الموضوع: النترا القديمه فلته من هيونداي

المشاركة الأصلية كتبت بواسطة hassan1309

إيه ياشباب محدش يعرف مركز أو ميكانيكي كويس يفهم في الإلنترا 2005 قريب من الدقي أو وسط البلد

ورشة ماهر

15 شارع الوحدة في امبابة

دكتور الهيونداي واسعاره معقولة .. و كنت لسه عنده امبارح و غير لي حساس a بتاع الفتيس الاتوماتيك و اخد 130 جنيه ( تمن الحساس + الاجرة ) لما سئلت عليه في التوكيل كان بـ 500 غير المصنعية

المشاركة الأصلية كتبت بواسطة حماده المصري

معلش بس عندي سؤال

هوه ايه حساس a

ايه وظيفته ولما باز مثلا حسيت ب ايه

هوه ازاي عرف ان الحساس بايز وجابه جديد ولا استيراد

الفتيس الاتوماتيك فيه 2 حساس a & p

الحساس a عندي كان بايظ بتاع السرعة, و كشف عليه بالاسكانر و اداله error و قالى عاوز يتغير ..

و اعراضه انى كنت لما اجيب d او r كانت العربية بتنط و ساعات كمان بين الاول و التاني , كانت بتدي نفس النطة و الحمد لله بعد ما غيرته , كله اتضبط و بقى تمام ,

و الحساس كان جديد مش استيراد

المشاركة الأصلية كتبت بواسطة حماده المصري

ياريت برضو لو توصفلنا مكانه هوه فين بالضبط يتراحله منين من شارع مراد او العجوزه

بتمشى كأنك رايح كورنيش ماسبيرو

و بعدين لغاية اما توصل لكوبرى روض الفرج تعمل يوتيرن و تطلعه تنزل في اول شارع الوحدة , هتلاقى الورشة على ايدك اليمين بعد اما تنزل علطول , بيت رقم 15

وده موبايله 0101520762

المشاركة الأصلية كتبت بواسطة حماده المصري

انا متشكر جدا لاهتمامك وسرعه ردك يا باشا

يا ريس العفو و احنا هنا كلنا اخوات و ابقى قلنا رايك فيه بعد ما تروح له ..

هيا بالمناسبة العربية بتعمل ايه معاك ؟؟