يا بـروتـونـاويـــه : عــاوزين فــرش عربيتــكم يكــون عـامــل ازاى ؟؟؟

**mah_malik** · 27-08-2009 12:13 PM

ايمن كل سنة وانت طيب

بس برده ماقولتش الراجل ده فينواخر سعر كام وهل ينفع يغير اللون الاحمر بلون تاني حسب لون العربية ؟

وشكرا جدا لتعبك

**mimo3000** · 27-08-2009 04:43 PM

المشاركة الأصلية كتبت بواسطة ayman_52

اظن حضرتك قصدك على سبير كار ؟؟؟؟؟

انا روحتله الصراحه ماعجبنيش خالص .... وكمان الكسوه مش هتنفع مع الجين لان كراسيها مختلفه عن الكراسى العاديه..

-----

وهو الهدف هنا ان احنا نجيب عرض من محل كويس جدا ...

ولان سبير كار مش غالى وشغله عادى ... فاكيد مش هيكون المحل اللى هنخلى الناس تجليه مخصوص عشان تعمل عنده.

انما احنا عاوزين محل يكون شغله مضبوط جدا ... عنده مميزات مش اى حد بيديها ... واكيد المحلات دى بيكون اسعارها غاليه

وهنا بقى هنستفاد ان عندنا مجموعه عاوزه تعمل الفرش .. وبالتالى ناخد تخفيض كويس.

---

تحيـــــــــــــــاتــــى

والله يا ايمون انا اللى شفته مركب كان واحد صحبى فعربيه لانسر 99 انا مكدبش عليك السعر عجبنى جداااا وكمان الفرش شكله معقول مش وحش بس بصراحه معرفش الخامه ايه نظامها بس متنساش انك بتشترى حاجه ب 180 جنيه طبعا عمرها مهتبقى زى حاجه ب 850 او 1000

انا كل الموضوع عرفت حاجه فقلت اقولكم عشان لو حد عاوز حاجه سعرها حنيين وفنفس الوقت مش وحشه اوى (معقوله يعنى) يروح يبص عنده

ومتنساش ان على قد تمن الحاجه بتبقى جودتها يعنى اللى بجنيه مش زى اللى بعشره فانا قلت اقولكم اللى عرفته لو حد حب يشوف او لو حد استفاد انا بس حبيت اقولكم معلومات انا عرفتها مش اكتر

**emadhamdy** · 31-08-2009 05:02 PM

السلام عليكم جميعا
ياريت يا جماعه تعملوا حسابي معاكوا
وده رقم موبيلي 0107545724
نفسي اعمل فرش كويس للجين 2
تحياتي للجميع

**emadhamdy** · 31-08-2009 07:32 PM

المشاركة الأصلية كتبت بواسطة Ayman_52

-السلام عليكم ورحمة الله وبركاته-
----------------------

احلى تحيــــه لأجمــد بــروتـونـاويــــه

----------------------------

انا دلوقتى خلاص بختار افضل مكان عشان نجيب منه عرض لتنفيذ فرش لسيارات البـروتـونــاويــه

المهـــــــم

----------------------------

هل بتفضلوا يكون الفرش -جاهز- ولا -تفصيل- ؟؟؟

المفروض وانا بتكلم مع السروجى ... اساله عن ايه ؟؟؟

انتم عاوزين ايه تستفسروا عنه ؟؟؟

كام واحد مبدئيا عاوز يعمل فرش ؟؟؟

وعاوزينوا فى رنج كام ؟؟؟

هل حد جرب مكان او سروجى معين وعاجبه ؟؟؟

الناس حابه يتعمل جلد ولا قماش ولا شمواه ... ولا ميكس (قماش وجلد) ؟؟؟

------------------------------

انا دلوقتى بفاضل بين 6 اماكن .... وكانت اهم حاجه عندى الشغل النظيف والمعامله تكون كويسه

.
.

كنت هقول ايه تانى ؟؟؟؟

.
.

