الجزء الثالث (بالصور برسونتى حبيبتى - انطباعى بعد 1500 كم و تقرير صيانة ال 1000)

**mimo3000** · 20-08-2009 11:12 PM

هيثوووووووووم مبروك يا باشا على المانجه لالالا قصدى على الصيانه

ربنا يباركلك فيها ياباشا (العربيه طبعا مش المانجه)

معلش يا هيثوم قولى كده انتا لما استلمت البرسونا استلمت ايه بالظبط معاها عشان انا هستلم يوم الاحد انشاء الله
قولى ابص على ايه وانا بستلمها عشان لو حاجه نقصه او كده
الاستبن مثلا والكوريك والطفايه والورق اللى اخده ايه من المعرض

والف مبروك يا هيثم باشا على الصيانه وعقبال ال 100 الف

**jisso82** · 21-08-2009 03:38 AM

المشاركة الأصلية كتبت بواسطة mimo3000

هيثوووووووووم مبروك يا باشا على المانجه لالالا قصدى على الصيانه

ربنا يباركلك فيها ياباشا (العربيه طبعا مش المانجه)

معلش يا هيثوم قولى كده انتا لما استلمت البرسونا استلمت ايه بالظبط معاها عشان انا هستلم يوم الاحد انشاء الله
قولى ابص على ايه وانا بستلمها عشان لو حاجه نقصه او كده
الاستبن مثلا والكوريك والطفايه والورق اللى اخده ايه من المعرض

والف مبروك يا هيثم باشا على الصيانه وعقبال ال 100 الف

ربنا يخليك يا ميمو و يباركلك انت كمان فى عربيتك و يرزقك خيرها و يكفيك شرها

بص ياسيدى هتستلم مع العربية (كيس الدواسات / حلية الجنوط / الكتالوج / دفتر الصيانات / كتالوج الكاسيت / الاستبن / الكوريك / عدة التغيير)
و الطفاية بتشتريها ما بتستلمهاش.
الورق كان عبارة عن عقد البيع و وصل استلام فيه نفس بيانات عقد البيع بالظبط. و فيه ورقة للإفراج الجمركى لو هتعمله بنفسك أو الإفراج نفسه لو هتخللى المعرض يعملهولك بس خللى بالك الورقة دى بتتعمل ب 5 جنيه بياخدوا هما لما يعملوهالك 200 جنيه.
اكشف على الكاوتش الجلد اللى على الأبواب/ افتح الكبوت و بص كويس على أماكن الزيوت و الخراطيم / حط إيدك على سماعة سماعة عشان تشوفها شغالة ولا لأ/ خد معاك سى دى إم بى ثرى مش أوديو عشان تتأكد إنه شغال إم بى ثرى / جرب التكييف / جرب السنتر و افتح و اقفل بإيدك باب باب / جرب المرايات و الزجاج الكهربى / و خد بالك عاملة أد إيه فى عداد المسافات ما يبقاش رقم كبير يعنى)
و ربنا يكرمك و يوفقك فى الاستلام إن شاء الله
و بكده يبقى ليا أنا عندك كرتونة مانجا رابعة حلاوة العربية بس بسرعة عشان خاطر التلات كراتين الأولى خلصوا