ايه رأيكم فى الشاريد ؟

**bode_mw_2005** · 23-08-2009 06:44 PM

اذيكوا يا شباب الاول احب اعرفكوا بيا انا اسمى محمود عضو من الاعضاء الصامتين فى المنتدى مشترك بقالى فتره بس دى اول مره اكتب موضوع فيها ويارب تقدروا تساعدونى

انا معروض عليا عربيه شاريد موديل 90 فبريكه من جوا ورشا بره نظافه هى ماتورها 1000 واتوماتك حالتها العامه حلوه وهعى راشه تقريبا من سنه بس وتكيفها شغال

المشكله دلوقتى ان دى اول عربيه اشتريها فى حياتى وخايف من الديهاتسو علشان ناس بتشتكى ان قطع غيارها مش موجوده ده غير انى مش عارف السعر المناسب للعربيه دى كام ؟

ارجوا منكم المساعده انا مش هاقول على السعر اللى هى معروضه بيه الا بعد ما تقولولى السعر الكويس ليها كام

وشكرا للجميع وارجوا سرعه الرد احسن انا واخد ميعاد من الراجل بكره هاجيب ميكانيكى يشوفها

**banboty** · 23-08-2009 07:09 PM

العربية دي بتبقى 3 سلندر و موتورها ضعيف و خاصة عند تشغيل التكييف و كمان الاتوماتيك هيموتها اكتر

حاول تدور على عربية موتورها 1300 سي سي , بيبقى مناسب عليها

اما بالنسبة لقطع غيارها , فهى قليلة نوعا ما و فى واحد اسمه فاروق في باب اللوق بيبيع حاجتها

و لكن كعربية بصفة عامة , هى عربية ممتازة مع افتراض الحالة الجيدة

**bode_mw_2005** · 24-08-2009 12:01 AM

شكرا يا banboty على ردك وانا مستنى بقيه الردود انا بس عايز اتاكد من حاجه قطع الغيار بتاعتها موجوده ولا لاء ؟ يا شباب ارجوا الردووووووووووووووووووووو د

**amr_elrashidy** · 24-08-2009 02:34 PM

اعمل بحث جوه منتدى الدايهاتسو حتلاقى مواضيع كثيرة على العربية دى و فيها كل المعلومات اللى تتمناها...بالتوفيق ان شاء الله

**mohamed_rhem** · 25-08-2009 10:15 AM

المشاركة الأصلية كتبت بواسطة banboty

العربية دي بتبقى [gdwl]3 سلندر و موتورها ضعيف[/gdwl] و خاصة عند تشغيل التكييف و كمان[gdwl] الاتوماتيك هيموتها اكتر[/gdwl]

حاول تدور على [gdwl]عربية موتورها 1300 سي سي , بيبقى مناسب عليها[/gdwl]

اما بالنسبة لقطع غيارها , فهى قليلة نوعا ما و فى واحد اسمه [gdwl]فاروق في باب اللوق بيبيع حاجتها [/gdwl]

و لكن كعربية بصفة عامة , هى عربية ممتازة مع افتراض الحالة الجيدة

الموتور 3 سلندر ميعبوش انه مش رباعي الاشواط ولو عملت مقارنه بين محركين 3 و4 سلندر زي السيريون 2009 والبيكانتو 2009 مع ان السيريون1000 والبيكانتو 1100 السيريون تكسب

انا معاك ان 1000 سي سي بتكنولوجيا سنة 90 علي تكييف واتوماتيك ادائها مش مرضي لكن محدش يقدر يقول انهم كتير علي العربية لكن السحب والتسارع حيبقي بطيء انما التحميل كويس

فعلا 1300 افضل علي الاتوماتيك اتفق معاك وحتي في العاده حتبقي احسن برا البلد لكن اوكد 1000 سي سي موديل 90 شغاله معايا مانيوال بسافر بيها مسافات اكتر من 400 كم وعمرها ما خزلتني بفضل الله

في اوشين الحرفيين و ده افضلهم علي الاطلاق

وفي الشرقاوي وزيزو وغيرهم كتير راجع موضوع محلات قطع الغيار اعلي صفحة المنتدي

احب اضيف حاجه العربيه معمره وقطع الغيار رخيصة مقارنة بالياباني عموما

وانصحك اخي المشتري بأن تبحث عن سيارة 1300 للاتوماتيك اكيد ادائها حيرضيك

لكن جرب ال 1000 ومش حتندم برضه شرط حالة الفتيس وجرب التكييف علي السرعات البطيئه

ارجو ان اكون افدتك

ابو اياد

**bode_mw_2005** · 09-09-2009 07:00 PM

شباب الف شكر على الرد انا ماكانش ليا نصيب مع العربيه علشان لما خدت ميكانيكى معايا طلع عيوب انا ما كنتش شايفها وكمان الفتيس كان مع كل غيار بيرج العربيه جامد كان واحد بيغيير وهو م\ش دايس على الدبرياش

وعلى العموم الحمد لله على كل شى وياريت يا جماعه اللى عنده عربيه كويسه فى حدود 20 الف يقولى وليكم كل الشكر

العضو الفاضل
برجاء عدم استخدام اللون الاحمر للكتابة حيث انه مخصص للمداخلات الادارية
يرجى مراجعة قوانين المنتدى
مع الشكر

**FERFESH** · 16-10-2009 10:12 AM

دايهاتسون شاريد 91 سوداء فابريقة برة و جوة والحالة ممتازة للبيع0125833087

**mohammedsaid** · 16-10-2009 01:49 PM

مانوال ولا اوتو

**hani945** · 16-10-2009 04:35 PM

ربنا يوفقك

الموضوع: ايه رأيكم فى الشاريد ؟

LinkBack

أدوات الموضوع

عرض

-

-

-

المواضيع المتشابهه

ليه الشاريد رخيصة, وايه رأيكم فيها, محتاج مساعدتكم

تابلوه الشاريد

تعديل الشاريد 91 و 92

شوف الشاريد 2008

كتالوجات الشاريد

الكلمات الدلالية لهذا الموضوع

المفضلات

المفضلات

ضوابط المشاركة