لديك مشكلة ,شكوى فى سيارتك الكيا (خط اتصال مباشر مع التوكيل)

**Atrees** · 28-03-2010 01:28 PM

المشاركة الأصلية كتبت بواسطة ghost1900

بص يا بوب، أنا روحت التوكيل عملت صيانه 5000 هى عباره عن تربيط عفشه وتشيك فرامل وزيوت وخلافه (مجانا لعربيات الوكيل - نصيحه روح أعملها)، وقلت لهم على الصوت العجيب ده فبعد الصيانه المهندس محمد اللى استلم منى العربيه جاب الجوب أوردر وراجعناه ملقناش أى حاجه فيه غير الحاجات اللى فوق بتوع ال 27 نقطه صيانه.

طب الصوت ده ايه قالى العربيه مفيهاش حاجه غريبه وجرب لو فيها حاجه هاتهالنا المهم أنا مش سامع الصوت هجرب شويه وأشوف وهقولك.

خد عندك دى بقى بسؤال المهندسين هناك قالوا أن العفشه واحده فى كل موديلات السيراتو يعنى المساعدين اللى شايله الجنط 15 هى هى اللى شايله ال 17

ازاى يا جماعه وفرق الوزن وااااااااااااااا مخدتش أجابه مفهمومه :b4_444:.

على فكره أنا قابلت هناك العضو conspirator وكعاده كل أعضاء نايل موتورز شخص محترم جدا وعلى خلق.

صباحو فل يا باشا - شكرا جدا علي المعلومات والله كلك ذوق

بس هما مقالوش حاجة عن الصوت ؟؟؟؟

وسؤال تاني - هوا انا بحجز صيانة ال 5000 ؟ والا بروح علي طول ؟

وعملت الصيانة دي فين ؟

**ghost1900** · 28-03-2010 01:39 PM

المشاركة الأصلية كتبت بواسطة Atrees

صباحو فل يا باشا - شكرا جدا علي المعلومات والله كلك ذوق

بس هما مقالوش حاجة عن الصوت ؟؟؟؟

وسؤال تاني - هوا انا بحجز صيانة ال 5000 ؟ والا بروح علي طول ؟

وعملت الصيانة دي فين ؟

صباحك عسل - لا مقالوش حاجه عملوا تشيك وقالوا لى أن العربيه مفيهاش حاجه يعنى كله عادى، الصيانه عملتها في أبو رواش وبتحجزها عادى بالتليفون وهى صيانه مجانيه

**nyzo** · 28-03-2010 05:33 PM

أنا عندي مشكلة،
أنا من ٤ شهور اشتريت KIA بيكانتو موديل ٢٠١٠ الشكل الجديد.
العربية معايا ممتازة، عملة ٣١٠٠ كم بس فيها حاجة كنت عايز استفسر عنها:
إستهلاك البنزين في الفلير بتاعها مكتوب إن ٥ لتر لكل ١٠٠ كم والعربية تنكها ٣٥ لتر يعني المفروض لم أفول التنك على الأخر واملها ٣٥ لتر تعمل ٧٠٠ كم
أكيد دة الإستهلاك المثالي للعربية ودة مستحيل يحصل، لكن أنا عندي مبتكملش 400km أقصى حاجة كانت ٣٥٠ كم بدون التكيف ولم عملت صيانة ال-١٠٠٠ كم سألت فالتوكيل إلي في روكسي وقالولي إن العربية كدة دة الطبيعي بتاعها.

إلي مستفزني و مديئني في الموضوع اني أنا عندي عربية تانية فيرنا ١٦٠٠ cc موديل ٢٠٠٨ ولم بافولها ٣٥ لتر بتعمل ٣٢٠ كم بدون تكيف وهي ١٦٠٠ cc يعني المفروض بتحرق بنزين أكتر بكتير مل بيكانتو إلي هي ١١٠٠ cc

ممكن من السادة إلي معاهم بيكانتو أو من السادة إليي فالتوكيل يفيدوني ويقولولي على المعلومة الصحيحة لإستهلاك البيكانتو ال-١١٠٠ cc موديل ٢٠١٠ في البنزين؟؟

أرجو الرد.
مع الشكر.

**basemrami** · 28-03-2010 09:53 PM

حد يرد عليا يا جماعة
please i need an answer for my problem

**marso** · 30-03-2010 12:48 AM

ياجماعة ممكن حد يرد على؟؟ عربيتى كيا برايد العصفورة بتتطفي وهي ماشية ومش بتقوم تاني والكهربائي قال لي عايزة مشط. اشتريت المشط وكتير حذروني من المتواجد في السوق. وفعلا بعد ما ركب كان بايظ ومش عارف أتصرف إزاي. إيه البديل؟ حد قال لي أغير الاسبراتير كله. حد يفيدني يا جماعة.

**waelamin123** · 30-03-2010 10:53 AM

السلام عليكم استلمت السيارة كيا بيكانتو 2010 وكيل من موزع ورفض اعطائى الضمان الا بعد ترخيص السيارة مع العلم انه فة حالة استلام السيارة اخد الضمان معها ما الحل.

**ethan82** · 01-04-2010 02:18 PM

ياتري فعلا في حد بيتابع المشاكل هنا والا لأ ؟؟

**ashetaia** · 03-04-2010 02:01 AM

السلام عليكم
انا اشتريت الكارينز الهاي لاين من سمير ريان وكيل بس في عند كام مشكلة الرجاء المساعدة اكرمكم الله
1- العبية الريموت بتاعها مش معاها وقالولي هتستلمو من التوكيل لمل يجي من بره (ضاع اثناء الشحن) هروح اسال التوكيل لما ارخص لاسبوع الجاي
2- النور بتا العربية العادي مش شغال شيكت على الفيوزات لقيتها تمم
3-الطارة المالتي مش شغالة ( سمعت في المنتدى انهم هيغيرة الكاسيت )وهيشغلوها حد عنده فكرة

**BoOoning** · 03-04-2010 10:41 AM

السلام عليكم
لا أفهم ما معني أن سيارة كيا سيراتو 2010 خرجت من معرض السبع يوم 12/3/2010 , و تم الترخيص بتاريخ 16/3/2010 , وفيها مشكلة في دواسة الفرامل , ومشكلة تانية في الفتيس والنقلات بعد أسبوعين من خروجها من المعرض وقبل صيانة الألف كيلو الاولي , وهيا عاملا دلوقتي 920 كيلو متر وميعاد صيانة الألف اليوم السبت 3/4/2010

شاسية رقم : - 5827137
موتور رقم: - 328723
ملاكي :- ط ف 7819

مهندس / أيمن لطفي إمام
0105232328