الموضوع: ياه ! لسه فى ناس كويسة

اعتقد فعلا انها طريقة معروفة للتعارف خصوصا لو العربية باين انها عربية بنت من موديلها أو محتوياتها و ما بداخلها......

و يمكن و الله اعلم حد محترم زيادة عن اللزوم!!!!!!!!!!!! الله اعلم المهم انها جت سليمة

ياجدعان افترضو حسن النيه
تخيل لو انت مكانه و عملت كده ترضي حد يشك في الي انت عملته لمجرد ان عربيه تخص سيده

المشاركة الأصلية كتبت بواسطة shery103

النهاردة نازلة اركب عربيتى ، بفتح الباب لقيت كارت محطوط عند المساحات
مسكته ، لقيت مكتوب عليه " انا خبطت عربيتك " ، و تحتيها اسم و رقم موبايل
انا قلت ده فيها رفرف ، اكصدام ، يمكن باب و انا مش واخدة بالى اصلا و لما نزلت مبصتش على العربية اساسا ، فضلت الف حوالين العربية الا انى الاقى حاجة ابدا
لحد ما لقيت خربوشة كده صغيرة اوىىىى فى الرفرف الامامى ، حتى مخدشتش الدهان بتاع العربية ، مسحتها بايدى كده و ملقتلهاش اثر اصلا و لا فى الصاج و لا اى حاجة
الفكرة ان كان ممكن الراجل ده ميقولش حاجة ، و انا كان ممكن ماخدش بالى ، بس فعلا كونه انه يعمل الحركة دى ، استجدعته جدا بجد لدرجة انى فكرت ابعتله رسالة شكر على حركة الرجولة دى ، من اول اليوم و انا عمالة بفكر ، هو لسه فى ناس كده ؟

لو خليت لخربت يا شيري يمكن يكون 99.99999% من الناس وحشين بس أكيد لسة فيه ناس كويسين