ممكن حد يشرح لي الفرق بين السيارات 2×4 والسيارة 4×4 والسيارة العادية

**MohaMed_Refaat** · 07-08-2009 02:43 PM

المشاركة الأصلية كتبت بواسطة محمد ابراهيم 1

كل العربيات زمان كانت دفع خلفى
شركة فيات اخترعت أول سيارة جر أمامى بمحرك بالعرض وكبالن بعمودين نقل حركة مختلفى الطول بكرونه مدمجة فى الفتيس وبالمناسبة هى ال 128
كل شركات السيارات نقلت من ال 128 هذه الفكرة وبها تحولت معظم السيارات للعمل بالعجلات الأمامية

غريبة اوى ان كل الشركات نقلت من ال 128 :)))))))))))))))))) معقولة .

**جمال** · 07-08-2009 03:23 PM

المشاركة الأصلية كتبت بواسطة محمد ابراهيم 1

كل العربيات زمان كانت دفع خلفى
شركة فيات اخترعت أول سيارة جر أمامى بمحرك بالعرض وكبالن بعمودين نقل حركة مختلفى الطول بكرونه مدمجة فى الفتيس وبالمناسبة هى ال 128
كل شركات السيارات نقلت من ال 128 هذه الفكرة وبها تحولت معظم السيارات للعمل بالعجلات الأمامية

اول من اخترع سيارة جر امامى هى الشركة الفرنسية ستروين وده كان على ما اعتقد فى الخمسينات وكان يطلق عليها اسم كودى ( تراكسيون ) اى جر امامى بالفرنساوى , وكانت كلها لونها اسود , وكان لها شكل مميز برفرفين طوال بجانب الموتور وكان غطاء الموتور يفتح من الجنب
ولايزال بعضها موجود فى مصر حتى الآن

**محمد ابراهيم 1** · 11-08-2009 01:55 AM

المشاركة الأصلية كتبت بواسطة mohamed_refaat

غريبة اوى ان كل الشركات نقلت من ال 128 :)))))))))))))))))) معقولة .

دى حقيقة كل شركات السيارات نقلت هذا التصميم من ال 128

**Terrible_DaRsH** · 11-08-2009 03:02 AM

المشاركة الأصلية كتبت بواسطة mohamed_refaat

غريبة اوى ان كل الشركات نقلت من ال 128 :)))))))))))))))))) معقولة .

ههههههه كل وقت و له اذان .

يعنى لو احنا كنا فى الستينات دلوقتى كان زماننا منتظرين مواضيع تقييم الاعضاء عن ال 128 :) :)

**SeiffoZ** · 11-08-2009 07:28 PM

طب لو كانت العربية معمولة على 4*4 ...

طب إفرض كان فى فرق فى السرعات طفيف بين إللى ورا و إللى قدام .... إيه إللى يحصل؟؟؟

طب الفتيس التانى لزمته إيه؟؟؟

**M!NA** · 11-08-2009 09:31 PM

المشاركة الأصلية كتبت بواسطة Relentless_mayhem

طب لو كانت العربية معمولة على 4*4 ...

طب إفرض كان فى فرق فى السرعات طفيف بين إللى ورا و إللى قدام .... إيه إللى يحصل؟؟؟

طب الفتيس التانى لزمته إيه؟؟؟

عادة... مش بتعشق الغرز على الأسفلت و انتا ماشي على سرعة...
بمعنى أن العربية بتكون ماشية جر خلفي بس... و الكردان الأمامي بيلف كتابع للحركة,,,,
أول ما بتدخل في رملة ناعمة... بتشد فتيس الغرز... بيعشق حركة الأمامي مع الخلفي...

ايه فايدة فتيس الغرز... أنك بيكون عندك فيه كذا نقلة (في المعتاد نقلتين)
4H و ديه معناها 4 High يعني ممكن تستخدمها و انت في الرملة و ماشي بسرعة متوسطة... زي مثلا سرعة التاني - التالت...

4L و ديه معناها 4 Low و بالبلدي بيسموه الترس العجوز.. أو التقيل.... و ده بيستخدم لما تكون بتنزل من مكان عالي على مكان شديد الميل أو الانحدار.. و محتاج تكلبش في الرمل جامد عشان متتقلبش العربية منك على جمبها... و عزمه شديد جدا جدا... بس سرعته بطيئة جداااا

**Youssef.Awad** · 06-10-2009 05:53 PM

المشاركة الأصلية كتبت بواسطة osoliman88

[overline]
معلش أصل أنا ما عنديش خبرة كافية في هذه الفروق، وخاصة من ناحية الميكانيكا ونقل الحركة في كل نوع
[/overline]

بكل بساطة
4x4 يعنى بتندفع بعجلاتها الاربعة وعزم دوران المحرك بيتنقل لكل العجلات بنسب ثابتة او متغيره حسب كل موديل وماركة

4x2 هى نفسها العربيات العادية يعنى بتندفع بعجلتين فقط وعزم دوران المحرك بيتنقل للعجلات الامامية على كبالن عالطول وتسمى جر امامى
او للعجلات الخلفية عبر عمود الكردان وصندوق خفض المعروف بالكرونة وتسمى دفع خلفى