الموضوع: مشكلة مع المدرسة المصرية للغات

انا برضه رأيي انك تحمر لهم عينك شوية و تبعت المدرسة حد من اللي تثق فيهم يخلص لك الموضوع.. مثلا عمها أو خالها. أمال المدارسة الحكومة بيعملوا في تلاميذهم و أولياء أمورهم ايه؟ اما اللي دافعين دم قلبهم في مدارس لغات بيتعمل فيهم كده؟

شكرا يا جماعة على اهتمامكم بالرد وجزاكم الله كل خير
بجد انا كنت حاسس اني ملوي دراعي ومش قادر اعمل حاجة خاصة ان المدرسة في التجمع الخامس والمشوار بعيد وانتم عارفين الدائري ومشاكله وصعب الواحد يلاقي تاكسي يروح المشوار ده كله
كل سنة وانتم طيبين ويا ريت لو حد سمع عن مشكلة شبه كده يقولي ارجوكم

والله يا استاذة علا انا مش عارف الاستاذة مشرفة الباصات بتعمل فينا كده ليه ده حتى الاسباب الي قالتها كلها حلتهالها وطلعت كلها بسيطة وبرده مصرة وفي الاخر بتقول دي خدمة بتقدمها المدرسة وهي من حقها تقدمها بالطريقة الي هي عاوزاها

بس انا عاوز اسأل سؤال صغير
هو في خدمة بيندفع فيها الفين ومتين جنيه
انا متهيالي ان ده من التسهيلات الي بتقدمها الي المدرسة وانا بدفع تمنها وما هياش خدمة علشان الي انا اعرفه ان الخدمة بتكون لوجه الله تعالى
الي مضايقني ان المدرسة دي فعلا مدرسة محترمة وكل الناس الي شفتهم فيها محترمين وفيها فعلا نظام محترم
بس الحكاية دي غريبة جدا وهتعرض بنتي لمشاكل كتير والله والاستاذة المشرفة مش عاوزة تتفهم الموضوع واخدة الموضوع معركة ده كان انطباعي وانا بكلمها ويمكن اكون غلطان بس صدقوني كان نفسي تقولي سبب منطقي وما يكونش ليه رد عندي

في حل تاني انك تربط مع السواق ييجي للمكان التاني و مش لازم مديرة الحركة دي تعرف. و معتقدش هيبقى عنده مانع لو المكان الجديد قريب و هيوفر عليه وقت زي ما انت قلت.

بس أنا رأيي تكلم المدير نفسه و لو الموضوع برضه متحلش تحول في أقرب وقت, لأن لو الادارة مش قادرة\عايزة تتصرف لك في موضوع تافه زي ده فما بالك لو حصل مشكلة أكبر. خصوصا و ان المشرفة و المديرة وافقوا يعني انت اللي معاك الحق.

و الباص ده مش خدمة و انما حقك طالما بنتك في المدرسة.

المشاركة الأصلية كتبت بواسطة ezzat-fayek

هي مش مدرسة
مستر ناجي و ميس فاتن

استاذ عزت شكرا على ردك
بس المدرسة مش هي بتاعت مستر ناجي وميس فاتن
انا قصدي اصحاب المدرسة الا اذا كنت حضرتك قصدك انهم بيشتغلوا هناك

If you will end up moving your daughter. there is another school called Green Valley and MES and MSE (Masr 2000) all are around the Police Academy.

MSE (Masr 2000) is really good.....This is the school that was in Henidi's last movie.

They are actually better than ELS. My older sister used to teach there and she told me about how the school is really bad