لديك مشكلة ,شكوى فى سيارتك الكيا (خط اتصال مباشر مع التوكيل)

**aymanelshazli** · 09-03-2010 01:49 AM

السلام عليكم
انا جديد خالص فى الموضوع وعايز اعرف اول صيانة للكيا نيو سيراتو بتكون بعد كام كيلوا. شكرا

**ghost1900** · 09-03-2010 08:56 AM

أول صيانه بعد 1000 كيلو وفيها تشيك اب وتغيير زيت وفلتر ولو عربيتك وكيل بتتكلف 268 جنيه.

**abouwesam** · 12-03-2010 08:57 PM

انا صاحب السيارة السيراتو الشكل القديم اللى من يوم ما استلمتها و فيها مشاكل فى التعليق المامى الأيمن و تخبيط و حاول التوكيل اصلاحة من سنة بتغيير المساعدين بدون فايدة و من 3 شهور بدأ صوت زى رملمان بللى مع رجوع اصوات التخبيط من التعليق تانى و كمان مرة التوكيل خدها اسبوع و تانى غيروا المساعدين و حاجات تانية و رجعوا العربية يمكن التخبيط قل شوية لكن لسة موجود و بيزيد يوم مع يوم ولسة صوت الخشونة اللى زي صوت رولمان البللى موجود. يعنى ببساطة مع كل اللى غيروة مش هو السبب لأنة فى عيب صناعة ومش عارفينة. هل التوكيل هياخد العربية كمان مرة اسبوع و يرجعها تانى زي ما هي, يعنى اسبوع معاى و اسبوع مع التوكيل مش عارف, ولا يغيروا العربية ولا خلاص اروح لجهاز حماية المستهلك.
ممكن حضرتك من اتصالاتك مع التوكيل تفيدنى بالخطوة التالية لأنى خلاص زهقت من العربية و القرف اللى انا فية من سنة ونص كل الناس مبسوطة و فرحانة بالسيراتو وانا عايش فى كابوس اسمة سيراتو.

**Amr Mohamed** · 13-03-2010 02:30 AM

السلام عليكم انا جبت عربيه كيا شوما وفيهاكاسيت بس مش معاه الكود وكنت عايز الكود ينفع ولا لا

**ebn7azm** · 15-03-2010 02:02 AM

التوكيل هيكون رده ان الموتور صوته عالى بعد 120 لان سير الكاتينه جنزير

**ebn7azm** · 15-03-2010 02:03 AM

المشاركة الأصلية كتبت بواسطة yasso79

فى الاول
السلام عليكم و رحمة الله و بركاته
بجد شكرا شكرا على المجهود اللى اكتر من رائع و ربنا يوفقكم على خدمة الناس
المهم انا كان عندى بعض الاستفسارات اللى مش عارف عنها اى حاجه
1- صوت الموتور بيعلى جدا بعد سرعة 120 كم / ساعة
2- دايما ال usp بيفصل و يعمل restart لوحده
3- العربيه فعلا بتعوم جدا بعد180وداه كان على سبيل التجربه يعنى انا مش بامشى كده
بجد ارجوا الافادة لكى يكمئن قلبى اكتر
عربيتى ( نيو سيراتو 2010 - مانيوال خليجى فول اوبشن )

الصوت عالى لان سير الكاتينه جنزير وده كلام التوكيل

**roland_yamaha** · 16-03-2010 11:01 AM

السلام عليكم ورحمة الله
أنا معايا كيا سيفيا موديل 2000 مشكلتي هي إن التكييف بتاعها لا يسقع وتدفق الهوا ضعيف يعني لازم أشغله ع الرابع عشان أحس بيه بس.
ده كل حاجة فده ممكن يكون عيب ايه أرجو الرد بسرعة أحسن الواحد هيتسلق في الحر ده وشكرا

**abouwesam** · 16-03-2010 12:44 PM

المشاركة الأصلية كتبت بواسطة abouwesam

انا صاحب السيارة السيراتو الشكل القديم اللى من يوم ما استلمتها و فيها مشاكل فى التعليق المامى الأيمن و تخبيط و حاول التوكيل اصلاحة من سنة بتغيير المساعدين بدون فايدة و من 3 شهور بدأ صوت زى رملمان بللى مع رجوع اصوات التخبيط من التعليق تانى و كمان مرة التوكيل خدها اسبوع و تانى غيروا المساعدين و حاجات تانية و رجعوا العربية يمكن التخبيط قل شوية لكن لسة موجود و بيزيد يوم مع يوم ولسة صوت الخشونة اللى زي صوت رولمان البللى موجود. يعنى ببساطة مع كل اللى غيروة مش هو السبب لأنة فى عيب صناعة ومش عارفينة. هل التوكيل هياخد العربية كمان مرة اسبوع و يرجعها تانى زي ما هي, يعنى اسبوع معاى و اسبوع مع التوكيل مش عارف, ولا يغيروا العربية ولا خلاص اروح لجهاز حماية المستهلك.
ممكن حضرتك من اتصالاتك مع التوكيل تفيدنى بالخطوة التالية لأنى خلاص زهقت من العربية و القرف اللى انا فية من سنة ونص كل الناس مبسوطة و فرحانة بالسيراتو وانا عايش فى كابوس اسمة سيراتو.

انا بقالى اكتر من اسبوع باحاول اتصل باحد المسؤليين فى التوكيل و الكل بينكر نفسة. مش عارف لية مدينى الأحساس انى بشحت منهم مع انة حقى و إذا كانت العربية فيها عيب صناعة دى مش سبة فى حق كيا الناس كلها يتغلط و بتصلح غلطها. لكن الأنكار دة بيزود غضبى و احساسى بالقهر و الأحساس ان حد سرقك و جرى و كمان بيطلع لسانة. و بعدين حضرتك قلت انك عندك اتصال بالوكيل اذا فى شكوى و كتبت لحضرتك هنا اكتر من مرة, فاذا كنت حضرتك عرضت الشكوى و هم رفضوا التعاون قلنا علشان نعرف.