الموضوع: مقارنة ما بين سكودا فليشيا و فيات اونو و كيا برايد

ما تفكر في السويفت عربيه معقوله و تمنها في حدود 36 الف بس لو حتجيب تجيب الياباني اللي هيا موديل 94 و 93 فقط بعد كده كله مصري لحد 2000 انا معايا واحده و مريحاني جدا و موتورها حلو جدا جدا انا كنت من المحله و روحت اسكندريه و طلعت من اسكندريه علي القاهره صحرواي و كنت ماشي 140 و العربيه ما شاء الله ثابته و معقوله مش ثبات الماني طبعا بس معقوله و الRBM ما زادش عن 3200 لفه و بعد ما وصلت القاهره رجعت المحله تاني يعني عملت 700 كيلو في يوم و نص و العربيه موديل 93 و ما زعلتنيش الحمد لله في حاجه و تكييفها كويس و مريحه في السواقه عموما فكر و شوف بس حاله نضيفه

شكرا على الردود بس انا بصراحه مش ميال للسويفت علشان شكلها صغير وكمان موديلات 94 حيكون طاع عينها. بس انا ا\ا امكني حاحاول اجرب سواقة السكودا
وشكرا

goodwave

Birds With a feather flock together

اخي العزيز السلام عليكم ورحمه الله وبركاته..
انا واللهي بالصدفه اشتركت في المنتدي علشان شوفت موضوعك في البحث بص انا هقول لحضرتك حاجه انا كمان لسه مشتري عربيتي السكودا كنت محتار بينها و بين الاونو و الفيات بونتو و جه النصيب في عربيه 97 فابريكه بره و جوه وكانت مرفوعه فاقنعوني انها لقطه وطبعا انا لسه متعلم السواقه من كام شهر فاكيد اول عربيه دي بتبقي اول خبره للواحد يعني انا اشتريتها و هي علي فكره عربيه كويسه اوي بس عيبها انها نوعا ما تقيله شويه بس علي الطريق لما بتجيب بيها سرعات بجد بتكون ثابته اوي وسحبها كويس جدا بس طبعا هي مبتجمعشي بسرعه يعني لازم تدي لكل غيار سرعته المطلوبه و المشكله اللي بواجهها كتير ان الركنه فيها بتكون ثقيله بس عادي مش اوي واللهي وبالنسبه لقطع اغيار لا صدقني متوفره جدا انا لما جبت عربيتي كانت مرفوعه فتره طويله و انا تقؤيبا غيرت فيها كل حاجه من اول البطاريه لحد طرمبه الميه صدقني قطع الغيار الالماني معمره وكويسه كفايه انك بتعمل حاجه مره فيها مش هتكررها غير بعد كتير و وهي صدقني عربيه كويسه .وعلي فكره مفيش حاجه اسمها ال128 احسن اكيد لا الالماني الماني و دي حاجه معروفه انها خارجه من مصانع فولكس يبقي ازاي ال128 احسن و بعدين حضرتك اي عربيه في لدنيا لما بتتظبط بتكون كويسه اوي و خفيفه . انا جربتها واللهي و استحملتني جدا يعني عارف حضرتك دي اول سنه شغل ليا في مصر للطيران و عايز اغيرها و فكرت في العربيات الي ممكن اجيبها تبع الشغل الي هي الاسبرانزا و الدايو و الفيرنا وفعلا رحت فرع المصريه ولما هناك عرفوا ان انا عندي اسكودا و ناوي اجيب فرنا هناك سالوني عملت بيها حوادث قبل كده قولتلهم ايوه سالوني ازاي كنت مره واقف علي الكورنيش و عربيع نصف نقل خبطني بس الحمد لله ربنا ستر وسالوني صلحتها بكام بقي 70 جنيه واللهي عند سمكري غالي كمان قالولي احمد ربنا بقي علشان الفرنا دي لو ضربتها بايدك هتتعور . :D فثقل العربيه واتزانها عيبه و ميزه واللهي في نفس الوقت بس بترجع من انسان للتاني طبعا. وكمان الاسبرانزا سمعتها مش اوي و خايفين منها الناس اوي علشان صيني بس انا واللهي لما بشوفها بحس انها قيمه و كمان بيقولوا موتور لانسر بس فيها مشاكل كتير اوي وسعرها رخيص ومش هتستحمل هنا في مصر . فطبعا خايف اقسطها متطلعش كويسه بعدين و اصرف عليها جامد و بعد كده العربيات ترخص فاروح انا فيها بقي :D زز السكودا واللهي كويسه و الكيا انا مركبتهاش خالص بس اسمع انها كويسه اوي اوي اما الاونو بقي فمنصحكش لانها عربيه ستات و اقتصاديه في البنزين و قطع غيار فيات اه رخيصه بس هي مش عربيه مهمات صعبه و خفيفه اوي لعبه يعني و مبتستحملش و انا انصحك اركب يا سكودا يا فولكس بولو موديل 95 لحد 99. وكمان علي فكره في مشكله في السكودا انها تقيله في بيعها انا مش عارف اوصل للسعر الي اشتريتها بيه لما فكرت ابيعها قلت الف او الفين .يا رب اكون قدرت افيدك انا اسف علي الرغي الكتير بس واللهي انا كنت محتار زيك كده علشان كده حبيت اوصلك العربيه عامله ازاي بامانه هي عربيه كويسه انا لحد الوقتي مش عارف لما ابيعها ممكن اجيب ايه يستحمل زيها كده وادعولي يا جماعه ربنا يهديني واعرف اختار بقي. سلاام عليكم احمد يوسف