هستنى اقتراحات واستفسارات حضراتكــم .... عشان انزل اعمل الدييل مع الأفضــل

تحيــــــــــــــــــــــ اتــــــــــــى

ايمن بجد مبسوط جدا بمكالمتك ليا
وان شاء الله تكون صداقه دايمه
وده ايميلي
hamdyemad35@yahoo.com
تحياتي ليك والف شكر علي اهتمامك

**ghareeb** · 31-08-2009 09:18 PM

طب أيمن باشا هو مينفعش تسأل فى التوكيل إذا كان ينفع يوفر الفرش الجلد الأصلى بتاع العربية للعايز على فكرة انا فاكر إنى قرأت حاجة زى كدة مرة فى منتدى إنجليزى إن فى إنجلترا ده موجود مقابل فلوس زيادة فى تمن العربية خاصة إنها بتتعمل للكراسى و الأبواب و طارة الدكسيون
إنتم عارفين يا جماعة التقفيل الأصلى الجاهز للعربية هايكون أشيك بكتير من إنكم تفصلوا الفرش عند حد

**Ayman_52** · 02-09-2009 12:10 PM

المشاركة الأصلية كتبت بواسطة ghareeb

طب أيمن باشا هو مينفعش تسأل فى التوكيل إذا كان ينفع يوفر الفرش الجلد الأصلى بتاع العربية للعايز على فكرة انا فاكر إنى قرأت حاجة زى كدة مرة فى منتدى إنجليزى إن فى إنجلترا ده موجود مقابل فلوس زيادة فى تمن العربية خاصة إنها بتتعمل للكراسى و الأبواب و طارة الدكسيون
إنتم عارفين يا جماعة التقفيل الأصلى الجاهز للعربية هايكون أشيك بكتير من إنكم تفصلوا الفرش عند حد

بينى وبينك ... مش لما التوكيل يوفر قطع الغيار الاول ... نطلب منه يوفرلنا فرش جلد

وكمان حتى لو وفره ... هيبعيه بضعف تمنه اساسى

---

وهو مش شرط عشان التوكيل وفره ... هيبقى شغله زى الاصلى ... دا بيعتمد على السروجى نفسه

---

استنى كده بس عليا ... وهضبطلكم حاجه حلوه

وياريت لو ظروف حضرتك تسمح تشرفنا فى المقابله يوم الاحد القادم -ان شاء الله-

---

تحيــــــــــــــــــاتــ ــــى

**fat7elbab** · 02-09-2009 02:41 PM

ها ياجماعه وصلتوا لحاجه فى موضوع الفرش ولا لسه

علشان انا عايز أعمل برضه فرش جلد ..

منتظرين الاخبار يا أستاذ أيمن

**m.3abdel3al** · 02-09-2009 06:40 PM

ان شاء الله احنا لسة بنشوف وقبل المقابلة ان شاء الله يكون ايمن عمل وانا وراه على طوووووووووووووول

**Ayman_52** · 02-09-2009 07:31 PM

المشاركة الأصلية كتبت بواسطة fat7elbab

ها ياجماعه وصلتوا لحاجه فى موضوع الفرش ولا لسه

علشان انا عايز أعمل برضه فرش جلد ..

منتظرين الاخبار يا أستاذ أيمن

المشاركة الأصلية كتبت بواسطة mohamed_3abdel3al

ان شاء الله احنا لسة بنشوف وقبل المقابلة ان شاء الله يكون ايمن عمل وانا وراه على طوووووووووووووول

استنونا فى المقابلـــــــــــــــه - ان شاء الله -

**ghareeb** · 02-09-2009 10:11 PM

تسلم يا عمدة بروتون ربنا يكرمك على دعوتك الكريمه بس انا للأسف لسة مشترتش العربية و إن شاء الله لو ربنا إختارلى جميلة الجميلات جين 2 هاكون أول واحد فى المقابلة الجاية إن شاء الله بس ربنا يهدينى للى فيه الخير و أقدر أقرر إذا كنت هاشترى حاجة أوربى أو الجميله جين2 أحسن ده أصعب قرار