مع أول مشاركة مكتوبة ليا في المنتدى المحترم دا وبعد التحية والسلام, أخوكم محتار وهيجيلوا خبلان كمان, المشكلة ومافيها إني هموت على عربية ومعايا 25000 - 27000 كدة, ودلوقتى أنا محتار, كنت خلاص مظبط دماغي أجيب مستعمل و بعد مافكرت فى البدائل قولت أتكل على الله وأشتري مازدا 323, بعد كدة ولاد الحلال لعبوا في دماغي وقالوا مستعمل ايه بس!!! دا ياي خالص!! هات جديد أحسن. طيب ياجدعان أنا في الجيش دلوقتي, يعني مش هاقدر أدفع قسط كبير خلال ال10 شهور دول, قالولي خلاص عليك واللادا المتين, أو الشاهين, أو حتى 128
والله انا أحترت واحتار دليلى ياجدعان, أمشى فى سكة المستعمل وفي الحالة دي تبقى ال323 أحسن أختيار ولا فيه حاجة تاني أحسن!!! ولا أمشي في سكة الجديد وفي الحالة دي ايه أفضل حاجة ليا؟؟!!! مع العلم ان أخوكم خام ودي هاتبقي أول عربية ليه!!!
مستني ردودكم ياجماعة ...
المفضلات