السيريون و مشكلة علبة الدريكسيون

**aliabutaleb** · 13-08-2009 10:55 AM

المشاركة الأصلية كتبت بواسطة ows212

الصوت عندك يا ابو حمزة مابدأش اول ما اشتريت العربية ؟؟؟ مش كده وهل هو مزعج
انت عارف انى استلمت العربية قبلك بكام شهر بس الحمد لله انا ماعنديش الصوت ده لكن فيه صوت بيظهر كل كام يوم وبيكون زى حاجة بطق وبالذات لما اكون كاسر الدريكسيون جامد و هاعدى مطب اوحتة مكسرة وبيظهر مرة واحدة وبيختفى والصراحة مش عارف هل ده بداية المشكلة ولا ايه ....

الصوت مكانش واضح في البداية يا دكتور
انا حاسسه بيزيد كل شوية
غير صوت الرزع الرهيب في فواصل الكباري وعيون القطة المعدنية في الشوارع
صوت قمة في الازعاج
حتى لو ماشي على سرعة بطيئة
مش عارف الأعراض دي كلها لعيب واحد اللي هو علبة الدركسيون ولا لأ

**أبو عبدالله** · 13-08-2009 12:05 PM

المشاركة الأصلية كتبت بواسطة أبو حمزة

الصوت مكانش واضح في البداية يا دكتور
انا حاسسه بيزيد كل شوية
غير صوت الرزع الرهيب في فواصل الكباري وعيون القطة المعدنية في الشوارع
صوت قمة في الازعاج
حتى لو ماشي على سرعة بطيئة
مش عارف الأعراض دي كلها لعيب واحد اللي هو علبة الدركسيون ولا لأ

ابو حمزة ازيك وعامل ايه
وحشني يا اخي
ان شاء الله نشوفك على خير
بص يا ابو حمزة
الكلام اللي انا علمت عليه ده
ده مش تابع لموضوع العلبة نهائي
العلبة يا اخواني مشكلتها صوت مع الحركة السريعه بس
يعني ليس لها ةعلاقة بدب ولا انحرافات ولا اي شئ اخر
العلبة مشكلتها صوت فقط

اما اللي انت قولته ده دي مشكلة العفشة الناشفة شويه
اي عربيه معروف ان عفشتها رياضيه بتبقى كده علشان الثبات على السرعات العالية
يعني ده مالوش اي علاقة بالعلبة
وممكن يكون فيه جزء علشان تربيط العفشة
انت اخر مره مربطها امتى
المفوض في بلدنا دي تربطها كل شهر اقل حاجه لو مش عاوز تسمع اصوات عالطول

**M.Mostafa80** · 13-08-2009 03:19 AM

طب معنا كلامكو دا أنها مشكله عامه فى العربيه طب ليه ماتشتكوش فى التوكيل أو للشركه الأم فى الحلات اللى زى دى فى الماركات المحترمه بتتسحب العربيه أو بتتحل المشكله على حساب الشركه الأم زى ما حصل فى مرسيدس العيون قبل كدا فى الأواخر التسعينات أوائل الألفين

**GMakram** · 13-08-2009 09:26 AM

طب يا جماعه الصوت ده بيبتدى يظهر بعد فتره ولا ايه؟انا مشترى سيريون gl من اسبوع ولحد دلوقتى مفيش اى اصوات الحمد لله فهل ممكن يظهر عندى بدرى كدا ولا ده مع الاستخدام بعد فتره ولا ايه؟بصراحه انا بدات اتوغوش :)