الموضوع: قدر الله وما شاء فعل والحمد لله على كل شىء(عملت حادثة كبيرة)

الف شكر يا رجالة والحمد لله على كل شىء
وبجد الواحد شاف 4 ايام سواد عشان عملت محضر وانا مش مأمن على العربية وفى الاخر لو كان فيه قضية كنت هطلع غلطان عشان انا اللى جاى من ورا (المحضر انتهى تصالح) والرخصة بتاعة العربية اتسحبت وهعمل ترخيص تانى بعد ما اصلحها
الحمد لله على كل شىء

المشاركة الأصلية كتبت بواسطة dr ahmed abdelghany

1- كبوت و2 مفصلة كبوت: الكبوت أصلى ب 1800 و تايوانى ب 450
2- رفرف شمال: أصلى مش عارف وتايوانى ب 150
3- اكصدام امامى: الاكصدام حتت كتير الحتة الكبيرة الأصلى فوق الألف مش فاكر بالضبط تقريبا 1600والتايوانى ب 425ج
4- صدر امامى+ حتة كارتيرة شمال: الصدر أصلى مش فاكر التايوانى ب 400 ، الكارتيرة الحتة فى التوكيل ب 300 ج لو موجودة (ممكن تكون مش موجودة غير استيراد)
5- زجاج امامى: فى التوكيل 970 تقريبا وخارج التوكيل ب 270
6- سربنتينة تكييف: مجموعة التبريد سربنتينة ورادياتير ب 1000 ج تايوانى والاتنين استيراد ب 1800 وفى التوكيل مش عارف أكيد أكتر من 2000
7- فانوس امامى شمال: توكيل ب 1000 استيراد ب 500 تايوانى ب 210
8- علبة الفيوزات (الحساسات): مش عارف
9- شبكة كاملة: أصلى ب 400 تايوانى ب 200
10- كنترول المراوح: استيراد ب 200- 250
11-عمة ماتور (فلتر الهواء) كامل: كاملة أصلى ب 1100 ، استيراد ب 900 بدون الفلتر
12- شاسيه مراوح: 150 التايوانى
13- 2 كارتيرة فبر: 90 ج تايوانى ، 250 أصلى ، فى التوكيل :مش عارف
14- فبرة توربيدو شمال: 160 جنيه أصلى

(أصلى = عليه علامة متسوبيشى لكن مش من التوكيل)

السمكرة هتكلفك تقريبا600 - 700
الدهان هيكلفك 900 - ألف بالكتير شاملة البوية (سكينز)

على فكرة أنا من بنها ولسه فايق من حادثة قريبة من بتاعتك ونصيحتى لو مش متأمن على العربية العربية تتعمل بره التوكيل إلا لو كان عندك استعداد تدفع حوالى تلت تمن العربية تانى

الف الف الف شكر يا باشا
بس على فكرة انا سمعت اسعار تانية غير الاسعار دى وان شاء الله هنزل الحرفيين اسأل عليها
يعنى الكبوت تايوانى ب 700 جنيه ؟!!
الرفرف قالو اصلى من عربية بس لسة هيترش ب 500 جنيه
الصدر الامامى اصلى مخلوع من عربية وكمان معاه حتة الكرتيترة ب 2000 جنيه
سربنتينة التكييف (جديدة) ب 680 جنيه
الاكصدام مش عارف لسة
الزجاج زى الاصلى ب 350 جنيه؟!!
الفانوس شمال اصلى(مش جديد) ب 700 جنيه
شبكة كاملة اصلى (مش جديد) ب 400 جنيه
كنترول مراوح (جديد) ب 600 جنيه ؟!!
علبة فيوزات اصلى (مش جديد) ب 600 جنيه ؟!!
شاسيه مروحة قالى ب 300 جنيه؟!!
عمة ماتور (فلتر الهواء) اصلى (مش جديد) ب 400 جنيه
2 كارتيرة فبر ب 150 جنيه
فبرة توربيدو شمال ب 120 جنيه

الف حمدلله على سلامتك يا استاذ محمد والحمدلله انك بخير
وان شاء الله العربيه ترجع زى الاول

فداك يااستاذ محمود كل شىء نصيب واهم حاجة انك بخير
بس نصيحه منى لكل الناس ماتمشيش ورا اى عربيه على طريق
سريع وخصوصا لو كان العربيه ديه ارتفاعها وعرضها أكتر من عربيتك...لأنه هيبقى حاجب الرؤيه تماما عنك
ومش هيخليك تخمن شكل الطريق قدامه عامل ازاى وخصوصا بقى لو كانت المسافه بينك وبينه اقل من عشرة متر
ديه مجرد نصيحه لكن فى الاخر كل ده قضاء وقدر
وربنا يكفينا الشر على الطرق
ويرحمنا من السواقين البهايم ولاد ال.......
وألف حمدلله على سلامتك يااستاذ محمود

المشاركة الأصلية كتبت بواسطة max_pin

فداك يااستاذ محمود كل شىء نصيب واهم حاجة انك بخير
بس نصيحه منى لكل الناس ماتمشيش ورا اى عربيه على طريق
سريع وخصوصا لو كان العربيه ديه ارتفاعها وعرضها أكتر من عربيتك...لأنه هيبقى حاجب الرؤيه تماما عنك
ومش هيخليك تخمن شكل الطريق قدامه عامل ازاى وخصوصا بقى لو كانت المسافه بينك وبينه اقل من عشرة متر
ديه مجرد نصيحه لكن فى الاخر كل ده قضاء وقدر
وربنا يكفينا الشر على الطرق
ويرحمنا من السواقين البهايم ولاد ال.......
وألف حمدلله على سلامتك يااستاذ محمود

الف شكر يا زعيم
وفعلا الغلطة انى كنت ماشى ورا عربية مخبية الطريق كلو عنى
بس الحمد لله على كل شىء هوا كل شىء قضاء وقدر والواحد مكنش متوقع حاجة زى كدة خالص بجد
اللى مزعلنى بجد اوى اوى انى مشيت على الطريق دا حوالى سنين عشان كليتى وكمان كنت ماشى براحة معدتش ال100 خالص
الحمد لله

يا بشمهندس طارق انا محتاج ردك على الموضوع
انا عايز اعرف اسعار القطع اللى كتبتها فى اول الموضوع كام
والاهم
سعر رش الكبوت و 2 رفرف واكصدام هتكلفو كام؟
طبعا دا كلو فى التوكيل

يا ريت يا بشمهندس ترد عليا