مشكلة فى الفتيس

**mbehery** · 07-08-2009 01:14 AM

سلام عليكم
انا معايا فيات باليو 2008 ماشى بيها حوالى 3600 كم و عندى مشكلة فيها من ساعت لما جبتهافى الفتيس بتاع العربية مضايقنى فى النقل و بالذات فى المارش بيزعق جامد على الرغم انى ببقى هارس الدبرياش برجلية و كمان كل النقلات تحس ان فيها حك او خشونة شوية
فى ناس قالولى ده سببه الدبرياش خاصة انه غويط جدااااا محتاج يعلى شوية و فى ناس قالتلى على حكاية الخشونة فى النقلات دى انها ممكن بسبب زيت الفتيس يمكن يكون ناقص
دبرونى يا خبراء العربيات اعمل ايه عشان يبقى الفتيس سلس و حل فى النقل و المشكلة ممكن تبقى فى ايه بالضبط
و حاجة كمان هو زيت الفتيس ده بيبقى فيت بالضبط؟؟

**samirayad** · 07-08-2009 01:22 AM

غالبا فعلا المفروض تراجع فى أسرع وقت على زيت الفتيس
ومكان الزيت معروف .....بالفتيس طبعا
زى زيت المكنه بيبقى بالمكنه فى حوض المكنه من تحت
نفس الوضع بالنسبه للفتيس مع الفارق طبعا بين الآلتين

**mbehery** · 07-08-2009 01:29 AM

طيب يا باشا ده انا اكشف عليه فى التوكيل لازم ولا عند مبكانيكى ولا فين بالضبط
معلش استحملنى اصلى جديد و ضايع شوية فى الكلام ده.........

**mbehery** · 07-08-2009 01:38 AM

طيب يا باشا ده انا اكشف عليه فى التوكيل لازم ولا عند مبكانيكى ولا فين بالضبط
معلش استحملنى اصلى جديد و ضايع شوية فى الكلام ده.........

**samirayad** · 07-08-2009 01:56 AM

انا معايا فيات باليو 2008 ماشى بيها حوالى 3600 كم

ياباشا أنت لسه فى الضمان
رحلهم وظبطهم .....دا كده ممكن الفتيس يضيع

**mbehery** · 10-08-2009 11:34 PM

انا رحت مركز صيانة فيات فى الاسكندرية بخصوص المشكلة دى و فعلا ذى ما انت توقعت يا بشمهندس طلعت مشكلة زيت الفتيس لانه كان بيتسرب لان كان الفبريز بتاع تانك الزيت متحرك من مكانه فكان بيسرب و قالولة ان السبب فى الغالب انى لبست مطب جامد شوية (طبعا فى الغالب عندهم حق لانى تخصص مطبات و حفر )
الصراحة عملوها لى و ظبطولى مستوى الزيت و علو الدبرياش و كلو تمام و الحمد لله كلو فى الضمان من غير اى فلوس زيادة و لا حاجة

متشكرين يا بشمهندس على تجاوبك معايا فى مشكلتى..........

**samirayad** · 10-08-2009 11:44 PM

(طبعا فى الغالب عندهم حق لانى تخصص مطبات و حفر

)

هههههههههههه هو ده السبب
وحاول
بأه تغير التخصص

متشكرين يا بشمهندس على تجاوبك معايا فى مشكلتى..........

ياباشا بالتوفيق .....وربنا يفرحك ويفرح الجميع

**aYaBooY** · 12-08-2009 11:41 AM

الله يعينك و يعيني و يعين كل واحد على مطبات مصرنا العزيزة
حاول تاخد المطباط بشكل شبه عرضي علشان العربية متحكش منك
عادتا الي ماشي وراك هايشتمك بس ممكن تبقي تقولة الله يسامحك

**mbehery** · 12-08-2009 07:58 PM

المشاركة الأصلية كتبت بواسطة ayabooy

الله يعينك و يعيني و يعين كل واحد على مطبات مصرنا العزيزة
حاول تاخد المطباط بشكل شبه عرضي علشان العربية متحكش منك
عادتا الي ماشي وراك هايشتمك بس ممكن تبقي تقولة الله يسامحك

والله بحاول قدر الامكان اتفادى اللى بقدر عليه بس للاسف تخطيط المطبات فى الشوارع ماكر جدا و انا حقيقة اشهد بكفاءة العبقرى اللى الموزع المطبات و البلاليع و الحفر على الطرق بشكل يستحيل تقريبا تفاديه.......

ربنا يعينا و يسترها معانا جميعا فى الطرق بتاعتنا دى ومتشكرين على النصيحة يا باشا..............