اختيار صعب جدا ......أرجو المساعدة

**tarekabosdera** · 26-08-2009 03:45 AM

افضل عربية من اللي انت ذكرتهم هي الالنترا.

بس هاتها اوتوماتك افضل عشان يكون في عوامل امان.

**Ghost2** · 26-08-2009 05:32 AM

انا شايف انك في فئة سعرية عالية مش متوسطه يعني داخل في اكتر من 90 الف .. يبقى تختار رفاهية وامان ... وانا شايف ان متوسط ده في الاوبترا اوتوماتيك كاملة لو تقدر عليها ... لومقدرتش خليك في الالنترا بس خد بالك الفئات القليلة منها عوامل الامان مش اوي .. الجين 2 حلوه بس توكيل تعبان وبرده غبور تعبان ... بص على الاوبترا او الكيا السيراتو وابعد عن الفيات تماما عشان في اوماترا بيهرجو ..ولك من ارق تحية واسف على الاطالة

**amforlife** · 26-08-2009 07:11 PM

شكل الحكاية كده هترسى على الجين 2 ( كماليات-أمان_ثبات-شكل حلو ) و فيه مركز صيانة فى المنصورة و اعتقد ان قطع غيارها اصبحت ارخص مما كانت و بصراحة انا شوفت صاجها لقيته تقيل و متين و مش عاوز أضطر اروح القاهرة لما احب اعمل صيانة فى الضمان
كمان شكلها تحفه و غير كده كله ان سعرها اتوماتيك ارخص كتير من مثيلتها فى الاوبترا و الانترا .......... و لا انتم ايه رأيكم فى كلامى

**kloda** · 27-08-2009 12:07 AM

بص ياباشا الجن 2 شكل امان كماليات و صاج فعلا ناشف
عيوب التقفيل بتروح في صيانة الالف و لا تذكر انا ما طلعش الا صوت تزييق يتسمع بالعافية و في صيانة الالف راح و كنت فعلا بتلكك عشان اسمعو مفيش التوكيل في خطوات لتحسينة بس هو فعلا مش حلو زي غبور
سعر اعادة البيع العربية منتشرة جدا جدا و سعر بيعها حلو قوي
قطع الغيار بدات فعلا في الانتشار
لكن هي مش عائلية ابدا
لو عائلية الاوبترا حلوة بس بتاكل بنزين شوية و السيراتو الشيب القديم تحفة فعلا
الالنترا مش عارف انا كنت فاكرها عالية فقولت كدة في موضوع و حصلت مشادة بيني و بين عضو علي انها مش عالية و دة طبعا عيب فيها لو هي مش عالية دة غير ان في ناس كتير بتقول ان موتورها ضعيف و طلعت مقلب بس سحبها حلو
معلش انا مش حقدر افيد خضرتك فيها عشان ماظلمهاش
نصيحة لو عربية عائلية هات السيراتو الشيب القديم و في الحدود الي انت عايزها
ربنا يوفقك

**amforlife** · 27-08-2009 12:42 AM

شكرا جدا على الردود الجميلة دى و فعلا انا الصبح الاختيار عندى بين الجين2 و السيراتو المانيوال و ربنا يوفقنى للخير ان شاء الله

**Ghost2** · 27-08-2009 07:58 AM

السيراتو الجديدة بالذات متشتريهاش فاضية لانك مش هتستمتع ... عايز سيراتو زود كاشاتك شوية وهات الفئة اللي ب 116 الف ...فيها كل حاجه

**amforlife** · 28-08-2009 02:22 PM

يعنى رأيكم الجين 2 أحسن من اليراتو المانيوال -الفئة اللى سعرها تقريبا 100000 - و لو الجين احسن أجيب دلوقتى و لا أتنى موديل 2010 أحسن يعنى هيكون مختلف فى حاجة أو السعر و لا ايه ؟

**Ayman_52** · 28-08-2009 05:36 PM

لو السيراتو اللى بــ 100000 هى اول فئه ومش فيها اوبشن ... يبقى انا افضل الجين طبعا

وانا لما ركبت السيراتو (اول فئه) .. خاماتها الداخليه قريبه جدا من الجين بل وان لونها الفاتح مبين انها اقل بشويه من الجين

-------

وبخصوص الجين ... حاليا مافيش جين مو 2009

و2010 نازل على اول شهر 10 ان شاء الله

وعلى كلام مستر حبيب (مدير بروتون مصر) مافيش لاتعديل فى الاوبشن ولا السعر

يعنى :المانيوال 84900 - - الاوتو 90900

---------

ولو عند حضرتك اى استفســـار عن الجين .... انا تحت امرك فى اى استفســــار

وربنا يوفقك للخير ان شاء الله

تحيـــــــــــــاتــــى

-

-

الموضوع: اختيار صعب جدا ......أرجو المساعدة

LinkBack

أدوات الموضوع

عرض

-

-

-

-

-

المواضيع المتشابهه

أرجو المساعدة في اختيار عربية زيرو

أرجو المساعدة في اختيار الكاوتش

أرجو المساعدة في اختيار تليفون اندرويد

المساعدة في اختيار السماعات

أرجو المساعدة في اختيار الجنط للعربية دي

الكلمات الدلالية لهذا الموضوع

المفضلات

المفضلات

ضوابط المشاركة