التقيم الشامل للجراند بونتو أوتوماتيك

**SeiffoZ** · 12-08-2009 05:32 PM

فعلا الموضوع ده يستاهل ...

مبروك على التثبيت!

**loodaa** · 12-08-2009 06:00 PM

المشاركة الأصلية كتبت بواسطة monsif

الله يبارك فيك و ألف مبروك ليك العربيه الجديدة
أنشاء الله أجرب ال eco Drive فى أقرب فرصه و أقول ال Eco Rate بتاعى كام .
أنت لما جربته ال Rate بتاعك كان كام ؟

انا باكدج واحد مافيهاش eco drive

**monsif** · 12-08-2009 08:43 PM

المشاركة الأصلية كتبت بواسطة relentless_mayhem

فعلا الموضوع ده يستاهل ...

مبروك على التثبيت!

الله يبارك فيك و مرسي جدا

**monsif** · 12-08-2009 08:58 PM

هو فى حاجه مش وضحه بس هى أن فى فرق بين eco Drive و eco mode فى الفتيس ال diologic اللى هو الأستبترونك فى العربيات الفيات
الeco Drive هو برنامج بيتثبت على Blue & me الموجود فى العربيه سواء كانت مانيوال أو أوتوماتيك الغرض منه تجميع بيانات عن سيارتك أثناء القياده خلال فتره زمنية بعد كده البيانات دى بتخدها على جهاز الكومبيوتر بتاعك و يتم تحليلها لمعرفه العيوب فى أسلوب قيادتك و تعديله ليكون أقتصادى و لتقليل الأنبعاثات الضارة من السيارة . بعد ما يحلل بياناتك بيكتبلك ال eco Rate بتاعك اللى هو بيكون رقم .
أما بالنسبه لل eco mode هو نظام قيادة عامل ذي نظام ال Ds فى العربيات ( متسوبيشي لنسر ) بس مع الفارق أنه بيعمل على توفير أستهلاك الوقود و بيقلل من تسارع العربيه بأنه بيخلى العربيه تغير السرعات على لفات محرك منخفضه بين ال 2000 و 2500 لفه . و النظام ده موجود فى العربيات الأوتوماتيك بس

**Ahmad Shawky** · 15-08-2009 03:03 AM

شكرا يا منصف على الشرح الوافى للعربيه الى الجمييله دى الى هيه عربيتى انا كمان
انا جايبها من 3 شهور كاتيجورى 1 اوتوماتك وممتازه معايا فى كل حاجه بس فيها عيب مش عارف ده عيب وله ايه
ان النقل على الفيتيس اليزيى ترونك ملحوظ اوى وفى صوت تكه كده مع كل نقله وكمان لمه بتبق ى على ال5 وفجأ فى مطب ودوست فرامل بتحس اوى بتسقيط النقلات الى بيسقطها علاشن يجيب ال2 مثلا فمش عارف هوه ده اليزى ترونك وله بيتظبط فى التوكيل برضو عاوز اعرف منك يا منصف العربيه عامله معاك ايه فى الموضوع ده

**monsif** · 16-08-2009 02:19 AM

المشاركة الأصلية كتبت بواسطة ahmedshawki

شكرا يا منصف على الشرح الوافى للعربيه الى الجمييله دى الى هيه عربيتى انا كمان
انا جايبها من 3 شهور كاتيجورى 1 اوتوماتك وممتازه معايا فى كل حاجه بس فيها عيب مش عارف ده عيب وله ايه
ان النقل على الفيتيس اليزيى ترونك ملحوظ اوى وفى صوت تكه كده مع كل نقله وكمان لمه بتبق ى على ال5 وفجأ فى مطب ودوست فرامل بتحس اوى بتسقيط النقلات الى بيسقطها علاشن يجيب ال2 مثلا فمش عارف هوه ده اليزى ترونك وله بيتظبط فى التوكيل برضو عاوز اعرف منك يا منصف العربيه عامله معاك ايه فى الموضوع ده

الله يباركلك فيها
هو فعلا المدة بين النقلات بتكون أطول من الأوتومتيك العادي بس أنا مش بسمع صوت تكه . بسمع صوت كومبيوتر العربيه اللى هو ززززززززززززز بس مش صوت مزعج أوى .

**Ahmad Shawky** · 16-08-2009 03:02 AM

المشاركة الأصلية كتبت بواسطة monsif

الله يباركلك فيها
هو فعلا المدة بين النقلات بتكون أطول من الأوتومتيك العادي بس أنا مش بسمع صوت تكه . بسمع صوت كومبيوتر العربيه اللى هو ززززززززززززز بس مش صوت مزعج أوى .

شكرا يا منصف على الرد
كنت عاوز اسألك كمان
بالنسبه لزراير الزجاج الأمامى لمه بتفتح الإزاز بتفتحو بضغطه واحده يفتح لغايت الاخر من غير متفتضل دايس ده بالنسبه للإزازين الى قدام
طيب لمه باجى اقفلا الإزاز بتاع السائق بس هوه الى بيطلع لوحدو بضغطه والزجاج التانى لازم افضل دايس على الزرار لحد ميطلع مش اوتوماتيك يعنى بضغطه فى الصعود
يترى الموضوع ده عندك وله ده عيب عندى اصلحو فى الصيانة

**CryptonX** · 16-08-2009 11:38 AM

المشاركة الأصلية كتبت بواسطة ahmedshawki

شكرا يا منصف على الرد
كنت عاوز اسألك كمان
بالنسبه لزراير الزجاج الأمامى لمه بتفتح الإزاز بتفتحو بضغطه واحده يفتح لغايت الاخر من غير متفتضل دايس ده بالنسبه للإزازين الى قدام
طيب لمه باجى اقفلا الإزاز بتاع السائق بس هوه الى بيطلع لوحدو بضغطه والزجاج التانى لازم افضل دايس على الزرار لحد ميطلع مش اوتوماتيك يعنى بضغطه فى الصعود
يترى الموضوع ده عندك وله ده عيب عندى اصلحو فى الصيانة

لا ده مش عيب ده بالتصميم و معظم سيارات فيات كدة ( سيارتي باليو 2006 ) برده كدة ينزل الاتنين اوتو بس القفل بتاعي انا بس .

ودي عاملنها نوع من الامان علشان ميكونش حد حاطط ايده و انت بتقفل يقوم قافل اوتو مش حتلحق توقفه تاني علشان لازم تسيب ايدك و تدوس تاني علشان يقف انما لو العادي لو سبت ايدك حيقف عادي .

من الاخر يعني مش عيب عندك :)

--

و الف شكر يا استاذ Monsif علي الموضوع .