نصائح رمضانية ..... وبالقبول إن شاء الله

**aif** · 17-08-2009 06:59 PM

رمضان على الابواب ... كلنا عاوزين رمضان العام ده يبقى مميز ...
كلنا بنطمع في الرحمة والمغفرة والعتق من النار
عن تجارب كتير ممكن تعمل اللي تقدر عليه من النصائح دي
- احرص على اداء الخمس فروض بالمسجد ... الخمسة مش اربعة بس .... دي اهم شيء
- احرص على الاقلال من الكلام اثناء الصيام ..... اللسان هو اول اسباب الذنوب وافساد الصوم
- حاول بعد صلاة الفجر تجلس في المسجد تذكر الله الي الشروق ثم تصلي ركعتين الضحى .... دي أجرهامثل اجر حجة وعمرة تامة ... بنص الحديث الصحيح ... يعني حج وعمرة في رمضان وانت قاعد مكانك ..... شوفت كرم ربنا
- حاول ان تقرأ القرآن بتدبر وبقراءة صحيحة قدر الامكان ولو كمية قليلة بدل من من كثرة القراءة بدون تدبر لمجرد ختم القرآن
- حاول تنام بدري ... يعني بعد التراويح على طول ... علشان تقدر تصحى الفجر وتجلس للشروق .... لو سهرت بالليل يبقى راح عليك الثواب العظيم ده
- السيطرة على الاعصاب اثناء الصيام ... كل شوية فكر نفسك انك صائم
- ابعد تماما عن التلفزيون ..... انا شخصيا حتى البرامج الدينية مش باشوفها ..... اولا لأن الوقت يا دوب للعبادة والعمل والقليل من النوم ... ثانيا ابليس اللي في القنوات الفضائية بيعرف ازاي يجعل البرامج الدينية مدخل لباقي البرامج الدرامية الدموية .....
والبرامج الدينية كلها بتتعاد بعد رمضان .... ابقي شوفها زي ما انت عاوز .... لكن وقت رمضان غالي ونادر
- ابعد تماما عن النت .... وخصوصا المواقع اللي مش بتقدر تقاومها ..... يعني ن الآخر نايل موتورز .... انا عن نفسي باحدد لنفسي ساعة مثلا كل 3 ايام لمعرفة اخبار الزملاء والمنتدي وقراءة الرسائل والميلات والرد علي الضروري منها .... بس .... لكن قعدة بالساعات .... اوعى
- غض البصر ..... غض البصر ...غض البصر ..غض البصر ..غض البصر ..غض البصر ..غض البصر ..غض البصر ..غض البصر ..غض البصر ..غض البصر ..غض البصر ..
وكل ما كانت الاغراءات اكبر وغضضت بصرك عنها كل ما كان ثوابك اعظم عند الله
- الوضوء لكل صلاة .... وان تكون على وضوء طول يومك على قدر ما تستطيع ...الوضوء تخرج معه الذنوب
- الاذكار اليومية .. بعد الصلاة ... الصباح والمساء.. دخول المسجد والخروج منه ... الوضوء .. النوم..اذكار اليوم والليلة
- نية الاعتكاف مادمت في المسجد ..... وده يجوز عند بعض العلماء وهناك آراء غير ذلك ...
طالما داخل المسجد انوي الاعتكاف لحين خروجك من المسجد
- عدم الاكثار من الاكل في الافطار .... ممكن تفطر على تمرات وماء ... وبعدين تصلي المغرب في المسجد ... وبعد الصلاة تفطر بدون افراط ... علشان تقدر تصلي التراويح وانت صاحي وما تنامش اثناء الصلاة ... ولما ترجع ممكن تاكل وجبة تانية
- كثرة النوافل .... ده موسم طاعة ... اجر النافلة فيه كأجر فرض فيما سواه ....لا تبخل على نفسك
- تذكر دائما ان احب الاعمال الى الله ادومها وإن قل ..... الاعمال يجب ان تكون دائمة مش اول يومين بس .... ومش في رمضان بس ....
- من دلائل القبول ان يفقك الله الي عمل خير آخر .... يعني لما ربنا يتقبل صيامك .... تلاقي ربنا وفقك لصيام ستة ايام شوال .... وتلاقي ربنا هداك للصلاة في المسجد بعد رمضان ... والنزول لصلاة الفجر .... وبرك بوالديك
- لا تنسى ان رمضان شهر عمل وليس شهر كسل .... الكثير من الغزوات كانت في رمضان
- لو تقدر تاخد اجازتك السنوية من عملك في رمضان وتتفرغ في العشر الاواخر للعبادة .... ح تشعر بشعور آخر ..... وتذكر انك كان ممكن تاخد اجازتك عشان تروح المصيف ..... خلي المصيف السنة دي .... عند الله .... ومش لازم كل الجازة .... 10 ايام بس كفاية
- كثرة الصدقة ... وحاول توزع صدقاتك او شنطة رمضان او ما شابه ذلك على الشهر كله مش اول اسبوع بس
- لا تنسى صدقة الفطر ..... طلعها حبوب وطلعها فلوس .... طالما ربنا موسعها عليك ... تبقى عملت الاتنين .... وطبعا الجدل السنوي واختلاف الآراء في طريقة اخراج الزكاة انتو حافظينه .... انا عن نفسي باعمل بالرأيين .... المهم القبول
- كثرة الدعاء ... لنفسك ولوالديك ولأهلك واولادك واقاربك واخوانك واصدقاءك وزملاءك في المنتدى ... وما تنساش اخوك الفقير الى الله
ربنا يتقبل منا جميعا

**Ahmed Selim** · 17-08-2009 07:05 PM

جزاك الله خيراً يا حاج أحمد

**MTAK** · 17-08-2009 11:03 PM

جزاك الله يا حاج احمد كل خير

و ادعو ان نشحذ الهمم من الان لرمضان
شخصيا احاول سماع الدروس التى تتكلم عن رمضان
و هذا رابط للدكتور راغب السرجانى "ما شاء الله عليه"
ط±ظ…ط¶ط§ظ† ظˆط¬ظ‡ط§ط¯ ط§ظ„ط£ظ…ط© - ظ‚طµط© ط§ظ„ط¥ط³ظ„ط§ظ…
وهذا رابك لمجموعه كبيرة من الدروس التى تتكلم عن رمضان
اختر منها ما تحب ان تسمع
: شجرة التصنيفات -> ملفات شهر رمضان والعشر الأواخر

**aif** · 18-08-2009 02:16 PM

انا في غاية الاسف و شدة الخجل ...
لأني لم ابدأ بنفسي في النصيحة ....... وقد كان
وقد يكون هذا درس لي ان انصح نفسي قبل الآخرين .... والدرس سريع جدا .... فقد تكاسلت عن النزول الي صلاة الفجر اليوم ..... ولما صحيت تذكرت اني نصحت زملائي ... ولم ابدأ بنفسي
استغفر الله العطيم واتوب اليه
ربنا يسامحنا ويغفر لنا جميعا