مصريون يعيشون فى الكيان الصهيونى

**الصاوي** · 28-10-2007 01:14 AM

ابجني تجدني :mrgreen:

**Dr Ahmed** · 28-10-2007 01:18 AM

من يبحث عن المال فقط دون أى إعتبارات أخرى لن يجد أى غضاضة فى فقد شرفه ودينه يوما من الأيام.

**Falcon** · 28-10-2007 01:21 AM

المشاركة الأصلية كتبت بواسطة الصاوي

ابجني تجدني :mrgreen:

هو حضرتك إللى سألوك : مين هيا بلدك؟ رديت وقلت: بلدي هي إللى فيها أكل عيشي 8) 8) 8) 8) 8)

**الريس** · 28-10-2007 01:32 AM

اقتباس:

هو إيه الفرق ما بين العمل في أمريكا والعمل في إسرائيل؟؟

تساؤل في محله ،،
أنا كنت هارد زي بقية الأخوة إستحالة أفكر أشتغل في إسرائيل أو حتي أشتغل مع إسرائيلين أو متعاونين معاهم (مصانعهم و مشاريعهم مالية مصر)
لكن امريكا عادي جدا بالنسبة ليا عمري ما فكرت في اللي حضرتك بتقوله

سؤال قوي جدا
و الاجابة
لا فرق على الاطلاق
و اللي يرفض دي يرفض دي
و خلص الكلام

**PRO-DRIVE** · 28-10-2007 02:12 AM

امريكا مش دوله دينيه اسرائيل دوله دينيه امريكا عمر ماا المسلمين فيها اشتكوا و قالوا بيعاملونا علي اننا مسلمين من شعب او حكومه
في اسرائيل الشعب و الحكومه بيحتقروا المسلمين

في امريكا مش بيعرف دينك و جنسك قبل ما يتعامل معاك في اسرائيل لازم
دول كانوا جايبين برنامج امريكي عن مشاكل اليهود العرب من اصول يهوديه عربيه في اسرائيل لمجرد انهم من اصول عربيه

امريكا كشعب اغلبيه ترفض فكره الحرب علي افغانستان او العراق اسرائل كشعب مع كل حكومه تقتل المسلمين

**modux** · 28-10-2007 02:12 AM

القرار اكيد هوا لأ !!!!

صحيح انا اخد علي مصر عيوب كتير و انا مش أبتاع الل ييفولوا مصر هي ام صاحبي و كده
بس اسرائيل لأ

ممكن اي بلد تاني

الرب موجود في اي حتة و هيرزقك في اي مكان ان شا ء الله

**Hisham_ElFeky** · 28-10-2007 02:16 AM

بصراحة لما اكون مصري وعايش سنه ٢٠٠٧ والميه تتقطع عني لمدة ٣ أيام وعندي نهر النيل ....لما اكون مصري وسنه ٢٠٠٧ وشايف البلد بتتقدم التقدم المبهر دا.....لازم افكر ٢٠ مرة في اللي انت بتقوله..لكن رأي مستحيل اعمل كده..حتي لو شعار الحزب الوطني نزل علي بطاقة الرقم القومي

**modux** · 28-10-2007 02:31 AM

المشاركة الأصلية كتبت بواسطة etch007

.حتي لو شعار الحزب الوطني نزل علي بطاقة الرقم القومي

اعتقد ممكن في يوم من الايام بس بجد تموت من الضحك :D :D :D

**hossamkoshy** · 28-10-2007 02:56 AM

المشاركة الأصلية كتبت بواسطة Dr Ahmed

من يبحث عن المال فقط دون أى إعتبارات أخرى لن يجد أى غضاضة فى فقد شرفه ودينه يوما من الأيام.

+10000000000000

**Abdallah** · 28-10-2007 02:02 AM

طيب لو اكتشفت فى يوم ان فى واحد قريبك من الى عبروا فى معركة اكتوبر بيشتغل فى اسرائيل يبقى ازاى الحال؟؟؟
انا نفسى افهم ايه السبب الى يخلى واحد حارب وكان بيضحى بنفسه فداء للبلد يجى فى يوم من الايام يحط ايده فى ايد عدوه ويشتغل عنده وياكل من عيشه !!!
يا خوانا فى بورسعيد هنا اسعار الوحدات السكنية سواء تمليك او ايجار ارتفعت ارتفاع مبالغ فيه جدا, ليه بقة ارتفعت ؟؟؟
لان بعض اخوانا العراقيين اشتروا بعض الشقق بمبالغ خرافية وطبعا بما ان معظم المصريين بقى يغلبهم الطمع والجشع رفعوا الاسعار استنادا الى هذه الحجة الباطلة, احنا مالنا العراقيين معاهم فلوس وجم اشتروا 10 ولا 50 ولا 100 وحدة البلد كلها تولع ليه ؟؟؟
للأسف العيب مش فى الحكومة ومش فى البلد وبس , العيب اصبح فينا احنا يا شعب , الفساد اصبح متأصل جوانا ومغروس ولا يمكن يطلع الا بخلع الضرس وبصوا حواليكوا وانتوا تشوفوا الى بيسرق مصرى والى بيغش مصرى والى بينصب مصرى والى بيرتشى مصرى وطبعا انا مش بعفى الحكومة والحكام من الخطأ ولكن احنا علينا جزء كبير من هذا الخطأ.
اذا كنا صحيح عايزين نلحق ركب الحضارة ونبقى بلد ذات شان ويبقى لينا كرامة وسط العالم المفروض بقى نبتدى نغير من انفسنا ونلتزم حتى فى الحاجات الصغيرة, لو انا وانت وقفنا فى اشارة مرور الى جمبنا هيتكسف من نفسه وهيقف, لو انا وانت احترمنا كبار السن غيرنا هيتكسف وهيتحترمهم, فلنبدأ بانفسنا ايها الاخوة, دعونا نبدأ بانفسنا وبأهلنا قبل ان يأتى الطوفان.
وارجو الا يكون هناك من يغضب من كلامى.

مشاهدة نتائج الإستطلاع: ماذا تفعل اذا جائتك فرصة عمل بمرتب ممتاز فى اسرائيل؟؟

الموضوع: مصريون يعيشون فى الكيان الصهيونى

LinkBack

أدوات الموضوع

عرض

-

-

-

-

-

-

المواضيع المتشابهه

فى مفاجأة من العيار الثقيل.. بطرس غالى يعتنق اليهودية ويسافر إلى الكيان الصهيونى!!

اول مرة اعرف ان لسة فى ارض مصرية محتله من الكيان الصهيونى

فى مثل هذا اليوم: قيام الكيان الصهيونى على أرض فلسطين

الكلمات الدلالية لهذا الموضوع

المفضلات

المفضلات

ضوابط المشاركة