ياه ! لسه فى ناس كويسة

**shery103** · 30-07-2009 12:28 AM

النهاردة نازلة اركب عربيتى ، بفتح الباب لقيت كارت محطوط عند المساحات
مسكته ، لقيت مكتوب عليه " انا خبطت عربيتك " ، و تحتيها اسم و رقم موبايل
انا قلت ده فيها رفرف ، اكصدام ، يمكن باب و انا مش واخدة بالى اصلا و لما نزلت مبصتش على العربية اساسا ، فضلت الف حوالين العربية الا انى الاقى حاجة ابدا
لحد ما لقيت خربوشة كده صغيرة اوىىىى فى الرفرف الامامى ، حتى مخدشتش الدهان بتاع العربية ، مسحتها بايدى كده و ملقتلهاش اثر اصلا و لا فى الصاج و لا اى حاجة
الفكرة ان كان ممكن الراجل ده ميقولش حاجة ، و انا كان ممكن ماخدش بالى ، بس فعلا كونه انه يعمل الحركة دى ، استجدعته جدا بجد لدرجة انى فكرت ابعتله رسالة شكر على حركة الرجولة دى ، من اول اليوم و انا عمالة بفكر ، هو لسه فى ناس كده ؟

**كابوس الليل** · 30-07-2009 12:32 AM

سبحان الله الدنيا لسة فيها ناس كويسة وعندها كرامة
او ممكن بيكون بيقلد الاعلان الى فى اخره
هذه حياتى هذا دينى
او ممكن يكون بيعاكس انا سمعت انها طريقة معاكسة

**ASKAFRAWY** · 30-07-2009 12:37 AM

لا مهما كان هى حركة تدل على احترام صاحب العربية و انه بيرضى ضميره عشان لو حضرتك عاوز تطلب منه تعويض او حاجة...راجل محترم و يستاهل الشكر على ضميره

**أحمد كمال** · 30-07-2009 12:37 AM

المشاركة الأصلية كتبت بواسطة كبوس الليل

[font=tahoma][color=blue]
او ممكن يكون بيعاكس انا سمعت انها طريقة معاكسة

بالظبط لو العربية فيها ما يدل على ان صاحبتها بنت دي طريقة قدييييييييييييييييييييييي ييييييممممممة

**M.Osman** · 30-07-2009 12:45 AM

او ممكن يكون بيعاكس انا سمعت انها طريقة معاكسة

lol
الدنيا بتطور و انا مش واخد بالي :D

**كابوس الليل** · 30-07-2009 12:58 AM

المشاركة الأصلية كتبت بواسطة drguevara

ايه الي انتا بتقوله دا؟

انا قاصدى انها ممكن يكون ليها حلين :
ياما الراجل جنتل وفلا خبط العربية وبيعتذر
او
يكون اصلا الخدش البسيط الى كان فى العربية ده من زمان او قديم
وميكنوش الى حاط الكارت ده واحد قصده انه يعتذر وانو يعاكس
يعنى فى عربيات بيبان انها بتعات بنات
بيحطوا دباديب والحجات ديه وبيبقا باين انها بتاعت بنات

**أبو صلاح** · 30-07-2009 12:59 AM

انا والله حصلي العكس
من حوالي 3 سنين أخدت العربية من والدي وكنت رايح فرح واحد صاحبي ووالدي مكانش موافق فضغطت عليه واخدت العربية
المهم الفرح كان في مول جنب قهوة عماد اللي في المطرية وكنت راكن في وش القهوة على طول
نزلت لقيت العربية مخبوطة عايز اقولكم ان الشنطة اولها بقى عند الزجاج الخلفي
يعني دمار شامل
المهم لقيت كارت محطوط على باب السائق وبيقولي :
انا صاحب السيارة التي صدمت سيارتك من الخلف
ومنظر الكارت كانه دايسه قطر واتصلت بالنمرة
رد علي واحد قالي انا مبعرفش اسوق ومش معايا عربية وساكن في أسوان وراح مديني النمرة أرضي وكلمته عليها واداني نمرة جار ليه في اسوان وكلمته واتأكدت انه مش هو اللي خبط العربية لانه مش هيعقل في خلال ساعة هيوصل اسوان
ولبست يامعلم في الليلة دي حوالي 1500 تصليحات
الله يسامحك قلبت علينا المواجع

**Bob2009** · 30-07-2009 01:04 AM

فعلان لسه فى ناس محترمه بس المشكله ان احنا دايما بنشوف الى مش محترم على شان هو الاغلب لكن لسه فيه طبعا ناس محترمه كتير بس نادر ما نقابلهم على شان اصلا نسبه الاخطاء عندهم بتحدث نادرا على شان هما قبل ما بيخافو على نفسهم بيخافو على الناس اكتر

-

-

الموضوع: ياه ! لسه فى ناس كويسة

LinkBack

أدوات الموضوع

عرض

ياه ! لسه فى ناس كويسة - انشر الموضوع فى :

-

-

-

-

-

المواضيع المتشابهه

هل ثروموستات 80\90 كويسة لل 128

الناس دي كويسة

سيفيك 98 كويسة؟؟؟؟

هل الاسعار ده كويسة ؟

الكلمات الدلالية لهذا الموضوع

المفضلات

المفضلات

ضوابط المشاركة