الحمد لله بعتها وارتحت ( نصيحة لوجه الله)

**sniper2010** · 18-08-2008 11:40 PM

المشاركة الأصلية كتبت بواسطة noornoo

كلامك ده مش منطقي ........ لانه لو فعلا كل المشاكل هذه في العربية كانت فشلت من اول شهر تنزل فيه السوق ومحدش اشتراها .
بس الي شايفه انه الناس مقبله عليها اقبال شديد واكيد ذلك لجودتها ورخص ثمنها والاهم من ذلك ان العربيه دي دخلت السوق الخليجي واكيد الكل عارف مين هو السوق الخليجي وحجم التعاملات الهائله الي فيه . وانا شخصيا بعرف شخص يملك عربيه 516 بقالها معاه اكثر من سنه بدون اي مشاكل ابدا سوى غيار الزيت الدوري علما انه من سكان الاسكندريه ويعمل في القاهره !! اي كل اسبوع مش اقل من 2-3 يذهب بها الى الاسكندريه ويعود والعربيه زي الفل ... والعربيه خلال السنه دي عملت 45000 الف كيلو .
فارجو من الذين واجهو مشاكل مع العربيه ان يعرفوا ان العربيات ارف والي ما والمتك ممكن توالم غيرك

حضرتك عرفت منين إن الإقبال عليها عالي _ _ _ اللي انا شايفه عكس كده _ _ _
واضح من كلام حضرتك إنك بتشتغل في توكيل اسبرانزا أو بتبيع سيارات اسبرانزا لأني ملاحظ إنك عمال تشكر فيها في مواضيع كتير في المنتدى

**foxarc** · 19-08-2008 12:06 AM

المشاركة الأصلية كتبت بواسطة sniper2010

حضرتك عرفت منين إن الإقبال عليها عالي _ _ _ اللي انا شايفه عكس كده _ _ _
واضح من كلام حضرتك إنك بتشتغل في توكيل اسبرانزا أو بتبيع سيارات اسبرانزا لأني ملاحظ إنك عمال تشكر فيها في مواضيع كتير في المنتدى

عكس ايه انت ما بتنزلش شوارع خالص !!!!
انا اللي شايف حضرتك ندمان علي شرائك لادا بدل 113:skeptical:

**slayer** · 20-08-2008 03:33 PM

يا جماعه انا عايز اقول حاجه العربيه دى بجد عامله زى البطيخه يحمرا يارعا
و دى مشكلة العربيات الصينى و مصانع دايو

**MaM** · 21-08-2008 04:21 PM

يالهوي هو الموضوع ده لسه عايش

يا جماعه بصراحه في عربيات بتنزل مليانه مشاكل ربنا يعين اللي يشتري عربيه من دول

لكن معظم الاسبيرانزا مفهاش االمشاكل دي الحمد لله مفهاش مشاكل معايا وزي الفل ربنا يحرسها

**ahmad--ezzat** · 03-09-2008 08:10 PM

الواحد يجيب لادا زيرو افضل بقا

**romancey** · 05-09-2008 11:24 PM

انا هقول على الى شفتة بعينى واحنا فى رمضان مينفعش الواحد يكذب فى عندنا فى المنصورة اسبرنزا تاكسى وهى الوحيدة التاكسى شوفتها بتغير مراوح الريداتير فى الحسنية ودى عربية 2007 قولت عادى بتحصل بعدها بى اسبوعين بوصل واحد صحبى
لقيتة بيحااول يضورها مبضرش رجعت تانى لقيت بيزقها وبيشوف حد يزق معاة ومن يومين اخدا ملف وكسر عليا أووى وعلى العربيات اديتو تركس وجيت جانبوة الى قاعد معاة قلى مفيش دبرياج
انا عربيتى لانوس موديل 2001 عاملة 177000 معملتش الى عملتة العربية دى
انا بقوا الكلام دة علشان صاحب التاكسى صعب عليا ومبحبش حد يكون مكانة

