الموضوع: Hold الزارا ده بيعمل اية

المشاركة الأصلية كتبت بواسطة ahmed hassan

كلام حضرتك صح... بس كلامي برضو صح. أحنا بنتكلم في حاجتين مختلفتين. الزرار اللي الموضوع عنه اسمه hold و ده خاص بعمل الفتيس. الزرار اللي حضرتك بتتكلم عليه اسمه auto hold و ده حاجه تانيه ملوش دعوه بالفتيس و خاص بالفرامل.

فعلا واضح اننا بنتكلم عن حاجتين مختلفين لانى وانا بدور لك على اللنك ده عرفت انها خاصيه فى الفولكس بس
تحياتى لك

المشاركة الأصلية كتبت بواسطة saif3s

انا عندى زرار اال hold جنب الفتيس و فايدته الوحيده وطبعا للعربيه الاتوماتيك انك لما توقف فى اشاره العربيه بتعمل زى فرمله يد مؤقته ,يعنى تقدر تشيل رجلك من على الفرامل من غير العربيه ما تسحب او تزحف فى تعبير اخر,
وده بيفصل اوتوماتيك او لما تزود سنه خفيفه بنزين وطبعا تكرار العمليه دى لا نهائى
وده بيفيد فى المناطق الزحمه و الاشارات

الكلام ده مظبوط واستخدامه فى المطالع الجامده بيفرمل العربيه و يفك مع دوسه البنزين علشان مترجعش لورا

المشاركة الأصلية كتبت بواسطة ahmed hassan

لأ يا فندم... هوه ملوش دعوه بمثبت السرعه. زرار الهولد بيخلي العربيه متجبش النقله الأولى ابدا. حتى من الثبات تطلع على التاني. و فايدته تقليل العزم الواصل للعجل لما تكون على ارض زلقه (تلج او طين مثلا) فبدل ما العجل يلف على الفاضي في مكانه... يوصل الحركه بنعومه (النقله التانيه) علشان العربيه تبتدي تتحرك

كده تمام ....أتضحت الأمور
وبكده هو فعلا بيلغى تعشيق مرحلة السرعه الأولى
علشان مش محتاج عزم كبير فى تحريك السياره على الأرض فى بداية التحرك مثلا
وبالذات فى أحوال التشغيل الخاصه ( أرض مزحلقه أو ثلج ) لأن مقاومة الأرض لحركة العربيه بتبقى ضعيفه فى الأحوال دى
وأحنا مش محتاجين عزم كبير فى البدايه الى حد ما
وبعد كده كل الأمور بتمشى عادى

عاوز أقولك برضه يا أستاذ: أحمد
أن كلمة hold هنا فعلا بمعنى التثبيت
ولكن كما تفضلت وبينت ووضحت بالكتالوج
أن التثبيت هنا معناه ....تثبيت بداية النقل أبتداء من التانى وألغاء بداية النقل من الأول (عند الضغط على جهة hold )
نظرا لظروف خاصه مطلوبه من عمليات النقل
بسبب طبيعة الأرض