يا بـروتـونـاويـــه : عــاوزين فــرش عربيتــكم يكــون عـامــل ازاى ؟؟؟

**unroi** · 24-08-2009 08:48 PM

معاك لو هيركب الفرش اللى انا شفته فى البرسونا الماليزى اللى فى احمر وياريت اعرف مميزات الفرش دة

**toreador** · 25-08-2009 03:19 AM

خلاص يا استاذ ايمن احسبنى واحد معاكو ان شاء اللة

**mhelmasry** · 26-08-2009 11:45 AM

فى الأول طبعاً كل سنة انت وكل أعضاء المنتدى طيبين رمضان كريم بشكرك جداً على اهتمامك باعضاء المنتدى.
لو سمحت يا باشا اكتب لنا مدة التركيب والسعر إن أمكن وهيبقى الفرش للكراسى بس ولا كمان الأبواب.

**Ayman_52** · 26-08-2009 12:33 PM

المشاركة الأصلية كتبت بواسطة unroi

معاك لو هيركب الفرش اللى انا شفته فى البرسونا الماليزى اللى فى احمر وياريت اعرف مميزات الفرش دة

هو فعلا انا شفت عنده صور لفرش كان عامله زى الــ cps بالضبط ...

المشاركة الأصلية كتبت بواسطة mhelmasry

فى الأول طبعاً كل سنة انت وكل أعضاء المنتدى طيبين رمضان كريم بشكرك جداً على اهتمامك باعضاء المنتدى.

المشاركة الأصلية كتبت بواسطة mhelmasry

والسعر إن أمكن وهيبقى الفرش للكراسى بس ولا كمان الأبواب.

مدة التركيب حسب اللى هتعمله ....

يعنى لو هتعمل فرش جلد عادى لونين بيخلص فى 3 ساعات (850 جنيه)

لو هتعمله زى الــ cps الموضوع بيطول شويه ممكن 5 ساعات (1000جنيه)

لو هتزود ارضيه كمان زود نص او ساعه كمان ..... (مش فاكر بالضبط بس قالى فى بــ250 جنيه)

----

والراجل دا مابيعملش لا فرش الابواب ولا الفرش اللى بيتخيط فى الدريكسيون

----

وانا لسه هشوف اتنين كمان ... لسه المقارنه عندى لم تحسم بعد ... وان شاء الله هاكون انا اول واحد يركب الفرش وهنزل صوره هنا بإذن الله.

تحيـــــــــــــــاتـــــ ـــــى

**m.3abdel3al** · 26-08-2009 07:20 PM

مجهود ممتاز يا مون بس بالنسبة للسعر مش ممكن ينزل شوية ولا ا ه!!!!!!!!!!!!!

**Ayman_52** · 26-08-2009 10:40 PM

والله يامحمد استاذ/اسامه قعد يفاصل معاه 3 ساعات لحد ماوصلنا للتمن دا

هو الصراحه غالى شويه بس انا شايف ... انو الافضل عندى لحد دلوقتى

تقفيل ممتاز , خامات جيده , سريع فى التركيب , ضمان 4 سنوات

بس ادينى بشوف حل تانى ... وربنا يسهل

**mada1310** · 27-08-2009 02:49 AM

I'm with u ya basha

**mimo3000** · 27-08-2009 03:13 AM

شباب بصوا فى واحد فالعباسيه فشارع امتداد رمسيس قدام وزاره الماليه على ناصيه الشارع بتاع معرض الكتاب اللى هو عند امتداد الشارع بتاع كليه الشرطه اللى فالعباسيه ومحكمه شمال
الراجل ده انا شفت واحد صحبى مركب عنده كسوه جلد فقماش (مش قماش قماش لاء القماش بتاع الكراسى ده) الكسوه كانت حلوه اوى وعجبتنى بصراحه المهم هو عملها ب 180 جنيه سعرها جامد جدا وبيقولى عند اشكال حلوه كتير ورخيص لو حد عاوز يروح يتفرج
------------------------(انا مرحتش ها يعنى معرفشى بالظبط ايه النظام انا على كلام صحبى بس فقلت اقولكم لو حد حابب يروح)---------------------------

**mimo3000** · 27-08-2009 03:16 AM

اه نسيت اقولكم انا معرفش اسم المحل بس هو مفيش الا هو هناك محليين جنب بعض كده هما على ناصيه الشارع بتاع المعرض اللى قدام وزاره الماليه اللى هو عن نازله العباسيه اللى نازله من 6 اكتوبر وانتا طالعه من مدينه نصر

**Ayman_52** · 27-08-2009 03:26 AM

اظن حضرتك قصدك على سبير كار ؟؟؟؟؟

انا روحتله الصراحه ماعجبنيش خالص .... وكمان الكسوه مش هتنفع مع الجين لان كراسيها مختلفه عن الكراسى العاديه..

-----

وهو الهدف هنا ان احنا نجيب عرض من محل كويس جدا ...

ولان سبير كار مش غالى وشغله عادى ... فاكيد مش هيكون المحل اللى هنخلى الناس تجليه مخصوص عشان تعمل عنده.

انما احنا عاوزين محل يكون شغله مضبوط جدا ... عنده مميزات مش اى حد بيديها ... واكيد المحلات دى بيكون اسعارها غاليه

وهنا بقى هنستفاد ان عندنا مجموعه عاوزه تعمل الفرش .. وبالتالى ناخد تخفيض كويس.

---

تحيـــــــــــــــاتــــى