الموضوع: مشكلة مع المدرسة المصرية للغات

المشاركة الأصلية كتبت بواسطة motorizer

و الله فيه حل ظريف جداَ إن المدرسة تحس إن صورتها بقت مش كويسة و إن صوت حضرتك مسموع و إن الموضوع مش بالتعسف ولوي الدراع (خاصة إن المدارس سمعة) .

لو المدرسة لها إيميل حضرتك حطه هنا و نبعتلهم نقولهم إننا بصفة شخصية قررنا إستبعاد المدرسة من حساباتنا و مش هنرشحها لأي حد لما عرفناه من خلال تجربة حضرتك من تعسف صدر من خلالهم و إنهم مش مرنين في التعامل في حاجة هايفة زي دي ما بالك بالعملية التعليمية .. و يا سلام لو جروب علي فيس بوك فيه لوجو المدرسة .. مدام هما شايفين إن الواحد يدفع مبلغ زي ده و يقولك "خدمة و نقدمها بمزاجها" .. يبقي دخلهم العام في الخاص و خلي بقية العالم تعرف "خدماتهم" عاملة إزاي .. لأن اساساَ حتي لو دي خدمة فا الخدمات للتسهيل مش للتعسف .. مع إنها مش خدمة خالص و المدرسة لها ربح كبير من الموضوع أكيد يعني أحد مصادر رزقهم الفلوس اللي حضرتك دافعها لبنتك في الباص .

شكرا على الاهتمام والفكرة دي جميلة جدا والله بس تفتكر حضرتك لو عملنا كده مش هيضروا البنت في اي حاجة
وبعدين بيني وبينك ما تضمنش الناس هتكتب ايه لو حطيبنا الميل واكيد مش كل الناس بتفكر زي بعضها
انا بصراحة نفسي احط الميل والتليفونات كمان والناس كلها تكلمهم وتقولهم على الحكاية دي بس بصراحة البنت هي نقطة ضعفي دلوقت
وبصراحة احساسي بالعجز اني مش عارف اعمل حاجة للبنت لبعد المسافة محسسني اني مقصر جدا وبعدين الدراسة قربت
مش لاقي حاجة اقولها غير حسبي الله ونعم الوكيل ربنا يسامحهم

Egyptian Language School


-Address:

• Nasr City: 2 El Barameka st, off ElTyaran St.7th district

• Kattemya: Modern Cairo City 5th compound off the ring road next
to kattemya Heights.

• Phone no:
"Naser City": 4016970 - 4014405 "Kattemya": 7581135 – 7581137
7581139 – 7580902
K.G: 7580903

•Fax: 7581136

•E-mail:
- primary@elsegypt.com
- preparatory@elsegypt.com
- secondary@elsegypt.com
- kgs@elsegypt.com
- eais@elsegypt.com
- igcse@elsegypt.com
- girlsschool@elsegypt.com
- administration@elsegypt.com
- mervatbassiouni@elsegypt.com
- elsians@elsegypt.com

(ازاى حضرتك تغير العنوان ، انت عايز تضيع مستقبل البنت)

كويس انه السيدة الفاضلة لم تذكر الجملة السابقة اثناء الحوار ، و فعلا انا غير متصور ان اتحط فى موقف مماثل خصوصا ان الواحد بيدفع دم قلبه مصاريف لاولاده فى هذه النوعية من المدارس و اخر حاجة يتوقعها مشكلة فى موضوع الباص

تغيير المدرسة حلا لمشلكة الباص هو اسرع حل اذا امكن اذا لم تنحل المشكلة مع المدرسة الاصلية ، حيث اننا بصدد موضوع حيوى و هو توصيل الطفل من و الى المدرسة يوميا و هو موضوع لا يحتاج الى تحميل زائد على الابوين و لا ينفع حله باى شكل اخر غير شكله الاصلى فى وجهة نظرى حيث ان توصيل الطفل من خلال باص المدرسة يضمن قيام المدرسة بتوفير البديل فى حالة تعطل الباص الاصلى او مرض السائق مثلا ، لكن فى حالة الاستعانة ب حل شخصى بعيد عن المدرسة نفسها للقيام بالتوصيل عندها سوف تضطر للتوصيل بنفسك او المدام عند تخلف (الحل الشخصى ايا كان كيانه ) عن القيام بهذه المهمة مع عدم قدرة ( الحل الشخصى ) عن توفير بديل له عند الطوارىء

انا اتذكر انى كنت اضع بند قدرة المدرسة على توصيل ابنى الى البيت من ضمن البنود الاساسية لاختيار المدارس اثناء جولة بمدينة نصر و التجمع الخامس و الدائرى و الحمدالله اخترت احدى المدارس الموجودة بالقطامية علما بانى ساكن فى الهرم

ان شاء الله تنحل المشكلة و تبقى تطمنا

المشاركة الأصلية كتبت بواسطة rawdat

والله حضرتك أنا كنت بسأل على المنطقة عشان لو أقدر أساعد المدام بحاجة أو أرشحلها مدارس
,أكيد لو احتاجت حاجة زي كده مش هتأخر
لو احتاجت حاجة في المعادي أو ما حولها وربنا يدبرها ان شاء الله

جزاك الله كل خير والله بجد مش عارف اقول لحضرتك ايه شكرا جزيلا

المشاركة الأصلية كتبت بواسطة motorizer

و الله فيه حل ظريف جداَ إن المدرسة تحس إن صورتها بقت مش كويسة و إن صوت حضرتك مسموع و إن الموضوع مش بالتعسف ولوي الدراع (خاصة إن المدارس سمعة) .

لو المدرسة لها إيميل حضرتك حطه هنا و نبعتلهم نقولهم إننا بصفة شخصية قررنا إستبعاد المدرسة من حساباتنا و مش هنرشحها لأي حد لما عرفناه من خلال تجربة حضرتك من تعسف صدر من خلالهم و إنهم مش مرنين في التعامل في حاجة هايفة زي دي ما بالك بالعملية التعليمية .. و يا سلام لو جروب علي فيس بوك فيه لوجو المدرسة .. مدام هما شايفين إن الواحد يدفع مبلغ زي ده و يقولك "خدمة و نقدمها بمزاجها" .. يبقي دخلهم العام في الخاص و خلي بقية العالم تعرف "خدماتهم" عاملة إزاي .. لأن اساساَ حتي لو دي خدمة فا الخدمات للتسهيل مش للتعسف .. مع إنها مش خدمة خالص و المدرسة لها ربح كبير من الموضوع أكيد يعني أحد مصادر رزقهم الفلوس اللي حضرتك دافعها لبنتك في الباص .

+11111111