ارجو الافادة في عيب في كريستالتي (مستني رد الكريستالوية)

**HeMa_LanCeR** · 26-08-2009 04:46 PM

المشاركة الأصلية كتبت بواسطة ahmad

أولا مبروك عليك الكريستالة.
بالنسبة لمشكلة التسخين, دة عيب معروف و هو طبة التشوك(السخان) بايظة, و الحل هو خرط طبة جديدة و لحامها بالقرنديد. بعد كدة تقدر تدور و تمشي علي طول و هي تسخن براحتها :)
مين ممكن يعملك الشغلانة دي, أنا كنت عملتها في مركز صبحي سند جنب الحرفيين. هناك ظبطوا العربية تمام الكمبيوتر و صلح التشوك و السحب بقي تمام جدا بس للاسف الاسبراتير اتحرق منهم و هم بيشتغلوا و مرضيوش يتحملوا تكلفته و دة اللي زعلني منهم و مرحتش هناك تاني.

بالنسبة لسحب العربية أثناء تشغيل التكييف, هو فعلا بيضعف بس مش لدرجة ان الموتور يكركر . أعتقد أنك محتاج تضبطها علي الكمبيوتر.

بالتوفيق

انت قصدك مركز الصفا؟
ولو كده ممكن اعرف التكلفه للظبط كانت كام؟

**Ahmad** · 27-08-2009 05:35 AM

المشاركة الأصلية كتبت بواسطة hema_lancer

انت قصدك مركز الصفا؟
ولو كده ممكن اعرف التكلفه للظبط كانت كام؟

انا معرفش اسم الصفا دة الحقيقة. بس فاكر ان المركز مكتوب عليه "مركز أبناء سند" و هم بيشتغلوا في كذا ماركة أمريكاني و ياباني . مكانهم : امشي طريق السندباد و انت طالع علي الاسماعيلية , المركزقبل كوبري السلام شمال(عند الحرفيين) جنب شركة dhl تقريبا. يعني خليك ماشي و بعدين خد يو تيرن من تحت كوبري السلام دة و ارجع تاني لحد ما تشوف dhl علي يمينك, المركز بعده علي طول.

بالنسبة للتكلفة , تصليح التشوك بس 200 جنية بس لو هتظبط كرباتير كمان و تغيرله أويلسيلات يبقي كله 400 تقريبا.
أنا بحذر تاني أنهم ممكن يكونوا بيعملوا حاجة غلط بتحرق الاسبراتير أثناء الضبط. علشان دي حصلت معايا و مع شخص تاني أعرفه و اتحرقت البوبينة بعد ما ضبط العربية عندهم.

**casper_Dj30** · 27-08-2009 11:40 PM

يا جماعة انا بجد مش عارف ااقول اية متشكر ليكم جدا و للاستاذ هيما علي الردود التفاعلية الجميلة دي و انشاء الله هاروح اظبطا كمبيوتر في حتة محترمة و شكرا مرة تانية

**madoo_600** · 28-08-2009 01:55 AM

مركز الصفا ده يا جماعه جامد جدا وعن تجربه واسعاره مهاودة

**HeMa_LanCeR** · 28-08-2009 02:23 AM

المشاركة الأصلية كتبت بواسطة madoo_600

مركز الصفا ده يا جماعه جامد جدا وعن تجربه واسعاره مهاودة

طيب ممكن اعرف انت عملت ايه عنده والتكلفه كام ؟
علشان المشاركه اللي فوق بيقول 400 جنيه وطبعا دا مبلغ عالي جدا علي ظبط كربراتير :b4_556:

**bido_maxboy** · 29-08-2009 06:24 PM

طب يا جماعه ليا سؤال انا من ساعت ما جبت الكريستاله محططهاش علي كمبيوتر خالص انا اصلا معرفش الكمبيوتر ده بيعمل ايه ياريت حد يفهمني بيتوصل ازاي و الحجات اللي بيعملها ايه وهل في غلط علي العربيه ان انا من ساعت ما اشتريتها من 3 سنين محططهاش علي الكمبيوتر اسف للإطاله

**HeMa_LanCeR** · 29-08-2009 08:04 PM

المشاركة الأصلية كتبت بواسطة bido_maxboy

طب يا جماعه ليا سؤال انا من ساعت ما جبت الكريستاله محططهاش علي كمبيوتر خالص انا اصلا معرفش الكمبيوتر ده بيعمل ايه ياريت حد يفهمني بيتوصل ازاي و الحجات اللي بيعملها ايه وهل في غلط علي العربيه ان انا من ساعت ما اشتريتها من 3 سنين محططهاش علي الكمبيوتر اسف للإطاله

طيب هي العربيه مضيقاك في حاجه؟
وعموما احنا بنتكلم علي كبيوتر ظبط الكربراتير
وده بيقيس نسبه العادم علشان يعرف نسبه خلط البنزين والهواء مظبوطه ولا لأ

**hishamkenawy** · 03-09-2009 03:25 PM

انا كان عندى نفس مشكلة السخان ورحت التوكيل الرواس اللاى فى وسط البلد وعملو الطبة والموضوع كلة بيتكلف 120 جنية الطبة 40 جنية ومصنعية 80 جنية من 8 شهور وكمان فاصلت معهم فى المصنعية ونزلت 20 جنية
بالنسبة لضبط العربية على الكومبيوتر تكلفتة 44 جنية وطابعا هما مسئولين عن السيارة مش زى المراكز التانية
رايى انا انك تروح الرواس اللى فى وسط البلد والواضح ان تكلفتة اقل بكتير من المركز اللى بتتكلمو عنة

**casper_Dj30** · 03-09-2009 10:32 PM

للاستاذ hishamkenawy ممكن تقولي عنونهم فين في وسط البلد او جتي رقم التليفون

**madoo_600** · 03-09-2009 11:24 PM

انا روحت عند مركز اللصفا ضبط الكربراتير وتم قياس نسبه العادم بالكمبيوتر وصبط التشوك والكربراتير التكلفه الاجماليه 85 جنيه بس والعربيه بقت بتطير مش بتجري بس استهلاك البنزين متحسنش اووي بعمل 160 كم بالتكييف بس انا اوتوماتيك وبكبس في السواقه

الموضوع: ارجو الافادة في عيب في كريستالتي (مستني رد الكريستالوية)

LinkBack

أدوات الموضوع

عرض

-

-

-

-

المواضيع المتشابهه

اخواني الكريستالوية ساعدوني في الكربراتير

مشكله في كريستالتي

ارجو ارجو ارجو الافادة التكييييييييف مجننى الجزء 2

ارجو ارجو ارجو الافادة التكيييف مجننى الجزء2

لانسرتي كريستالتي حبيبتي وبس

الكلمات الدلالية لهذا الموضوع

المفضلات

المفضلات

ضوابط المشاركة