لا خلاف على أن تامر حسني حقق خطوات كبيرة من النجاح و الانتشار بصراحة لدرجة انك كل يوم الصبح تفتح النت تلاقي أغنية سنجل ليه مش مهم جت منين و لا اتعملت امتى لكن المهم انه مش منشف ريق الناس بالسنة و السنتين لغاية ما يسمعولوا حاجة.........

هوه متوفر و بكثرة طوال ايام السنة.......لكن

و ده رأيي الشخصي انه زودها حبتين...و خصوصا في كلمات أغانيه اللي بختارها بعناية انها تكون مستفزة و ملفته للنظر من باب انه مطرب للشباب و الشباب معظمه بئى زي ما انتو عارفين فايه المشكلة!!!

و ابتدى فعلا متغزلا في جسد زينة و يقول أكتر حاجة بحبها فيكي هوه ده و يشاور و بعدها و بعد كده هي دي طيييييييييبة قلبك و يشاور و يبص و الرسالة وصلت و كل الناس اتكلمت و طلع الملاك البريء يعتذر و يقول ماكانتش مقصودة صادق يا أخويا من غير حلفان و من قبلها كل مرة أشوف فيها ابئى نفسي أه أه....و أخيرا (و دماغك..خليها تاكلك) و غيرها كتير و احنا شعب لماح و بيفهمها و هيه طايره.......

لكن المهزلة الأخيرة السخيفة هيه كليب (((((( تاعبة كل الناس))))))))) !!!!!!!!!!

ايه الابتذال ده واد صايع واقف عالنصية (زي شارلي شابلن) و بتعدي بنت لابسه من غير هدوم كتير و الكاميرا من فوق لتحت بتأكدلك على انها فعلا مثيرة و هوووووبه يشوفها الفتك يقوم ماشي وراها و يقولها كلمات الأغنية...و يلومها معقول تمشيني المشية ديه؟؟ينفع كده؟؟

و يؤكد انها مش بس تاعباه ( والمعنى واضح و مقصود تاعباه الزاي يعني) و تاعبة كل الناس الواقفين في الشارع و هيه ماشية ولا هاممها قد ايه الشباب تاعبانة.......و المقطع التاني يبدأه ((ايه يا بنتي اللي عملتيه فيا)) و في الأعادة ((ايه يا جامدة اللي عملتيه فيا مش قادر اشيل عينيا من عليكي.....)) !!!!!!!!!!!!!!

ايه يا جامدة!!!!!!!! ده لفظ ده!!! وهل تحول الحب في زماننا الى واحدة جامدة تمر على شاب فتتعبه فيجري وراها زي (الكلب لما يمشي ورا حتة لحمة!!!)))......و وراها وراها لغاية سطح بيتهم لحد ما زنقها و جريت بس على مين وراها وراها..........
وفي نفس الألبوم كوكتيل مشاعر اختر ما شئت.....نفس الشب التعبان ده بيغير على حبيبته من مجرد انها تسلم على حد و يلمس ايدها (الظاهر حبيبة تانية غير اللي عرفها في الشارع دي واحدة بنت ناس بئى مش تاعبة كل الناس) و مرة أنا خنتك امبارح و قلبي مش مسامح (معنى جديد اهوه للأخلاص) و مرة من نظرة جابتني جابت أهلي على بيتك جيت مش على مهلي (دعوة للزواج كويس والله).........الخ الخ الخ......

هوه ده الحب........شاب تعبان و بنت جامدة........هوه ده الجيل يا نجم الجيل!!!!

هوه ده المعنى اللي لازم يوصل للناس.........و للشباب.....يا كسفتك يا أستاذ عمرو خالد بعد ما تلاتين يوم في رمضان بيغنيلك مقدمة برنامجك الجنة في بيوتنا.....!! و مفيش مانع نسجد عالمسرح و نغني كام اغنية ديني كده.....حركات مبتذلة و ماسخة و مقززة..........

عد الى صوابك و بأكد اني من معجبي غنائه و بأسمعه كتير لكن أغانيه القديمة أحسن بكتير......

و كل واحد حر في رأيه و دي ساحة للنقاش.......وشكرا.......


تم النقل للاجتماعي
الاشراف