اى استفسار عن لادا او اى مشكلة انا جاهز

**sohail** · 10-10-2009 10:24 AM

انا لسه شارى لادا جديده ممكن تنصحونى نصيحه لله وايه هيه احلى انواع السماعات

**momo22** · 13-10-2009 03:18 AM

عايز اخلى الموتور ملوش صوت زى العربيات الجديده ينفع ولو ينفع منين وبكام

**elbahay** · 14-10-2009 10:31 PM

عندى لادا 2105 موديل 94 الدركسيون بتاعها تاعبنى

والعفشجى بيقول العلبة عايزة تتغير فكرت اركب بدل العلبة أسكترة

بس ناس كتير وصنايعية خوفونى منها

انا عايز اخد رأيكم فى مزايا الاسكترة وعيوبها

وهل اركبها ولا اركب علبة احسن ولو ركبتها حتتكلف تقريا كام ؟؟؟؟

ولكم الشكر

**M.FOUAD** · 15-10-2009 12:49 AM

المشاركة الأصلية كتبت بواسطة zahra

ممكن حد ينصحنى اشترى استبن منين و بكام (جديد أو مستعمل) لأن الأستبن لادا 2107 موديل 2009 اتسرق, و هل يركب جنط الموديلات القديمة على هذا الموديل؟ و ياريت حد يقولى أعمل ايه علشان الشنطة ما تتفتحش تانى, يعنى أركب جهاز انذار؟ فين و بكام؟ و لا ممكن أعمل صامولة تربط الأستبن بحيث يحتاج وقت أطول من الحرامى لفكه؟ حد جربها ممكن يدلنى؟ اعذرونى يا جماعة انا جاهلة خالص بالأمور دى مع انى( كلام فى سركم) فوق الاربعين

ايوة اي جنط بتاع لادا قديم ينفع يركب بيعملة حوالي 50 جنية استيراد
و بالنسبة للسرقة ركب انذار ب 140 جنية نوعة وولف موجود في ادريان

**M.FOUAD** · 15-10-2009 12:50 AM

المشاركة الأصلية كتبت بواسطة sohail

انا لسه شارى لادا جديده ممكن تنصحونى نصيحه لله وايه هيه احلى انواع السماعات

فية قسم للصوتيات في المنتدى شوف اية اللي يناسبك

**M.FOUAD** · 15-10-2009 12:51 AM

المشاركة الأصلية كتبت بواسطة momo22

عايز اخلى الموتور ملوش صوت زى العربيات الجديده ينفع ولو ينفع منين وبكام

مش هينفع طبعا لان عندك سير الكاتينة حديد انت ممكن تعزل الصوت بانك تبطن باب الكبوت اي سروجي يعملهالك

**M.FOUAD** · 15-10-2009 12:54 AM

المشاركة الأصلية كتبت بواسطة osoo_man

المشكلة دواسة البنزين من لمسة تحس انك جبت أحر الدواسة في اي عربية تانية ودة بيخالى العربية تتنتش المشكلة بتبان في بين الغيرات اللمسة بعد تغير الغيار بتسحب جامد تحس لن واحد داس لأخر الدواسة هل كل اللادا 2105 كدة ولا اية الموديل 85 ياريت اعرف كل اللادا كدة ولا دة مشكلة عندة ويارت حل وشكرااااا

خلي الميكانيكي يبصلك على وصلة الاكسيلراتير

**islamnasser10** · 11-12-2009 01:59 PM

انا عندى العربية بتعمل350 كيلو فى التنك كله وبتجيب ال120 بالعفية يعنى دواسة البنزين على الاخر هى لادا 2105 روسى 1300 سىسى عوزها تجيب اكتر من كدة عشان بمل على الصحراوى وانا مسافر هل كدة كويس ولا لو عملت حاجة فى الموتور حتأثر سلبى على العربية

**islamnasser10** · 20-12-2009 02:26 AM

انا عندى العجلة الامامى االيمين لما اخد مطب العربية بتدب على الارض نشفة اوى فى المطبات المطب ولو كان صغير بيسمع فى العربية دة عيب مساعد ولا سوست

**kareembelal** · 22-12-2009 01:57 AM

السلام عليكم

اسف علي المداخلة لعدم امتلاكي سيارة لادا لكن أخويا عنده لادا 2107 موديل 2004 وعنده مشكله صغيره

لما يكون النور شغال ليلا ويدوس بنزين نور العربيه بيرتعش او بيحصل فيه ذبذبه حتي نور التابلوه والانابير فيا تري ده يكون من ايه ؟؟

ولك جزيل الشكر