الموضوع: حد عاوز حاجة من مرسيدس

هو بس أنا عندي إستفسار
هو حضرتك شغال في المصنع وإيه مصداقية كلام حضرتك عشان الواحد ممكن ياخد قرارات هامه بناء على ردودك .
نفس السؤال للأخ som3aa .
أنا والدي قرر يحجز إل E300 فهل صحيح إن سعرها مبالغ فيه وهل صحيح إن المواتير بتاعتها قديمة وهل صحيح أنها بعد كده هتنزل بموتور صغير عشان الضريبة .
طب ودة امتى وهل نستنى شويه ولا نحجز دلوقتي وأي معلومات إضافية أو نصايح أخري أكون شاكر ليكم .

بالنسبة ليا انا عمى كان هيشترى الE-300 برده و بعدين عرف من صديق له فى مرسديس الكلام دا (بس طبعا مقالوش الE-300 مبالغ فى سعرها) , مع انى عرفت نفس الكلام قبل هو ما يقوله , الموتور مش قديم بمعنى انه موتور وحش , الموتور مبينزلش فى المانيا فى الE-class بس تقريبا بينزل فى الخليج فى الE-class الجديدة و هو هو نفس موتور الE-280 القديمة و دى سهل تعرفها و تتاكد منها , بالنسبة للشاسيهات بتاعت الE القديمة اتراكم عندهم عدد لانهم كانوا بينزلوا الE-230 و ال E-280 و الE-350 و طبعا كل دول عليهم ضريبة , فرخصوا الاسعار و نزلوا الE-200 بسعر 460 علشان يعرفوا يخلصوا منهم (قصدى الشاسيهاش مش المواتير) و المواتير بتاعت ال280 حطوها فى الجديدة بالفعل , انا اول ما لقيت مرسيدس نزلوا الE-200 عرفت علطول انهم نزلوها علشان الضريبة لان ال2000cc ضريبة 1000 جنيه بس , فوق ال2000cc ضريبة 2% من تمن العربية , يعنى العربية اللى ب 640 الف عليها حوالى 13 الف جنيه ترخيص سنويا , عمى عرف من مرسيدس انهم هينزلوا الE-250 على اول السنة الجاية و دا طبيعى جدا لانها اساسا بتنزل فى المانيا و هما ناوين ينزلوها فعلا بس الفكرة بعد ما يبيعوا الE-300 زى ما قلت.
الE-class الجديدة بتنزل فى المانيا بمواتير 1800cc قديم (مانيوال) بيولد 184 حصان
موتور 1800cc جديد قوى و موفر فى البنزين (دا اللى هينزل مصر ان شاء الله) 204 حصان
موتور 3500cc بيولد 272 حصان
موتور 3500cc بيولد 292 حصان
دا غير موتور ال5500cc اللى بينزل فى امريكا و كدا
فى مصر اللى هينزل بعد كدا الخطوة الجاية الE-250 دا
4-Zylinder 5-Gang, Automatik 150 kW/204 PS 1.796 cm3
4 سيلندر , 1800cc , و 204 حصان

الفكرة ان الفرق بتاع 28 حصان بس مش حاسسهم فرق كبير اوى فى مقابل الضريبة بس الفكرة (و دى نقطة مش متاكد منها) انهم غالبا لما ينزلوا الE-250 هينزلوها كلاسيك بس مش elegance و لا avantgarde بس دا تخمين منى بس محدش قالى الكلام دا و سبب التجمين دا ان مرسيدس علطول بينزلوا الفئة الاولى الE-200 كلاسك و التانية Elegance و avantgarde و العالية اللى زى الE-320 و الE350 دايما avantgarde و بعدين لما ينزل منافسة جامدة من bmw او الموديل يقرب يخلص نزلوا الE-230 بامكانيات كتير و سعر قليل علشان يعرفوا يبيعوا خصوصا ان الشكل بيبقى قدم فى عين الناس.

نفس الكلام فى الC-class ال 180 classic , ال 200 elegance , و ال280 ِ avantgarde مع انهم يقدروا ينزلوا ال180 avantgarde بس هما عاملين كدا مخصوص علشان بيكسبوا اكتر فى العربيات اللى بتتجمع فى مصر + بيكسبوا اكتر فى ال280 عن ال200 انما فى اى حتة تانية فى العالم تقدر تطلب اللى انت عايزه .

بالنسبة لسعر الElegance و ال avantgrade فى الC-class الاتنين بنفس السعر بالملى , مفيش مليم زيادة مع ان معظم الناس هنافاكرة الavantgarde اغلى من الelegance و مرسيدس فى مصر منزلتش c-200 avantgarde علشان تبيع اكتر 280 علشان يزودوا مكسبهم.

اما بالنسبة للE-class فالفرق بين الavantgarde وال elegance بالظبط 1210 يورو فى المانيا , يعنى هنا فى مصر مفروض يبقى الفرق 10000 جنيه بالكتير انما فى الواقع الفرق بين الاتنين 40000 جنيه بالظبط , علشان محدش يستعبط عليك و يقولك جمرك , جمرك العربيات المجمعة فى مصر بيوصل ل 55% (جمرك + ضريبة) يعنى لو 55% من 10 الاف = 5000 , انما الفرق اللى هو 40000 مش عارف اقول عليه ايه , انا بنفسى كلمت الوكيل و سالت مفيش فرق بين اللى ب 638 و بين اللى ب 678 غير الelegance و ال avantgarde. و دا دليل صغير على ان مرسيدس مبالغة فى مكسبها

بالنسبة لسؤالك يشترى و لا لأ , الخلاصة من الاخر توكيل مرسيدس فى مصر مبالغ فى ربحه و دى حاجة معروفة و سهل الواحد يحسبها بس مفيش بديل بمعنى هو عنده مصنع يعنى عنده خصم جمركى رهيب , متقدش تستورد العربية علشان هتدفع 200% جمرك و ضريبة يبقى لازم تشترى منهم.

