الموضوع: دخنه من الشكمان عربيه 128

بص يا سيدي في شوية خطوات امشي عليها واحده واحده هترتاح:1-روح عند الميكانيكي وخليه يفكلك البوجيهات ويبص عليها ولو لقيت عليها زيت او مثلا اي واحد من الاربعة عليه زيت يبقي كده الماتور خفيف بس ممكن تقضيها يعني مش لازم عمره من بكره الصبح وخليه يركب كرسي للبوجيه اللي عليه زيت او ممكن يكونوا اكتر من بوجيه بيجي عليه زيت برضه يركبلهم كراسي ولو طلعوا الاربعه لا قدر الله يبقي كده ماتورك أكيد اكيد خفيف ومش هيقدر الميكانيكي يقولك محتاج عمره كاملة ولا نص عمره(طقم شنبر يعني)الا لما يفك الماتور من العربية ويفتحه ويبص علي الشمايز بس حاول تروح لميكانيكي عنده ضمير وميجرش رجلك لعمرة كاملة وقد تكون العربيه محتاجة شنبر بس ليس الا وديه أول خطوه 2-لو طاعت البوجيهات معليهاش زيت أمسك خيط تاني وهو موضوع الشكمان ومتروحش لبتاع شكماناتتسأله لأنهم حراميه ومش هيوردوا ع جنه خلي الميكانيكي بتاعك يغير سلكين بوجيهات مكان بعض ويعمل فرقعه جامده هو هيفهم لما تقوله وبكده يطرد اي زيت في الشكمان أو أي شوائب في الكاربيراتير أو أعمل بيها مشوار طويل لحد الشيخ زايد كده وارجع من علي المحور يوم الجمعه الصبح بتبقي الدنيا هاديه والناس مرزوعين في بيوتهم وهتقدر تمشي مرتاح 3- بص علي الزيت ممكن يكون الزيت كتير وبيطلع علي البساتم ويعمل دخنه وحاول تجرب مصر للبتروا الجركن الرمادي اللي مكتوب علية 7500 ب38 جنيه أنا جربته في عربيتي طلع كويس 4- لو طلعت البوجيهات معليهاش زيت والزيت عندك مظبوط ونضيف أشتري علبة شكمان جديده وامرك لله ومتخليش يتاع الشكمانات يغيرلك لمواسير ويفتح عليك فتحه هي العلبه بس وربنا معاك احنا كلنا مجربين أرف الميكانيكيه

شكرا يا باشا