الاخ الكريم مودي
شكرا لك على الرد الوافي المستفيض و الله انا استفدت منك و انا كمان اقتنعت بالفليشيا وبدور على واحدة كويسة ياترى انت عاوز كام في عربيتك وليه ماعرضتهاش في منتدى البيع والشراء؟

انا رائي لو بتفكر في الجديد تقسيط خش في البوينتر سعرها حلو 71000 و كاملة و كمان 1600
هي تقفيل برازيلي بس خبرة و كفاءة الماني وربنا يؤفقك
بالمناسبة انا قدامي فليشيا موديل 95 فابريكة بس عاوز اعرف ايه الفرق بينها و بين ال 97؟؟؟ ارجو الافادة

و شكرا

good wave

IF YOU HAVE NOT TRIED, YOU HAVE NOT LIVED

بالمناسبة انا قدامي فليشيا موديل 95 فابريكة بس عاوز اعرف ايه الفرق بينها و بين ال 97؟؟؟ ارجو الافادة

مفيش فرق غير في الشبكه(ما فوق ال97 الشبكه شبه بتاع الاوكتافيا)و الكصدام متغير و فوانيس شبوره و طاره الدركسيون مختلفه بعض الشئ لكن موديل 99 كانت انجيكشن و عاليه شويه من ورا عن الارض

السلام عليكم اخي العزيز لا صدقني من قال لا اعرف فقد افتي انا حقيقي معرفش الفرق بين السكودا موديل 95 و موديل 97 بس اكيد تقريبا الفرق مش في الشكل بس انا تقريبا قرأت عن السكودا الي حضرتك كنت كاتب عنها و انا من رأيي ان حضرتك اهم حاجه انها تكون كلها فابريكه و من جوه متلمستش حتي لو كانت جزئ صغير جدا لان ده بيقلل من تمنها اوي و خد بالك قوي من الموتور ميكونش مكنتها خفيفه لا ن في واحد صاحبي اشتري عربيه ابيزا و بعد اسبوع بيدورها مثلا بيلاقي البوجيهات بتضرب علشان بتلقط زيت فكده ملهاش حل غير ان موتورها يتعمله عمره ب 2500 جنيه و ده طبعا مبلغ مش هاين انا مقصدش اخوفك واللهي بس قصدي انك تفحصها كويس اوي اوي و تتاكد ان عفشتها كويسه و ميبقاش كل اهتمامك علي الثمن لان ممكن تصرف زياده عليه كتير المهم الحاله . اما عن عربيتي فانا اعتقد انني لن اقدر علي بيعها الا من خلال السوق او معرض ادخلها في التانيثه علشان واللهي انا مشتريها وصارف عليها كتير اوي عارف حضرتك مغير فيها من ادام كل حاجه الماني من اول الكتاوت بتاعت الدينامو لحد طرمبه الميه و مجدد رخصتها و ضرايبها 3 سنين فبأي حال من الآحوال مش عايز اخسر فيها وعلي الاقل ابيعها بتمن شرائها الي مكتوب في العقد 37500.
اسف علي اطاله انا بس اطلب منك ان تتأني و تستعين باشخاص ذوي خبره و تاخدها و تروح عند ميكانيكي انا مثلا عربيتي قبل ما اشتريها فحصتها مرتين و مره ثالثه علي موبينا علشان اطمن عليها من اسفل لان الواحد بيدفع فلوسه مره مش هيشتري كل يوم يعني يا رب تكون فهمتني و تعمل بالنصيحه الف شكر يا اخي ولو سمحت ممكن طلب انا في زميل لي عنده لانسر 2002 وهي فعلا عربيه عجباني اوي و نفسي اجيبها بس طبعا عايز اقسط ثمنها متعرفش حضرتك اي معرض ممكن يقسطهالي او تبع بنك ولا ايه وعلي كام سنه وايه الشروط.
السلام عليكم ورحمه الله وبركاته

thanks Mr. Hazem for the good comment.
For Mr. Moody, sorry i can not help you with the Lancer 2002 as i do not know any car dealer who can sell you the car by installements. however, you can check Piraeus Bank for personal loan. Thanks.

Goodwave
If you have not tried, you have not lived!