الموضوع: ايه رأيكم فى الشاريد ؟

المشاركة الأصلية كتبت بواسطة mohamed_rhem

الموتور 3 سلندر ميعبوش انه مش رباعي الاشواط ولو عملت مقارنه بين محركين 3 و4 سلندر زي السيريون 2009 والبيكانتو 2009 مع ان السيريون1000 والبيكانتو 1100 السيريون تكسب


انا معاك ان 1000 سي سي بتكنولوجيا سنة 90 علي تكييف واتوماتيك ادائها مش مرضي لكن محدش يقدر يقول انهم كتير علي العربية لكن السحب والتسارع حيبقي بطيء انما التحميل كويس

فعلا 1300 افضل علي الاتوماتيك اتفق معاك وحتي في العاده حتبقي احسن برا البلد لكن اوكد 1000 سي سي موديل 90 شغاله معايا مانيوال بسافر بيها مسافات اكتر من 400 كم وعمرها ما خزلتني بفضل الله

في اوشين الحرفيين و ده افضلهم علي الاطلاق

وفي الشرقاوي وزيزو وغيرهم كتير راجع موضوع محلات قطع الغيار اعلي صفحة المنتدي

احب اضيف حاجه العربيه معمره وقطع الغيار رخيصة مقارنة بالياباني عموما

وانصحك اخي المشتري بأن تبحث عن سيارة 1300 للاتوماتيك اكيد ادائها حيرضيك

لكن جرب ال 1000 ومش حتندم برضه شرط حالة الفتيس وجرب التكييف علي السرعات البطيئه

ارجو ان اكون افدتك

ابو اياد

انا مش فاهم يعنى ايه ميعيبوش انه مش رباعى الاشواط

هو اكيد محرك رباعى الاشواط (يمكن قصدك مش اربع اسطوانات)
لان اى مكنة بنزين فى اى عربية بتكون رباعية الاشواط (الاشواط هى 1- سحب 2-انضغاط 3-قدرة 4-عادم)

مكنة السيريون تسارعها من 0-100 افضل من البيكانتو و ال i10 علشان قدرة المنكة اعلى بحوالى 2-3 حصان و عند عدد لفات عاليه و كمان الجير بوكس هو اللى محقق التسارع ده.. نسيت اقول ان ال 2-3 حصان الزيادة دول ناتجين من ان المحرك 3 اسطوانات مش 4 بالتالى استغنوا عن اسطوانة رابعه كان فيها قدرة بيتم فقدها نتيجة احتكاك المكبس (الشنابر) مع جدار الاسطوانة و بالتالى المكسب البسيط هو انى استفدت من قدرة الاحتكاك اللى كانت هتضيع فى رابع اسطوانة

اما بالنسبة للعزم فالبيكانتو و ال i10 افضل من السيريون ال 1000 مش عايزه كلام
لانهم 98 نيوتن متر و كمان عند 2800 لفه (و سرعة المكنة هنا مهمه جداااااا)
لكن السيريون 94 و عند 3200 لفه اعتقد

لكن طبعا موتور السيريون اوفر فى البنزين لانه1000 مش 1100 و كمان عدد اسطوانات اقل
+ انه 16 صمام يعنى 4 صمامات لكل اسطوانة و ده بيقلل مفاقيد التنفس

مشكلة ال 3 سلندر هى وجود اهتزازات اكتر من ال 4 سلندر

انا عن نفسى من عشاق الديهاتسو من ايام دايهاتسو ميرا 97

مش تقول عايز فيها كام
سيدان ولا هاتش ؟؟؟