النيو سيراتو ووهم الاوفر برايس

**ahmedsiyam** · 30-07-2009 11:10 AM

السلام عليكم

فى واحد من اصدقائى كان بيشترى عربية و رشحتله النيو سيراتو لما تتمتع به من سمعة طبية و هى عربية بصراحة تستاهل كل جنيه ادفع فيها

و حجزنا العربية من معرض فى المهندسين و من عند محمد زكى احد الموزعين المعتمدين لكيا

المهم الافندى بتاع المهندسين قالى هاتستلم العربية مو 2010 و الاوفر عليها 3 الاف جنيه !!!

قمة الاستهبال طبعا

عربية حاجزها من 4 اسابيع و طبعا صباح المواعيد الفشنك و فى الاخر ادفع اوفر 3 الاف

و بما انى اللى رشحت العربية لصديقى فقولتله سيبك من العالم النصابين دول احنا فى بلد يوم مايحصل اقبال على حاجة الجشع و الطمع يبتدى يبان و تظهر الناس على حقيقتها

تغور الكيا فى داهية من وش توكيلها و من المعارض و امثالهم و نجيبلك عربية تانية متاحة و موجودة و بسعر حلو

يشاء السميع العليم و نلاقى الراجل بتاع محمد زكى بيكلمنا و تعالوا استلموا العربية و نروح فعلا و نستلم برضه مو2010 و لكن بنفس سعر الوكيل المعلن و لا فى اوفر و لا حاجة و ناس شيك جدا و فى منتهى الاحترام و المصداقية

و العربية انا جربتها بقى امبارح و موش عايز اقولكم حاجة بصراحة فى منتهى الجمال و الروعة و الشياكة و صديقى مبسوط بيها على الاخر و فعلا كيا نيو سيراتو عربية تشرف بجد

تحياتى لكل الاخوة الافاضل فى قسم الكيا و ربنا يسترها معاكم ان شاء الله

**de3bis** · 30-07-2009 12:27 PM

المشاركة الأصلية كتبت بواسطة ahmedsiyam

السلام عليكم

فى واحد من اصدقائى كان بيشترى عربية و رشحتله النيو سيراتو لما تتمتع به من سمعة طبية و هى عربية بصراحة تستاهل كل جنيه ادفع فيها

و حجزنا العربية من معرض فى المهندسين و من عند محمد زكى احد الموزعين المعتمدين لكيا

المهم الافندى بتاع المهندسين قالى هاتستلم العربية مو 2010 و الاوفر عليها 3 الاف جنيه !!!

قمة الاستهبال طبعا

عربية حاجزها من 4 اسابيع و طبعا صباح المواعيد الفشنك و فى الاخر ادفع اوفر 3 الاف

و بما انى اللى رشحت العربية لصديقى فقولتله سيبك من العالم النصابين دول احنا فى بلد يوم مايحصل اقبال على حاجة الجشع و الطمع يبتدى يبان و تظهر الناس على حقيقتها

تغور الكيا فى داهية من وش توكيلها و من المعارض و امثالهم و نجيبلك عربية تانية متاحة و موجودة و بسعر حلو

يشاء السميع العليم و نلاقى الراجل بتاع محمد زكى بيكلمنا و تعالوا استلموا العربية و نروح فعلا و نستلم برضه مو2010 و لكن بنفس سعر الوكيل المعلن و لا فى اوفر و لا حاجة و ناس شيك جدا و فى منتهى الاحترام و المصداقية

و العربية انا جربتها بقى امبارح و موش عايز اقولكم حاجة بصراحة فى منتهى الجمال و الروعة و الشياكة و صديقى مبسوط بيها على الاخر و فعلا كيا نيو سيراتو عربية تشرف بجد

تحياتى لكل الاخوة الافاضل فى قسم الكيا و ربنا يسترها معاكم ان شاء الله

تمام دى مش اول مرة نسمع فيها عن محمد زكى انه سلم العربية بسعرها.
بس هى كانت ايه ex و لا sx
و كنتم حاجزين لمدة كام اسبوع (او شهر)

من فضلك المعلومات دى مهمة جدا بالنسبة لنا

و كمان لو ان محمد زكى ده بيسلم بسعر التوكيل الرسمى يبقى التوكيل ما بيخدش فلوس زيادة و لا حاجة من الموزعين بس ممكن يكون التوكيل بيدى اولوية للموزعين عن الناس العاديين.

**NaderNabil** · 30-07-2009 02:40 PM

المشاركة الأصلية كتبت بواسطة de3bis

تمام دى مش اول مرة نسمع فيها عن محمد زكى انه سلم العربية بسعرها.

و كمان لو ان محمد زكى ده بيسلم بسعر التوكيل الرسمى يبقى التوكيل ما بيخدش فلوس زيادة و لا حاجة من الموزعين بس ممكن يكون التوكيل بيدى اولوية للموزعين عن الناس العاديين.

التوكيل فعلاً بيدي أولوية للموزعين في تسليم العربيات...

كنت عايز أحجز النيو لوجان...فارحت التوكيل و قالي تحجز دلوقتي ب 10000 جنيه و هاتستلم في شهر 12!!!

رحت لمحمد زكي قال لي...تحجز بألف جنيه و هاسلمك كمان 20 يوم!!!
و قال لي اللوجان اللي واقفة دي ممكن أديهالك بأوفر 2000 جنيه فقط!!