الموضوع: التقيم الشامل للجراند بونتو أوتوماتيك

المشاركة الأصلية كتبت بواسطة refattosa

الف مبروك يا باشا ع العربية....فعلا جميلة جدااااااااا

انا روحت التوكيل و اتفرجت عليها و بافكر احجز بس ليا كام سؤال بعد اذنك

1- ال eco mode موجود في باكدج 1 ...؟

2- فيها رافعة زجاج يعني اما تقفل السنتر بالريموت الازاز بيطلع لوحده..؟

3- في كماليات ممكن تتركب في التوكيل زي مثلا senson parking & camera

و تقبل تحياتي و الف مبروك مرة تانية

احمد

الله يبارك فيك يا أحمد و مرسى جدا .
هو بالنسبه للسؤال الأول فهو موجود فى كل الأوتوماتيك .
و بالنسبه للسؤال التاني للأسف لا .
أما السؤال الثالث مش عارف و اللهى لأني لسه مروحتش التوكيل لأن أول صيانة هى ال 5000 كيلو متر.
في كماليات أنا مقولتهاش ذي لمبة حزام الكرسي اللى جنب السواق و ضبط عجلة القياده فى أتجاهين يعني لفوق و تحت و قدام و ورا و الكاسيت بيرفع الصوت و يخفضه أوتوماتيك حسب سرعة العربيه و الشاشه بيتكتب فيها مكان الباب المفتوح أو الشنطه أذا كانت مفتوحه و ضبط أشارة التحذير عندما تصل السرعه لحد معين ذي ما أنت عايز أو ممكن تقفله , يعني هي حاجلت مش فظيعه بس مفيده برضه و دي موجوده فى كل الجراند بونتو

المشاركة الأصلية كتبت بواسطة adel1414

ممكن اعرف الالوان المتاحة والنبيتى متاح فى المانيوال ولا لا

أنا مش عارف كل الألوان المتاحة فى الوقت الحالى بس الألوان اللى كانت متاحه عندما أشتريت هي الأحمر و الفضي و الأزرق الزهري و الأزرق السماوي و الأسود.
و اللون الأبيض موحود لكن نادر و السبب فى كده ان العربيات النقل فى أيطاليا بيكون لونها أبيض و سيارات الركاب كل الألوان عدا اللون الأبيض .
لكن أنا في ألوان أنا شفتها في مصر من العربيه بس ملقيتهاش فى التوكيل و هي النبيتي و الأخضر الميتالك و البرتقالي .
الجراند بونتو كوبيه مفيش منها غير لون أسود فقط .

المشاركة الأصلية كتبت بواسطة moh.abdelbaset

شكراً على التقيييم
ربنا يباركلك في العربية :)

الله يبارك فيك و مرسي جدا

شوفوا اللينك ده
www.fiat.co.uk/accessories
عليه حاجات كتير أوى ممكن تشتريها للجراند بونتو و أسعار الحاجات دي كلها

العربيه دي داخله دماغي جامد ورحت شفتها في التوكيل وعجبتني اكتر
بس الفتيس الاوتو مكانتش عندهم في العرض يا ريت تصورهلنا يا باشا
المشكله بقى ان انا هجيبها بعد لانسر 2006 يعني كانت من غير اعطال خالص! وقطع غيارها في كل حته
بس البونتو قليله جداً ومعرفش قطع غيارها متوفره ولا لأ ومعرفش اعطالها ومشفتش حد جربها قبل كده ورغم اقتناعي بيها بس كل الناس بتقول ابعد عنها وهات حاجه يبقى ليها قطع غيار
يا ريت اللي يعرف اسعار قطع غيارها في التوكيل يقول وهل هي متوفره خارج التوكيل عند تجار قطع الغيار وشكراً مقدماً