الموضوع: بتعمل دراسات عليا ؟

بصراحه اول مااتخرجت اشتغلت وخطبت وكنت بخلص ورق الجيش فمكنش عندي وقت خالص لحاجه زي كده ده غير اني كنت بكره المذاكره مع اني شاطر وتقدريتي كانت ممتازه

بس مبحبش اذاكر عشان الأمتحان - لكن احب اذاكر عشان اتعلم وعلي هذا الأساس انا الحمد لله لازم اقرا كل شهر مش اقل من كتاب 500 صفحه

ممكن لما اظبط حالي واجيبلي شقه وعربيه نضيفه ابقي اعمل مجستير ودكتوراه بس من جامعه اوروبيه او امريكيه عاليه

برده اكتر حاجه خنقتني ان كل الناس اللي كانت داخله تمهيدي كل مااسال واحد يقولي (مكانه اجتماعيه) وفي الأخر معظمهم سقط

يعني حاجه تخنق لما يبقي كل الناس اللي معاك هدفهم هو مكانه اجنماعيه فقط

يعني حاجه تخنق لما يبقي كل الناس اللي معاك هدفهم هو مكانه اجنماعيه فقط

كلام حضرتك مظبوط بس المحيط اللى عايشين فيه وثقافة المجتمع فرضت علينا ده
لما تدخل تخطب واحده وتقول انا معايا ماجستير وبحضر دكتوراه اكيد بتفرق كتير
فى ناس متعلمه بتقدر وممكن تدخل على ناس ماتعرفش حاجه فيغريها انك دكتور والكلمه دى عامله عقدة عند ناس كتير

بس مش شرط كله كده يعنى انا مثلا معايا بكالريوس حاسب الى وكان ممكن اعادل واعمل ماجستير فى سنتين وكنت جايب تقدير كمان الحمد لله
لكن عشان درست حاجه مابحبهاش وماكنتش عاوزها تكون مهنتى رجعت ودرست الحاجه اللى بحبها وبحس بمتعه وانا بتعلمها فدخلت حقوق والسنه دى فى ليسانس الحمد لله بس ادعيلى
وبعد ما اخلص ناوى السنه الجايه بامر الله تعالى اعمل دبلومة قانون عام ودى صعبة شويتين وده لانى محتار فى التخصص اللى بعد كده لان قدامى 3 حاجات نفسى اتعلمهم ( القانون الدولى - العلوم القضائيه - الملكيه الفكريه )
والملكيه الفكريه الناس فاكراها للاغانى والاختراعات اللى مابنستخدمهاش بينما ممكن تمتد لتشمل استخدامات وتطبيقات التكنولوجيا اللى بتزيد كل يوم لدرجة ان نص حياتنا بقت اوتوماتيك
هى العربيه مش اوتوماتيك
هو الكمبيوتر والعمليات الحسابيه مش اتوماتيك
الاسانسير مش اوتوماتيك
صناعة الملابس ومستلزمات الحياه حتى الاطعمه مش اوتوماتيك
بس بامر الله تعالى ناوى اخد من الملكيه الفكريه الجانب الخاص بال Cyber crimes او الجرائم الذكية وده مجال مش منتشر فى مصر وكمان لو قدرت اعمل فيه حاجه هايعود على الاقتصاد القومى بعائد اعلى من عائد البترول والدليل على كده ما يحدث الان فى الهند من طفرة الكترونيه ضخمه واللى متابع هايعرف ان الهند من الدول الكبرى فى تصدير الخدمات الالكترونيه لدرجة ان كل مواد وطبعات مايكروسوفت من الدرجة التانيه هندية واللى ماسكين اكبر شركات وفروع فى مجالات التكنولوجيا هنود واللى فى الامارات على سبيل المثال يقدر ياكد كلامى

المشاركة الأصلية كتبت بواسطة m000dy

لما تدخل تخطب واحده وتقول انا معايا ماجستير وبحضر دكتوراه اكيد بتفرق كتير
فى ناس متعلمه بتقدر وممكن تدخل على ناس ماتعرفش حاجه فيغريها انك دكتور والكلمه دى عامله عقدة عند ناس كتير

مش دايما لان الماده اصبحت اهم حاجه دلوقتي - يعني الشقه العربيه الفلوس الوظيفه
مش هتفرق مع معظم الناس ايه هي الدرجات العلميه اللي معاك

ربنا يكرمك ويوفقك الي مايحبه ويرضاه