تصفير متكرر عند الفرامل - و سزال عن الدبرياج !

**CryptonX** · 24-10-2007 02:16 PM

شكر ليك يا فولكانو , و شكرا لكل الي شاركو ! و شكرا للتاكيد يا استاذ ممدوح

انا حنزل اجيب الطقم الألماني الأصلي انهاردة انشاء الله .

**volcano12** · 24-10-2007 06:58 PM

المشاركة الأصلية كتبت بواسطة modux

يا مرحب يا مرحب ب فولكانووو !!!

فينك يا مان ؟

واحشني :lol: :lol:

و أنت كمان و الله :lol:

المشاركة الأصلية كتبت بواسطة ابوحميد

والله يا فولكانو تعبتنى على ما قريت اللى كتبته
ولو عاوز كلامك ينقرى حاول تكتب بالعربى نصيحة من اخوك

معلش يا باشا أنا أسف و الله بس كنت عايز أكتب كتير و أنا بكتب بشويش أوى بالعربى :?

**Nader** · 24-10-2007 07:19 PM

انا من هواة الدبرياج جدا !! الله يسامحه الي علمني سواقة .. اي حاجة دبرياج ! عايز افرمل عايز اهدي عايز الف .. دبرياج !!

وانا شايف ان في مدرستين او 3 في الموضوع ده !

ناس تقولك لآ .. مور وانت ماشي !! و من قراءتي لبعض المجلات الآمريكية . قالوا ان ده خطر جامد جدا و خطأ شائع !

و ناس تقولك . لآ فرمل بدون دبرياج .. ولو حتبطل منك تدوم دايس دبرياج .. غير كدة متستعملوش خالص !

و ناس تالتة قالتلي الي انا بعمله دا عادي !!

انا بقالي 26000 كيلو بسوق وبستعمل الدبرياج كتيييييييييييييييير جدا ! في كل حاجة .. بس الحمد الله سليم مفيهوش حاجة ... انهي بقى الصح يا جماعة ؟؟؟

متستعملش الدبرياج غير لما تدور العربية ولما تنقل من غيار لغيار وعند التهديه قبل وقوف العربية.

اما بخصوص التيل ةالطنابير فمتسترخصش في الحجات دي لان الخامات بتختلف والفرامل من اهم اجزاء العربية.

**Adham** · 24-10-2007 08:21 PM

المشاركة الأصلية كتبت بواسطة hazem_khidr

سوري يا كريم نسيت اقولك ان لو الطنابير تعبانه و انت بتدوس فرامل حتحس برعشه في الدوايسه تحت رجلك ساعتها تعرف ان الطنابير دي وحشه

صحيح
دي علامة ان الطنابير مقفعه

بس فية عيوب تانية للطنابير تخليها تصفر من غير ما تحس بالرعشة دي

**MoMohsen** · 28-10-2007 05:16 PM

بص يا باشا . التصفير اللى عندك دة لية سبب واضح والكل اشار لية فى الموضوع هنا و هو نوع تيل الفرامل اللى انت جبته.
بس انا ان شاء الله هقولك السبب.
تيل الفرامل بيكون عبارة عن جزئين:
-جزء خارجى كل استخدامة تثبيت التيل
-و جزء اخر يسمى الحشوة و دة اللى بيقفش على الطنبورة لما تدوس فرامل و هو اهم جزء فى اى فرامل .الحشوة دة مكونة من اكتر من خامة و بتكون عاملة زى الكربون.المهم انت لما بتسترخص فى نوع التيل بتكون الحشوه دة فيها نسبة حديد كبيرة و دوة بيأدى ان التيل الحديد و الطنبورة بيعملو صفارة عالية عند الفرمله و طبعا مع الاستخدام هيعمل ريجة فى الطنبورة و بعد كدة الطنبورة تبوظ خالص و لازم تتغير.والمشكلة الاكبر من دة كله بتكون ان الفرامل متعملش بكامل قوتها و دوة لا قدر الله ممكن يسبب حوادث.
نصيحتى ليك انك لو هتشترى هات الاصلى لو ملقيتش هات انضف نوع بعد الاصلى

**Adham** · 28-10-2007 08:21 PM

صحيح بس النسبة بتبقى نحاس مش حديد اللي تخلي التيل يصفر

و يبان انك تلاقي التيل غالبا فية نقط دهبي بتلمع من النحاس غالبا بتبان بالعين و هو جديد او بعد مايستعمل شوية

**hazem_khidr** · 29-10-2007 05:22 AM

مش ممكن يكون التيل الخلفي مش الامامي؟؟؟؟؟
الصفاره ساعات لما تطلع ما تبقاش عارف هي جايه منين ممكن يتهيالك انك بتسمعها من قدام و هيا جايه من ورا.
عموما حاول تمي في شارع فاضي و براحه و مور العربيه و ارفع فرامل اليد بشويش و شوف حتسمع صوت ولا لاء؟
لو سمعت صوت صفاره يبقي كده التيل الخلفي مش الامامي.

**Adham** · 29-10-2007 11:53 AM

لأ التيل الخلفي لو قباقيب مش سكينة عمرة ما يصفر

الصفارة فقط من التيل في الطنابير السكينة (الامامية)

و بعدين هو قال انة بعد تغيير التيل الامامي الصفارة منعت 3 ايام و رجعت يبقى التيل الامامي وحش (فية نحاس كتير)