الموضوع: عيزين نساعد التوكيل ونقوله احنا عيزين منك ايه

أنا معاك فى كل اللى حضرتك قولته ماعدا نقطة واحدة انا مش عايز العربية الجميلة دى تنتشر على انا متميز فى ركوبها هههههههههه
بس نقطة زيادة مراكز الصيانة دى اللى بجد هتجعل العربية تنتشر جامد
وبعدين لازم توافر قطع الغيار بجد ولازم سعرها يكون جامد وياريت عيوب التقفيل تنتهى خالص

الدعاية ستكون مفيدة بالنسبة لسعر اعادة البيع ولكن شهرة البروتون وزيادة الثقة بها ستؤدى فى النهاية الى ارتفاع أسعار الزيرو منها أيضا كما سيتم تحميل تكاليف الدعاية على المستهلك سواء فى أسعار الزيرو أو قطع الغيار.

المفروض اصلا يكون فيه موضوع مثبت للشكاوى من التوكيل ... و استفسارات الأعضاء

و دا على فكرة بيكون "هدية" للوكيل انه يكون عارف عملائه عايزين اية .. او الـfeedback بتاعهم اية

ملخص المشكلات اللي انا استنتجتها من توكيل عز العرب وهي
1- قلة مهارة وكفاءة الفنيين داخل الورشه
2- عدم الاتزام بمواعيد تسليم السياره في الصيانه
3-المغالاه في اسعار المصنعيات وقطع الغيار
4-عدم توافر بعض انواع قطع الغيار
5-عدم وجود خدمة الطرق لو العربيه عطلت ولا حاجه لاقدر الله
6-عدم وجود اي دعايه للسياره بعكس مثلا شيفروليه او غبور وان كان هما كمان من اسوأ التوكيلات
7-عدم وجود مراكز خدمه في الاقاليم مثلا الصعيد او شرم الشيخ
اما بأه بالنسبه لبروتون نفسها فهي كمان عليها خطأ كبير وهي انها على مدار 4 سنوات بتنتج عربيات جين 2 ومازال في عيوب صناعه هي هي ومش بيهتموا بالتقفيل وكمان مش بيهتموا بشكوى العميل نفسه


اتمنى يكون في جديد في بروتون وتوكيل عز العرب

تحياتي
احمد الشاعر

شيء غريب جدا ان بروتون في مصر مش ناجحه زي عربيات تانيه دي عربيات ممتازه وسعرها فوق الممتاز وشكلها جبار اكيد في مشكله ما لازم التوكيل يراجع نفسه انا راي ان المشكله الاساسيه هي السمعه الناس متعرفش العربيه وخايفه منها (نفس الشعور ده كان موجود اول ما هيونداي نزلت مصر بس شوفوا الفرق دلوقتي)
انا شايف ان شويه دعايه باسلوب محترف هيعمل فرق كبير خصوصا ان كل عربيات البروتون في فئتها تكاد تكون الافضل من مثيلتها اليابانيه او الكوريه

المشاركة الأصلية كتبت بواسطة alfbaa

انا شايف ان شويه دعايه باسلوب محترف هيعمل فرق كبير خصوصا ان كل عربيات البروتون في فئتها تكاد تكون الافضل من مثيلتها اليابانيه او الكوريه :ob_mak1[1]:

100 100 كلام مضبوط