الموضوع: محاوله فى التعرف على الدبرياج عن قرب

بالظبط كده

هو ده دورها

يا باشمهندس سمير ممكن رأيك لو سمحت عشان اللى مش فاهم كل واحد بيفتى له شوية زى ما هو عايز.

عربيتى فيات بونتو 2001

من أسبوع بدأت عصاية الفتيس تعض و تعصلج فى النقلات و خاصة الأول و التانى.

رحت التوكيل غيرلى طقم دبرياج بضعف تمنه فى السوق ( مش مهم) و قالى المساتر سليمة.
و غير كمان قاعدة الفتيس.

جربنا العربية كانت 100/100

نزلت بيها وسط البلد و فى الزحمة طبعا ظهرت الكوارث:

دواسة الدبرياج بتعلق يعنى مش بترجع تانى لمكانها .

لازم أدوس خفيف قوى و لو دست 2 ملى زيادة تعلق و ما ترجعش مكانها .

إيه الحل.

أرجوك ترد على بسرعة لأنى لازم أرجع التوكيل تانى لضبطه .

و لكم جزيل الشكر

جرب أولا

تأخذ الهواء من دايرة زيت الدبرياج


نفترض الوضع بتاع رجوع الدواسه تحسن

يبقى الحمد لله


____________________

نفترض لسه الوضع على ماهو عليه


يبقى ممكن يكون عندك ماستر من مساتر الدبرياج ضعيف شويه

وحتحاج تتعامل مع مساتر الدبرياج

بادأ بالماستر العلوى

بعد الأطمئنان على عدم وجود تسريب واضح من خلال الماسترين ظاهريا

طب ليه بيتكتب فى كتالوج العربية انك تضغط عالدبرياج قبل متدورها؟

المشاركة الأصلية كتبت بواسطة mohamed777

السلام عليكم ياباشمهندس سمير
يارب تكون بخير والاهل جميعاً
حضرتك مش باين من فترة...لعل يكون المانع خير
والله وحشتنا مشاركاتك القيمة والذوق والاخلاق العالية اللي ربنا يدمهم عليك نعمة ويزيدك يارب
حبيت بس اسلم على حضرتك لما شوفت مشاركت الاخيره
والف حمد الله ع السلامه

وعليكم السلام ورحمة الله وبركاته

خير ياباشا ...........ومعاكم بإذن الله

والله يخليك على زوقك دا كله

المشاركة الأصلية كتبت بواسطة azmeralda

طب ليه بيتكتب فى كتالوج العربية انك تضغط عالدبرياج قبل متدورها؟

فيه أسباب فنيه كتير بتفيدك مع فصل الدبرياج

وأذكر منها على سبيل الذكر لا الحصر

1- تخفيف الحمل الكهربى على المارش

2- تقليل كمية التيار المنزوعه من البطاريه وقت الدواره ( على البارد أو الساخن )

3- التغلب على لزوجة الزيت وخصوصا فى حالة أستعمال زيت ذو لزوجه عاليه ( لظروف بالمكنه )

4- الحفاظ بقدر الأمكان على مكونات المكنه الميكانيكيه وقت تقويم المكنه

وخصوصا سبائك عمود الكرنك

وهكذا

أى سبب من دول كفيل أن يخليك

مدورش إلا وأنت فاصل الدبرياج