الموضوع: تقيم متواضع عن اللوجان بعد 1000 كيلو

المشاركة الأصلية كتبت بواسطة alfa_we

الكلام دا بالنسبة للرومانى

هوا فعلا فى فرق لو حطيت نيتروجين ؟
عايز اجربه بصراحة وخايف

ازيك يا محمد

انت ليه فرقت ما بين المغربى و الرومانى فى الصاج

المغربى صاجها جامد جدا

والعربية اللى مع محمد 79 مغربي بردة واديك شايف بيشكر فى صاجها

فهل انت عندك معلومة عند سمك او تصنيع الصاج المغربى من الرومانى ؟؟

ولا انت بتقول كدة من خبرة حصلت ادامك مثلا

المشاركة الأصلية كتبت بواسطة ash257

معلش ليا سؤال هي هزة عصا الفتيس واضحة قوي لدرجة لو حد قاعد جنبك يحس بيها ولا حاجة بسيطة مش مزعجة؟؟؟؟؟؟؟
وصوت الماتور عالي قوي؟؟؟ ولو ممكن تشبه لنا بعربية معروفة يعني زي ال128 ولا أعلى ولا أوطى؟؟؟؟؟؟؟؟؟
شكرا ليك وألف مبروك مرة ثانية وربنا يملهالك ألف بركة

مش للدرجة دة طبعا

المقصود بهزة الفتيس يا أخونا انك لما بتحط ايدك على الفتيس تلقيه بيهتز هزة بسيطة جدا فى ايدك

المشاركة الأصلية كتبت بواسطة alfa_we

هوا فعلا فى فرق لو حطيت نيتروجين ؟
عايز اجربه بصراحة وخايف

لو العجل لسه جديد حط نيتروجين لانه بيحافظ على العجل و بيدي ليه عمر افتراضى اطول و بيساعد العفشة (( شبه رياضية ))

ودة بيرجع لان درجة حرارته منخفضه جدا يمكن تكون -90 فبيساعد على قله التاكل مع الاحتكاك والبري وخصوصا فى الصيف ، ... والله أعلم

وجربه .. مع اول فرد كاوتش جديدة ان شاء الله

المشاركة الأصلية كتبت بواسطة ash257

معلش يا استاذ نوبي ممكن تقولنا العربية سواقتها ناعمة والباور بتاعها كويس ولا لأ؟؟؟؟؟ وكمان مريحة في المطبات ولا بتدبدب؟؟؟؟؟؟

تسمحلى ارد بدلا من الأخ النوبى
العربيه ناعمه جدا بس مش بدرجه السيارات اليابانى
و الباور بتعها كويس بس هو تقيل شويه و مع كتر الأستخدام بينعم اكتر
اما عفشتها فدى احلى حاجه فيها ناعمه جدا و مريحه جدا ولاتحس بأى دبدبه ولا الهوا
تعرف انا شارى عربيتى من محمد زكى القطاميه اول مره ركبتها حسيت ان العفشه بتاعها انعم من السيراتو الجديده
خصوصا انى كنت طالع بالسيراتو الجديده من عند محمد زكى قبلها بيومين عفشه السيراتو نشفه عن عفشه اللوجان انعم منها بكتير
طبعا مع كل الأخترام للسيراتو انا بعشق العربيه السيراتو بس للأسف عفشه اللوجان انعم و بانت اكتر بعد ما حطيت نيتروجين فى العربيتين

شكراً جزيلاً على التقييم ........ انا لسه كنت راكب اللوجان امبارح واول مره في حياتي اركبها وسقتها كمان ......... الحقيقه انبهاري بها بجد والله لم يقل درجه واحده بالعكس حسيت ان نظرتي كانت صح من الاول وانها فعلاً عربيه محترمه وهاتعمل شغل جامد جداً واضافه للسوق المصري السنوات القادمه ان شاء الله......

صحيح انا ما اخدتش فرصه معاها كبيره عشان اقيمها لكن اللي كنت مركز عليه هو اللي معظم حضراتكم قال عليه .....

هزة الفتيس......موجوده ومش عارف ايه سببها الحقيقه لكن حاسس ان ليها حل اكيد ما اظنش انه طبيعي واكيد ملاك اللوجان يقدروا يفيدوا اكتر في الجزئيه دي باعتبارهم ملاك ليها وممارسين ليها فتره كبيره.....هل الهزه دي بتقل ؟ وهل التوكيل بيتعامل معاها ولا هاتفضل ؟

2- صوت الموتور.......بصراحه مش شايفه عالي خالص....هو ممكن يكون عالي من بره وصوت مروحة الريدياتير عاليه جداً ومزعجه شويه........لكن ده من بره الصوت داخل الكابينه محترم جداً جداً بالمقارنه بعربيات تانيه نفس الفئه الدنيا داخل الكابينه ماشاء الله جميله وهادئه جداَ جداً........صوت الموتور من الخارج ليه مش زنه بس صوت هوا كده عاجبني جداً مش صوت مزعج او غير منتظم هو صوت موتور يوحي بانه قوي وهايعمل شغل بس سيبه انت :) .

العفشه بجد هايله ومحترمه جداً ........ انا واخد على الميجان وبالتالي اقدر اقول يقلب جامد ان عفشة اللوجان بجد محترمه وناعمه جداً جداً .....

اللي اخدته على العربيه بس حاجتين واعتقد انهم ممكن يكونوا عند صاحبي فقط .
اضاءة العدادات حاسسها واطيه جداً وضعيفه مش عارف ليه
الزجاج الكهربائي بطيييييييييئ جداً خصوصاً وهو طالع وبيون ونه غريبه كده تحس ان الزجاج تقيل على المكن ولا ايه مش فاهم ؟

هل المشكلتين دول طبيعيتين ولا لأ ؟ ....... كمان بالمره المفروض اول صيانه للوجان امتى بعد 1000 ولا 5000 ؟

شكراً جزيلاً وجزاكم الله كل خير وان شاء الله افضى بس شويه واخد العربيه من صاحبي يومين تلاته افلليها واتعايش معاها واعمل عنها تقرير ان شاء الله بعيون ميجاناوي قدييم .

منتظرين تقييمك يا استاذ رامى على احر من الجمر
واول صيانة للوجان 5000