طيب دلوقتى عايز تشترى الE-class الجديدة منهم قدامك اختيارين
1- موافق على دفع 13 الف فى السنة ضريبة , و طبعا لو هتامن عليها هتدفع بتاع 3% سنويا يعنى هتدفع 19 الف كمان , يعنى 30 الف فى السنة , لو موافق و عايز فرق الElegance او الavantgarde دا غير فرق الoptions يعنى مثلا فتحة السقف يبقى مقدامكش خيار غير الE-300 الموجودة حاليا , انا فى رايى متبصش للموتور لانه مش قديم معناه وحش , هو كانك اشتريت شكل جديد بس مش اكتر (كانك اشتريت القديمة فرق الشكل + شوية تكنولوجيا و يمكن امكانيات بس مش فى الموتور)
2-لو عايز تستنى الE-250 اسال الاول فى التوكيل و قولهم انا اتقالى انكم هتنزلوا الE-250 الجديدة , هتنزل امتى بالظبط و اسالهم لو يعرفوا هتنزل classic فعلا و لا ممكن elegance او avantgarde و الفرق انك هتوفر بتاع 100 الف جنيه فى تمنها فى الاول غير 12 الف جنيه كل سنة (بتقل 5% سنويا) بس هتخسر الفرق فى الoptions و الموتور و هتستفيد فى توفير البنزين (بس دا طبعا اى كلام ) و المهم فرق سعر اعادة البيع طبعا لان اى عربية عليها ضريبة سعر اعادة البيع بتاعها بينزل جامد + الe-class سعرها بينزل اكتر بكتير من الc-class اصلا

بالنسبة للموتور الE-250 بتجيب ال100 فى 7.8 ثانية و دا الصراحة ممتاز اوى يعنى المتور قوى جدا.

حضرتك فهمت كلامى ؟
اى حاجة ممكن بسهولة بتليفون تتاكد من كل الكلام دا , اصلهم مش هيكذبوا , اسالهم ال e-300 نفس الموتور بتاع ال280 هيقولك اه , هتنزلوا ال250 امتى هيقولك مش عارفين بالظبط , اضغط عليهم فى الكلام لحد متعرف الاجابة عن السؤال دا بالذات بس

أرجوا الإفادة أنا عاوز أشتري C-180 1.6Liter بس سمعت انها نازلة فاضية مفهاش أبشنز كتير مثلا ان اكراسي مش كهرباء و ان السيارة ضيقة جدا من المقاعد الخلفية أرجوا حد يقولي اية الأوبشنز الي نازلة في ال C-180 1.6 الجديدة و مقارنتها بال BMW 320 شكرا

المشاركة الأصلية كتبت بواسطة mobby

أرجوا الإفادة أنا عاوز أشتري C-180 1.6Liter بس سمعت انها نازلة فاضية مفهاش أبشنز كتير مثلا ان اكراسي مش كهرباء و ان السيارة ضيقة جدا من المقاعد الخلفية أرجوا حد يقولي اية الأوبشنز الي نازلة في ال C-180 1.6 الجديدة و مقارنتها بال BMW 320 شكرا

ال c180k classic
اوتوماتيك و تكيف و باور و سنتر و جلد (مش طبيعي ) لونين بس اسود او رمادي مفيش بيج و idrive و bluetooth وcd mp3 و جنوط 16 و ابانوس كراسي نصف كهرباء

و ناقصها عن الاليجانس العدادات مفيهاش شاشة و الطاره 4 زراير بدل 12 و الكراسي في الاليجانس كهرباء بميموري و الجنوط غير و مفيش فتحة سقف و مفيش كروم ولا مرايات ضم كهرباء ولا زرار فتح الشنطة من الداخل ولا جلد للمخدع و الطارة وبس و كماليات الاليجانس تقريبا زي ال 320

فرق الوسع بين ال c و ال 320 مش كبير بس ال c اعلي ولازم تركب الاتنين عشان تقدر تحدد و كل سنة و انت طيب

لو سمحت انا معروض عليا عربية b150 موديل 2005 و عاملة 20000 كم انا معرفش اى حاجه عن العربية امكانيات و موتور و كده ياريت المعلومات عن العربية دى و تقولى سعر تقريبا بخبرتك يعنى

و شكراااااااااااااااااااااا اااااااا جداااااااااااا
متابع باهتمام

المشاركة الأصلية كتبت بواسطة masoud

ال c180k classic
اوتوماتيك و تكيف و باور و سنتر و جلد (مش طبيعي ) لونين بس اسود او رمادي مفيش بيج و idrive و bluetooth وcd mp3 و جنوط 16 و ابانوس كراسي نصف كهرباء

و ناقصها عن الاليجانس العدادات مفيهاش شاشة و الطاره 4 زراير بدل 12 و الكراسي في الاليجانس كهرباء بميموري و الجنوط غير و مفيش فتحة سقف و مفيش كروم ولا مرايات ضم كهرباء ولا زرار فتح الشنطة من الداخل ولا جلد للمخدع و الطارة وبس و كماليات الاليجانس تقريبا زي ال 320

فرق الوسع بين ال c و ال 320 مش كبير بس ال c اعلي ولازم تركب الاتنين عشان تقدر تحدد و كل سنة و انت طيب

برجاء توضيح إذه ما كان هناك Cruise Control بالـ C180 Classic ؟ و لكم جزيل الشكر

المشاركة الأصلية كتبت بواسطة elkordyw

برجاء توضيح إذه ما كان هناك Cruise Control بالـ C180 Classic ؟ و لكم جزيل الشكر

فيها cruise control