طبعا .... ولمحت فى العربية كمان خطوط خفيه للألفا روميو والروفر الانجليزى وبعدين أنا مغامر فلما اشترتها كانت مغامره فعلا لأن 2006 ماكنش حد فى مصر يعرف إيه البروتون كويس وكانت ساعتها العربية ديه ملفته جدا .... ديه الحاجه الأساسية اللى لقتها فى العربية اول ما شفتها وحجات بقا كتير بعد كده اكتشفتها فيها حسيت انها جزء من شخصية العربية الجين 2

اه نسيت كان ليه تعليق على رد الفنان مهاب وزى ما هو واضح تقريبا اللى شدنا للعربية حاجه واحده :10d5c8~1107:

بالنسبه بقا لملحوظتى على الفنان :
""تصميم الكونسول و الفتيس المائل ناحيه السائق " ماشوفتهاش فى اى عربيه تانيه غير الفا و الواجا ""
باشا البى أم دابلو هيه الأساس فى عوجة الكونسول ولا ايه رايك ... انت ناسي 316 بمودلاتها المختلفه ؟؟:10d5c8~1107:

تحياتى يافنان ............ تحياتى على الموضو ع الجميل صديق باشا

سعيد جدا بردك على الموضوع.....وكان نفسى أشوفك والله فى المقابلة...ياريت أشوفك بقى المرة الى جاية بإذن الله

فعلا ....عربيات بروتون فيها لمسات جماليه وطابع مختلف

**MohabSaeed** · 30-07-2009 02:15 PM

المشاركة الأصلية كتبت بواسطة MuhammedSoliman

اه نسيت كان ليه تعليق على رد الفنان مهاب وزى ما هو واضح تقريبا اللى شدنا للعربية حاجه واحده
بالنسبه بقا لملحوظتى على الفنان :
""تصميم الكونسول و الفتيس المائل ناحيه السائق " ماشوفتهاش فى اى عربيه تانيه غير الفا و الواجا ""
باشا البى أم دابلو هيه الأساس فى عوجة الكونسول ولا ايه رايك ... انت ناسي 316 بمودلاتها المختلفه ؟؟:10d5c8~1107:

تحياتى يافنان ............ تحياتى على الموضو ع الجميل صديق باشا

ربنا يخليك يا باشا ده انتا الى فنان والله

لا طبعا البى ام دبليو فى بعض موديلاتها فيها نفس الحركه زى الفئه التالته القديمه فعلا , بس بحس الفا هى الاساس فى الموضوع ده . كتنسيق و شكل و استايل .... ديه من سمات الفا المميزه فى معظم موديلاتها , و فى كتير من العربيات الايطاليه القديمه عموما ,لكن مش بحس انها حاجه مميزه فى بى ام .... حتى ان بى ام دبليو تخلت عن الكنسول المايل فى معظم عربياتها الجديده ... انا عارف نفسى لو فتحت فى الكلام فى الفا مش حسكت .

تحياتى ليك يا باشا

**مصطفى_صديق** · 30-07-2009 02:30 PM

المشاركة الأصلية كتبت بواسطة jisso82

موضوع جادمد جدا يا أستاذ مصطفى
أنا بقى اخترت البرسونا عشان أكتر حاجة تهمنى فى أى حاجة بقتنيها التميز و التفرد بس طبعا ده لوحده ما يخلكش تجيب عربية بفوق ال80 ألف بس طبعا لما تلاقى الشكل الوهمى و عربية ماحدش راكبها تقريبا و كماليات خرافية و أساسيات قوية و بعدين فى الآخر ما تشتريهاش ما ينفعش طبعا

كلام سليم ياباشا....

**مصطفى_صديق** · 30-07-2009 02:35 PM

التميز - الاختلاف - المغامرة - الاهتمام بالتفاصيل والخطوط - تقدير الجمال

**MuhammedSoliman** · 30-07-2009 02:44 PM

المشاركة الأصلية كتبت بواسطة مصطفى_صديق

سعيد جدا بردك على الموضوع.....وكان نفسى أشوفك والله فى المقابلة...ياريت أشوفك بقى المرة الى جاية بإذن الله

فعلا ....عربيات بروتون فيها لمسات جماليه وطابع مختلف

درش أنا فعلا إلى كان نفسي أبقا موجد عشان أتعرف عليكم والله بجد وأنا ياباشا ليه الشرف إنى أشترك فى مشاركتك
تحياتى

المشاركة الأصلية كتبت بواسطة mohabsaeed

ربنا يخليك يا باشا ده انتا الى فنان والله

لا طبعا البى ام دبليو فى بعض موديلاتها فيها نفس الحركه زى الفئه التالته القديمه فعلا , بس بحس الفا هى الاساس فى الموضوع ده . كتنسيق و شكل و استايل .... ديه من سمات الفا المميزه فى معظم موديلاتها , و فى كتير من العربيات الايطاليه القديمه عموما ,لكن مش بحس انها حاجه مميزه فى بى ام .... حتى ان بى ام دبليو تخلت عن الكنسول المايل فى معظم عربياتها الجديده ... انا عارف نفسى لو فتحت فى الكلام فى الفا مش حسكت .

تحياتى ليك يا باشا

بس أنت شكلك مضروب بالألفا زي أنا فعلا مغرم بيها ومن الأسباب الرئيسيه فى شرائي للجن إنها فيها من الألفا بس بشخصيه متفرده ده حتى الجنوط بتاعتها نفس القصه بالمناسبه الألفا كانت هضيع عليا طياره من ألمانيا لأنهم فى المطار كانوا حطين جايزه اسبيدر فى السوق الحر انت عارف الحجات اللى فى المطارات ديه وقعدت ادمها أملي الاستمارات يمكن تضرب معايا واتفرج عليها لغاية ما خلاص كنت آخر واحد يطلع الطياره .... المهم يابشا فعلا عايزين نتقابل وخساره ان انا مجتش المقابله عشان اشوف الناس الحلوه ديه المره الجايه معاكم

تحياتى

**gagareen** · 30-07-2009 11:00 PM

التميز هو الصفه الرئيسيه اللى خلتنى اختار الجين2

بمعنى تانى العربيه فيها معظم احتياجاتى
تصميم ثورى لاقصى درجه تحسد عليه بروتون بامتلاكه من حيث الشكل والقوه والسعر .. يعنى ما ينفعش حد يجيب عربيه فيها كل المواصفات دى بالسعر ده
تعتبر عربيه سبور بدرجه مقبوله جدا: محرك من تصميم لوتس (من اوائل من صنع سيارات سباق فى الخمسينات) شكل ايروديناميكى وفوجات امامى وخلفى وجنوط واحدث انظمه الفرامل (وما ادراك ما هو استخدام الفرامل فى المواقف المحرجه .. ربنا يسترها معانا كلنا) والوسائد الهوائيه والجناح الخلفى اللى كان نفسى فيه من صغرى انه يكون فى عربيتى والشكل الثورى الامامى وحاجات تانيه كتيير كلكوا عارفينها من ثبات وسحب وتحكم وكماليات
فيها شئ من الغموض ومش منتشره ومش اى حد بيركبها ومش اى حد يعرف فيها و بتلفت انتباه الغير عن جداره ومش منظر فقط
ريحتنى من التفكير فى اى عربيه تانيه حاليا ولفتره مش قليله
لو كنت مش بدقق فى معظم التفاصيل اللى فاتت بحكم شغلى كان زمانى معايا اى عربيه تانيه ومنها التاكسى والملاكى

تحياتى وشكرا على الموضوع