صور مسجد الرحمن الرحيم ( توشيبا العربي ) بصلاح سالم ... قبل الافتتاح

**Ahmed Selim** · 17-08-2009 11:07 AM

المشاركة الأصلية كتبت بواسطة terrible_darsh

والله يا حاج احمد انا مش عارف اتفق معاك او اختلف , و لكن فى دولة زى الامارات تقريبا لا يوجد فقراء من الاصل علشان كدا الاموال الزائدة من الافضل انها تبنى مساجد فيها خدمات افضل للناس .

لأ يا درش المفروض تتصرف على بناء مساجد فى قرى من دول أسلامية فقيرة لا يوجد بها مساجد ( و الأمثلة كتير فى باكستان و أفغانستان و الصومال ) و فى فعلاً جمعيات خيرية فى بعض دول الخليج بتساعد المتبرعين فى المواضيع دى

**aif** · 17-08-2009 11:14 AM

المشاركة الأصلية كتبت بواسطة terrible_darsh

متفق معاك انها فيها مبالغة كبيرة , بس برده شوف حضرتك دولتهم عاملة ازاى !

لا عندهم فقير و لا محتاج و لا شباب مش عارف يتزوج و لا اى شيء من ده , علشان كده هما مهتمين بالمبانى الاسلامية بشكل كبير عن حده و لكننا منقدرش نعاتبهم على دا لانهم مغطيين احتياجات الشعب عندهم فمحدش بيركز مع المصاريف الكبيرة اللى بيصرفوها .

بس برده انا مش شايف مبالغة فى المسجد ده بصراحة , يعنى لما تدخل و تقعد براحتك فى مكان واسع و مُكيف و كل شيء متواجد فيه و تقرا قران فى هدوء ده احساس رائع مفيش بعد كده , و منظر الجامع من الخارج شيء يفرح بجد و لو فى حد شايف ان فيه شيء من المبالغة فممكن اتفق معاه فى هذه النقطة .

المبالغة الوحيدةفي هذا المسجد في رأيي هي المآذن الكبيرة جدا .... والزخارف بداخل المسجد والتي استغرقت سنوات .....
اما المباني والوسع والفرش والتكييف والاضاءة والمرافق فهي اشياء ضرورية لراحة المصلين ولا احد ينكر ذلك
يعني لو المآذن مش موجوده ..... هل اللي بيصلي ح يشعر بفرق ؟؟؟؟
المآذن ابتدعوها اساسا كتقيلد للكنائس الاوربية ..... و كمكان عالي يقف عليه المؤذن ليصل صوته الى ابعد مدي ممكن قبل الميكروفونات .... بس
...
انا عيشت في السعودية كتير يا درش
الحال مش زي ما انت فاكر ..... يوجد طبقات مطحونة في السعودية .... الشباب مش لاقي شغل .... لا تغرك مظاهر الاغنياء والمليونيرات السعوديين .... دول فئة منهم .... ويوجد منهم فقراء جدا

**Karim_Mohy** · 17-08-2009 11:23 AM

امين يا ربالعالمين

**ehabbasha30** · 17-08-2009 11:28 AM

مـــــــــا شــــــــــــــــــــــــ ـــــــاء الله

**aif** · 17-08-2009 11:29 AM

ربنا يوعدنا جميعا
ويا رب نشوف هذا المسجد ممتلئ بالمصلين
وايا كانت اختلاف آراءنا ..... انا مبسوط بهذا النقاش المحترم المثمر
...
المهم بقى انا ناوي اصلي العيد في هذا المسجد ان شاء الله ... ودرش كمان ناوي ييجي ..... ايه رأيكم ؟؟ تبقي فرصة جميلة نتقابل في مكان طاهر ويوم عظيم ....
اللي يقدر ييجي ممكن نتقابل بعد صلاة العيد امام باب المسجد او نحدد مكان معين داخل المسجد ...

**aif** · 17-08-2009 11:40 AM

المشاركة الأصلية كتبت بواسطة terrible_darsh

طبعا نقاش محترم بين ناس محترمة , ربنا يجمعنا على الخير دايما ان شاء الله .

بس صحيح يا جماعة فين التفاعل :) ؟

المقابلة مرتبطة بصلاة العيد و مسجد و لا اروع و توقيت مفيهوش مشاكل ابدا .

وكمان ياريت يبقى الاطفال موجودين ....
انا ناوي اجيب محمود وإبراهيم معايا ان شاء الله
....
عموما بعد افتتاح المسجد سنختار مكان محدد نلتقي به بعد الصلاة ..... والدعوة عامة طبعا
والمقابلة ح تبقى مجرد معايدة وتعارف ومش ح تكون اكتر من 20 دقيقة على اكثر تقدير علشان الناس ترجع بيتها بسرعة

**Islam_galal** · 17-08-2009 11:41 AM

أخيرا مسجد كبير من احد رجال الأعمال
جزاك الله خيرا يا حاج أحمد علي نقل الحدث
و ربنا يكتر من أمثال الحاج العربي و يجعله في ميزان حسناته
يا ريت باقي رجال الأعمال الكبار يحطوا في عنيهم حصوة ملح ، منهم من يحتاج إلي ملئ الأرض مساجد لينقص من خطاياه و لا يبالي

-

الموضوع: صور مسجد الرحمن الرحيم ( توشيبا العربي ) بصلاح سالم ... قبل الافتتاح

LinkBack

أدوات الموضوع

عرض

-

-

-

-

-

-

المواضيع المتشابهه

شلل مروري بصلاح سالم

حادث مروع بصلاح سالم

مسجد الرحمن الرحيم

مسجد الرحمن الرحيم

الكلمات الدلالية لهذا الموضوع

المفضلات

المفضلات

ضوابط المشاركة