حسبي الله و نعم الوكيل مياه خصراء مضروبة(ادخل و خلي بلك)

**semsem_uno** · 02-08-2009 02:02 AM

انا الترم الأول روحت لمحل برجن توني اللي في الحي السابع اللي سوبر ماركت مصر و السودان و جبت ميه خضراء سعودي و اول مرة كان اسمها speedo المهم رحت علي شل و جبت المزيل و غسلت تمام اوي و حطيطها و لسه من اسبوع شكيت في لونها و كنت حاسس ان فيه صداء جامد فيها و فعلا رحت المحطة و غسلت لقيت الصداء نازل و لونو و كأنة عصير برتقال و كتيير
و ملحوظة انا بدأت اشك في المياه لأن بعد تاني مرة جبتها لقيت الأسم بدل speedo لقيته deepo و المرة اللي بعدها speepo
و النتيجة بقي طرمبة المياه بقت بتسرب من الصداء و الله و اعلم ايه تاني حصل جوه
و لما خلصت غسيل بالمزيل و كله جبت مياه علي ضمانة واحد معرفة قديمة بتاع اكسسوار و مكانيكي و كله اسمها الكرنك و ديه مصري بس قاللي ديه فعلا علي ضمانتي و لأن كمان السعودي بقي مضروب
المهم حططها و تمام و مستني المرة التانية في الغسيل و هاشوف و ابقي اقولكم بس انا حبيت احزركم و خلو بالكم من الموضوع ده لأنه بجد هيبهدلكو دورة البريد و ياريت تستنوا رأيي احسن علشان انا مش ضامن نتيجة المياه اللي انا جبتها حتي هتبقي ايه

المهم نصيحتي بقي يا اما تخليك في مياه الحنفية ارحم و تبقي تغسل ريداتير كل فترة او تجيب مياه التبريد اللي مضمونة و الغالية من محطة شل او المحطاط اللي ليها سمعة و حاجتها نضيفة و كده و في اسباني و امريكي و كزا حاجة

و معلش طولت عليكم و ربنا يحرسكم و يحيي ضمير الناس ديه

**Ahmed Anwer** · 02-08-2009 02:31 AM

ربنا يستر

أنا لسه حاطط الميه اللي اسمها Speedo دي

هههههه

**zakiali** · 02-08-2009 02:57 AM

احسن حاجه سائل تبريد موبيل

**ahmedzizo131** · 02-08-2009 08:38 AM

انا شوفت واحد معاة عربية رينو كليو المهم كان عند بتاع الرديتاير و لقيتة اشترى حوالى 10 عبوات مياة مقطرة بتاعت تزويد البطاريات و حطها فى الرديتاير و القربة .

**egyptianmafia** · 02-08-2009 09:06 AM

المشاركة الأصلية كتبت بواسطة ahmedzizo131

انا شوفت واحد معاة عربية رينو كليو المهم كان عند بتاع الرديتاير و لقيتة اشترى حوالى 10 عبوات مياة مقطرة بتاعت تزويد البطاريات و حطها فى الرديتاير و القربة .

The army said to help yourself out! lol

Welcome to Egypt!

**amrbakly** · 02-08-2009 03:26 PM

مشكلة المية المقطرة انها خفيفة و حتطير بسرعة البرق

سمسم اشتري نفسك بعشرين جنية زيادة و حط مية موبيل الخضرا

هي تقريبا كانت عاملة بتاع 45 جنية ولا حاجة علي ما اتذكر