اى استفسار عن لادا او اى مشكلة انا جاهز

**islamnasser10** · 22-12-2009 05:18 AM

المشاركة الأصلية كتبت بواسطة kareembelal

السلام عليكم

اسف علي المداخلة لعدم امتلاكي سيارة لادا لكن أخويا عنده لادا 2107 موديل 2004 وعنده مشكله صغيره

لما يكون النور شغال ليلا ويدوس بنزين نور العربيه بيرتعش او بيحصل فيه ذبذبه حتي نور التابلوه والانابير فيا تري ده يكون من ايه ؟؟

ولك جزيل الشكر

انا عندى نفس النظام انا سألت كذا كهربائى قلى انت مركب دنوا او شحن خارجى زى حلاتى هو الشحن االخارجى كدة بس عادى مفهوش حاجة عادى

**mohab2010** · 02-02-2010 09:46 PM

انا عندي 2107 انجكشن 2007 روسي . المشكلة عندي ان العربية مبتسحبش بعد سرعة 90 كم بس في الاول والتانيوكل الغيارات بتسحب ذي الفل الا علي الخامس بعد ال90 . ارجو الافادة

**mohamedebc** · 27-05-2010 05:34 PM

اولا :- شراء جيهاز انذار نوع فوكسسعره 240 اما بخصوص الاستبن شراء الجنط من حمدى لادا فى "ميدان الجامع" 125 جنيه وشراء كوتش جديد مقاس 13 سعرة 195 جنيه

**hemaatea** · 28-05-2010 04:59 AM

معايا لادا 2115 النور بتاع التابلوه و الفوانيس و الصالون بيرعش خفيف ده من ايه؟

**nimo.mimo** · 28-05-2010 03:40 PM

سؤالين:
1- أنا كنت بافكر أجيب عربية نيفا 2010 لأنها جيب عالى و رخيصة جدا , بسعر الفيرنا , إيه رأيك فيها كمعدة و ليس كرفاهية؟
2- إزاى الوحد يحمى عربية لادا تقليدية من موضوع تطفيش الكوناكت و سرقتها؟ هلى فيه حاجة زى فصل الكهرباء أو ماشابه بحيث لو الحرامى اتنطط ما تدورش؟

**engaass** · 30-05-2010 10:06 AM

بسمع صوت تكتكه كأن صاج بيخبط فى بعضه كل مادوس على الفرامل ويستمر شوية وبعدين يبطل هل ده معناه انى اغير التيل

**haroun707** · 31-05-2010 06:02 PM

المشاركة الأصلية كتبت بواسطة momo22

عايز اخلى الموتور ملوش صوت زى العربيات الجديده ينفع ولو ينفع منين وبكام

بص يا جميل انت ممكن يكون صوت الماتور عالى عندك علشان التاكيهات مش مظبوطة فا نصيحتى انك تروح لميكانيكى كويس يظبطلك التاكيهات حتلاقى صوت العربية اختلف وسحبها والسخونية واستهلاك البنزين كمان

المشاركة الأصلية كتبت بواسطة elbahay

عندى لادا 2105 موديل 94 الدركسيون بتاعها تاعبنى

والعفشجى بيقول العلبة عايزة تتغير فكرت اركب بدل العلبة أسكترة

بس ناس كتير وصنايعية خوفونى منها

انا عايز اخد رأيكم فى مزايا الاسكترة وعيوبها

وهل اركبها ولا اركب علبة احسن ولو ركبتها حتتكلف تقريا كام ؟؟؟؟

ولكم الشكر

ياباشا انت تتوكل على الله وتركب علبة اسمها 5 بلية ودى حتخلى الدركسيون خفيف معك بأذن الله

المشاركة الأصلية كتبت بواسطة lada2010

بص المساعدين فى نوع المانى اسمو مونرو تقربيا هو غالى بس كويس والسوست لو تقدر تجيب سوست عالية علشان لادا بتهبط بسرعة زى سوست البيجو كدا اما الاسعار

المساعدين 150 جينة - السوست 120 جينة - البارات 150 جينة ( دا البارات كاملة بالبيضات ) فبرمناول 5 جينة بس عايز منك طلب هبعت لك واقول لك علية على الخاص والاسعار دى تقبية من السوق

من فضلك اوعى تركب سوست عاليه خالص خالص لانها حتخنقك فى عشتك وكمان حتخلى العربية مزندة وبتدبدب لانها بتفتح المساعد على الاخر ومبيقفلش فى سوست 131 ايطالى انا جيبتها بس الميكانيكى قصلى منها لفه بس خلى بالك القص يكون على البارد مش بالتسخين علشان السوسته متفدش خواصها والله المستعان

المشاركة الأصلية كتبت بواسطة abuhaitham

حذاري ثم حذاري من استخدام سوست البيجو في العربية الادا لأنها ناشفة جدا وهتضيع العربية في أقل من شهر وهذا عن تجربة شخصية .أحسن حاجة استعمل سوست فيات 131 وهي نوعين هات النوع الأغلى شوية سوف تحتاج تقص منه شوية عشان هو عالي

الكلام ده مظبوط جدا جدا

**marlada** · 01-06-2010 11:08 AM

محدش عندو حل لتعديل العفشه للادا 2105

**marlada** · 01-06-2010 11:16 AM

انا استعملت السوسته بتاعت 131 فعلاً حلوا جداً استخدمتها في الاثنين الى ورا بس ومديه نتيجه تحفا

**marlada** · 01-06-2010 11:36 AM

انا عندي 2107 انجكشن 2007 روسي . المشكلة عندي ان العربية مبتسحبش بعد سرعة 90 كم بس في الاول والتانيوكل الغيارات بتسحب ذي الفل الا علي الخامس بعد ال90 . ارجو الافادة

سيدى الفاضل ارجو انك تعذرنى انتا بتجيب خامس بدري جداً لان معرفتى ان االلادا ديه 1500 سي سي فا جرب الاتى
1- الاول للتانى لحد 30 بالكتير
2- من التانى للتالت 45
3- من التالت للرابع حاول توصل لل80 --- 85
4- من الرابع للخامس عدي 100-110-120
5- لما تنقل خامس و انتا جايب 110 120 هتلائى العربيه مرتاحه
حاول تعمل ده مره واتنين هتلائي فرق واضح
والله اعلى واعلم
شكراً