**ahmed_bq** · 13-09-2008 03:21 PM

يجماعة الراجل اللي كاتب الموضوع بيقول حاجه غريبه ازي عربية فيها كم المشاكل دي ويبعها بعد فترة مش هنقول بعد يوم واحد ويخسر فيها بس 7 الاف يعني هيا ب 68 وباعها ب 61

وكمان دي بتبقى ارزاق انا فيه واحد صاحبي جاب فيرنا 2007 زيرو فول اوبشن 1600 مانيوال

العربية جابت منه وش سليندر في شهرين ومش عيب استخدام ولا حاجه راح عمل فضيحه في التوكيل غيرلو العربية كلها ...الجديدة كانت فيها حدفة ... راح التوكيل قالولو من الكاويتشات ... قالهم طب لما انتو عارفين ان الكوتشات معفنه مركبينها ليه ؟؟؟ المهم خرج من التوكيل واسبوع التكييف باظ ... رح عمله بردو ... والريموت كمان كان اتفك من بعضه... اخر حاجة بيقولي مرة كان ماشي في العجوزة نزل يجيب سجاير ورجع العربية مش رادية تدور ...بيقول قرفت منها ومن اليوم اللازرق اللي جابها فيه سابها وركب تاكسي وروح وخلى اخوه يروح يشوفها.....ودي تاني عربية الاولانية اتغيرت لما جابت وش سليندر
الحكاية دي كلها في اقل من سنة

ده مش معناه ان الفيرنا كلها وحشة ....دا نصيب
ممكن حد تاني يجيب اسبيرانزا وتبقى معاه اجدع من مرسيدس

**tatu22** · 13-09-2008 10:19 PM

يا باشا انا كانت معاية اسبرانزا 2000 سى سى هى كان فيها عيوب بس مش كل الى انتا بتقوله ده العربية عفشتها تمام اوى اوى وفيها اوبشنز جبارة وجراية كمان واكيد لو كان فيها كل العيوب دى مكنتش حقق نسب المبيعات دى ومفيش حد دلواتى بيرمى فلوسه الى بيشترى حاجه بيكون سال وعارف وفى الاخر يا باشا ده كله حسب استخدامك للعربية .......

وده فيديو من اليوتيوب وشوف الاسبرانزا وهى مقفله الامبير

http://www.youtube.com/watch?v=sxICjEkcBGU&NR=1

**homme49** · 27-10-2008 05:01 PM

المشاركة الأصلية كتبت بواسطة tatu22

يا باشا انا كانت معاية اسبرانزا 2000 سى سى هى كان فيها عيوب بس مش كل الى انتا بتقوله ده العربية عفشتها تمام اوى اوى وفيها اوبشنز جبارة وجراية كمان واكيد لو كان فيها كل العيوب دى مكنتش حقق نسب المبيعات دى ومفيش حد دلواتى بيرمى فلوسه الى بيشترى حاجه بيكون سال وعارف وفى الاخر يا باشا ده كله حسب استخدامك للعربية .......

وده فيديو من اليوتيوب وشوف الاسبرانزا وهى مقفله الامبير

http://www.youtube.com/watch?v=sxICjEkcBGU&NR=1

لقد تابعت الفيديو كليب مرتان و خرجت بالملاحظات التالية :-
سرعة العداد الخاص بالكيلومترات 200 كم/س
الفيديو مدته 1.01 دقيقة
عند بداية عرض الفيديو كان عدد الكيلومترات المقطوعة بالسيارة 554
بعد 48 ثانية بالظبط تحرك عداد الكيلومترات إلى 555
طوال عرض الفيلم سرعة السيارة 200كم/ساعة
نرجو التفسير

**mohamed_mohsen** · 27-10-2008 06:19 PM

وده فيديو من اليوتيوب وشوف الاسبرانزا وهى مقفله الامبير

http://www.youtube.com/watch?v=sxICjEkcBGU&NR=1

والله اي عربيه زيرو محترمه ما تجيبش فوق ال180 ما تتجبش احسن بقي
ايه يعني مقفله العداد
وبعدين مش معني انها مقفله العداد انها عربيه كفائه
(انا مش ضد الاسبيرانزا و لا حاجه انا بقول رأيي)