الموضوع: got myself a front strut bar

موضوع 1000 على 1000
انا ماعنديش عربية اصلا ومافهمش فى الحاجات دى بس بجد استفدت جدا
ربنا يجازيكم كل خير يا اساتذة يا فنانين

المشاركة الأصلية كتبت بواسطة MMamdouh

مفيش حاجة اسمها الشاسية يشقق من strut bar ولا الموضوع دة له اى علاقة بنوع و حجم المكنة اللى انت مركبها

الstrut bar كل شغلها على اعادة توزيع القوى الناتجة عن الملفات و توزيعها على جانبى السيارة بدلا من جانب واحد و دة بيقلل ميلان جسم العربية فى الملفات اكنك مركب سوست سبور و كمان بحافظ على الشكل الهندسى لشاسية العربية و بالتلاى بتحافظ على افضل وضعية للاطارات على الطريق و اعلى قدر من التماسك فى الملفات

انا مركب strut bar و عنديش اى حاجة من قصص الشروخ و الكلام دة... و كل الناس اللى اعرفها مركبين الstrut bar محدش منهم واجة اى مشكلة من النوع دة

MMamdouh

حسب اللى فهمته من نظريه عمل الشداد من الموقع ده
ULTRA RACING AUSTRALIA - How It Works
انه بيحافظ قدر المستطاع على المسافه بين البطاحات و قواعد المساعدين بيث اى قوه تؤثر على احدى جانبى العربيه تتنقل بالكامل للضغط على المساعد و ليس لعوج الشاسيه او فخده العربيه
فلو ركبت بار علوى بدون السفلى حيشتغل برضه و مش حتحس باى فرق لكن من ناجيه القوى الموثره على الشاسيه حتزيد لأن القوه اللى حيقاومها الشداد العلوى حتنتقل الى( المساعد + الشاسيه السفلى) و اللى كان المفروض يقاومها الشداد السفلى و فى الحاله دى حتبقى المقاومه من الشاسيه نفسه بدون شداد و ممكن ده على المدى البعيد يفتحه

المشاركة الأصلية كتبت بواسطة mmamdouh

موضوع انك متحسش بحاجة دة مش صح لان انا مركب الشداد و الفرق كبير جدا

و قصة فتح الشاسية دى مشوفتش حد من الناس اللى مركبة البار اشتكى منها على اى منتدى

mmamdouh

انا اقصد مش حتحس بأى فرق لما تركب الشداد العلوى ( من غير الشداد السفلى او بالسفلى ) لأن الشداد السفلى وظيفته بيزود الدعم بس

بالنسبه لفتح الشاسيه انا بتكلم نظريا على توزيع القوى ... ممكن تكون عربيتك اصلا فيها شداد سفلى او القنطره بتاعتها قويه و ممكن تكون لسه العربيه جديده و ماسكه نفسها و بالتالى تستحمل الحكايه دى 10 سنين مثلا
بينما لو ركبنها فى 128 ( اللى هى الشاسيه بتعها بيفتح لوحده من غير حاجه ) و ياسلام بقى لو كانت موديل سبعينات ... ممكن نلاقيها شهر و الشاسيه فتح

سبعاوى قالها فى موضوع اخر (و انا بثق فى رأيه اوى )

المشاركة الأصلية كتبت بواسطة sab3aawy

اى منشاة معدنية ديناميكية فى الدنيا-تندرج السيارات تحت هذا البند- تتعرض مع مرور الزمن والقدم الى ظاهرة اسمها "الزحف والكلال" ، خلاصتها ان معدن السيارة وتحت ضغوط احمال التشغيل المختلفة يتغير ترتيب طبقات الجزيئات فيه وهذا يؤدى الى ان يصح معدن السيارة قاسيا وقصفا مع الزمن، قاسيا بمعنى انه يفقد مرونته وقصف بمعنى انه يصبح اكثر قابلية للتشرخ والكسر، ولذلك فان تركيب الشداد على سيارة 128 قديمة عمرها 15 سنة فأكثر قد يسبب انهيار اللحامات الخاصة بركب الشاسيه لأنها فقدت قدر كبير من مرونتها واصبحت (مش بتاخد وتدى) وتزيد فرصة حدوث ذلك لو كانت المساعدين الامامية سيئة مما يعزز فرص الكسر تحت احمال المطبات حيث ان المساعدين غير جيدة وبالتالى تنقل الصدمة بقوتها لعلب الشاسيه وفى نفس الوقت فان مساحة الإلتواء التى كانت متاحة للشاسيه لمتصاص الصدمة لم تعد موجودة بفضل الشداد، لذلك لا يوصى بالشداد سوى فى 128 جديدة او متوسطة العمر،وبشرط ان تكون المساعدين جيدة ، مع ملاحظة ان الشداد ايضا سيلتهم مكان الاستبن

على اللنك ده
http://www.nilemotors.net/Nile/31101-128-2.html