الموضوع: اى حد عندى استفسار عن skoda انا موجود !

المشاركة الأصلية كتبت بواسطة ahmed_elmasri91

السلام عليكم ورحمة الله وبركاته
انا الحمد لله اشتريت عربيه سكودا 2006 a5 من اسبوع وكان في شويه حاجات كده عايز اسال فيها والتاجر قاللي غيرلها زيوت وفلاتر
العربيه اوتوماتيك تكييف تاتش .
المهم ادي المشاكل اللي بواجهها:
الفتيس لما اجي احطه على الd في اوقات مش دايما بيخلي العربيه تنتش لقدام كده نتشه جامده مش عارف ممكن تكون من ايه.
والسماعات اللي ورا لاقيتها مسروقه هي والتويترات
الزجاج الامامي مش بيفتح من كرسي السائق.
وكمان اوقات لما ابقا ماشي كده الاقي العجل الامامي مره واحده كده صفر بشكل غريب من الفرامل بدون اي سبب.
وكمان العربيه في سحب البنزين حاجه جامد اوي حريقه وخاصة لو قرصت عليها شويه بشوف المؤشر بتاع البنزين بينزل قدامي .
العربيه ماشيه 78000 وصاحبتها مش عاملها صيانه في التوكيل نهائي .
لو حل المشاكل دي بيحتاج توكيل هتكلفني في حدود كام ......
الرجاء الافاده ضروري لاني خايف جدا من مشكلة الفتيس.والزيوت اللي متغيرتش
ولكم جزيل الشكر.......

السلام عليكم ورحمة الله وبركاته
الموضوع اللى سيادتك بتتكلم عليه طبعا غير طبيعى
بص يا باشا انت العربية معاك عامله 78000 km طبعا انت سيادتك معملتش صيانه فى التوكيل نهائيا زى ما قولت وده مش هيسبب نتشة فى d بس دى كمان من P الى R وانت لازم تغير زيت فتيس وفلتر فتيس ويا رب ميكونش فيه حاجة فى ال Valve وفيه حاجة كمان طقم كاتينة وطقم ديناموا والتيل والطنابير والعفشة وفلتر البنزين وفلتر الهواء والكشف على البوابة وتغيير طقم بوجيهات وحضرتك مغير زيت موتور على كام KM بمعنى ان حضرتك ده الوقت اللى تغير فيه الزيت والفلتر ولا لا وانصح حضرتك عمل هذه الصيانة فى التوكيل حتى ولو مكلف علشان ضبط كل شئ بالكمبيوتر وممكن تذهب الى اقرب توكيل وتعرف منه تكلفة الاشياء اللى زكرتها اد ايه وشكرا

المشاركة الأصلية كتبت بواسطة eng_demy

بسم الله الرحمن الرحيم
احبك الاول احيى الاخوه جميعا القائمين على المنتدى والمشاركين فيه انا مشارك جديد فى المنتدى واحب احى صديقى العزيز المهندس يوسف انا برده مهندس واعمل بتوكيل من توكيلات اسكودا المعتمدة واحب انوه على شئ ان ممكن عدم الرد على الاسئلة ده بيكون ضغط شعل ومفيش وقت ان المهندس يوسف يدخل على النت لانى ادرى بالعمل فى التوكيل ولكم جزيل الشكر

مهندس أحمد . ربنا يخليك حبيبى . الراجل دا يا جماعة مهندس زميلى ومن اجدر الناس اللى هتقدر تفدكو فى العفشة :) ! شكراً على دخوللك الموضوع. واتشرف بمشاركاتك

غاوز أشتري أوكتافيا a5 موديل 2008 مانيول بحالة الفابريكة... سعرها كام؟

المشاركة الأصلية كتبت بواسطة ouna22

غاوز أشتري أوكتافيا a5 موديل 2008 مانيول بحالة الفابريكة... سعرها كام؟

اسف انا معنديش فكرة عن أسعار السوق والمبيعات ! وبالتوفيق فى الشراء

طب مين أحسن, المصري ولا الخليجي؟

المشاركة الأصلية كتبت بواسطة ouna22

طب مين أحسن, المصري ولا الخليجي؟

بص ياباشا لو المواصفات واحدة والسعر واحد يبقى اكيد المصرى اولاً علشان الضمان ثانياً علشان كل العربيات الخليجى كل التصفيح منتحت فبر وليس صاج انما المصرى العربية كلهامن تحت المصفح بتاعها صاج ودا بيدى حماية انت فعلاً مش متخيلها فى شوارعنا الجميلة .