دور بنفسك جوه نفسك - واقعية جداا

**KSA2011** · 03-08-2009 08:02 PM

أغنيه جامده جداا وبتعبر عن حالنا اوى
انا ما بحبش الاستايل ده من الاغانى بس الاغنيه شدتنى وعجبنى عبقريه دبور فى اختيارها
يارب تعجبكم

و دلوقتي مع الكلمات

===================

دور بنفسك جوا نفسك هتلاقى نفسك
متحاولش تبقى حد تانى غير نفسك خليك واثق فى نفسك
قوم دور بنفسك جوا نفسك هتلاقى حاجة محدش فيها ينافسك
متحاولش تبقى اى حد تانى غير نفسك

دور بنفسك جوا نفسك متكسلش وقوم قلب ودور هتلاقى ميزتك
ميزتك فى صوتك او فى رسمك
متستبعدش تبقى ميزتك حركة بتعملها جسمك او فكرة fantastic فى مخك
ممكن تكون كمان مميز فى الطب والحساب او ميزتك نفسك فى طبخك
ممكن ميزاتك تطلع فى لوحة او كتاب ممكن تكون ميزتك لياقتك
ميزتك انك قلب ميت تقدر تضرب كل الناس او تكون ميزتك سياستك
ميزتك انك رومانسى ومأفور فى الاحساس او تكون ميزتك فراستك
ممكن ميزتك تكون قلب ابيض او حنون ممكن تكون ميزتك حماستك

فى ناس تعرف تفصل لبس الناس بكل احساس مهما كانت خامة قماشتك
وناس بضربة فاس تحول تربة قلقاس (او اناناس) بفضل ربى مش بفضلك
ولو فى يوم لبس قضية فى ناس ميزتها هى (هى ايه ) ميزتها انها تجيب برأتك
بس ركز فى اللى جى

محدش عجبه حاله حالة غيره اللى بتحلاله
دايما شرقى بيغرب وايسر نفسه يبقى ايمن
التخين بيخسس والتانى رفيع نفسه يتخن
اسمر بيفتح ابيض نفسه يبقى بلاك
من خلفله بنت بيزعل نفسه يخلف واد

ايون ايون ايون

انسى انك ترضى بحالك دايما عاجبك حال الغير
مهما تكون حالتك دايما باصص للتغير
صدقنى لو بصيت جواك هتلاقى ياما كتير
قدرات مميزات ان كنت غنى او فقير
متقللش من نفسك ده انت لنفسك طاقة غير
هتحقق اللى فى نفسك واللى يمسك كل كبير
ارضى ياابن ادم باللى اتقسم عليك
ولاونى عارفك مش هترضى غير بتراب فى عنيك

ربك ميز كل واحد منا بحاجة
فالناس فعلا لبعض دايما محتاجة
دور والقى ميزتك حاول حافظ عليها
طورها اتميز بيها حياتك هتلاقيها

فى الاول ماشية صح طول ما انت راضى بيها
ارضى بحياتك انت واقبلها باللى فيها
ده الرضى نعمة كبيرة احمد ربك عليها خدها منى كلمة مافى حاجة بتساويها

حد يترجملى بيقول ايه الواد ده

اني اقولك عيقول متحاولش تبقى حد تانى غير نفسك

قوم دور بنفسك جوا نفسك هتلاقى حاجة محدش فيها ينافسك

لو ملكش عازة مكنتش اتخلقت ولا اتحسدت من الناس ولا اترزقت

**Lord_Fouad** · 03-08-2009 08:23 PM

فعلا اغنية جامدة جدا ..

بالرغم من ان الكليب شبه الكليبات الاجنبي جداااااا ..

بس اغنية ليها هدف سامي جداااااا ..

و اهو احسن من الاغاني العاطفية اللي مواراناش غيرها ... كأننا عايشين عشان الرجالة و الستات يحبوا بعض بس ...

و احب اهدي الاغنية لحبيب كل الرجالة في المنتدى ... سوما العاشـ ... قصدي تمورة ههههههههههههه