الموضوع: عملت اختبار قياس كبس الماتور وعاوز اعرف دلالات النتائج

الأول قوللى قبل مانتكلم على الروديه
مش العربيه بتاكل زيت والعادم لونه أزرق مسود...وبيطلع دخنه كتير من الشكمان مع الأمبيلهات
والسحب بتاع العربيه تعبان

الزيت بيكون ناقص لما باجى اغيرة اه واظن ان سبب النقص فى جوان غطا الزيت ( المكان اللى بحط منه الزيت) لانى بلاقى فى ترشيح زيت حواليه و حوالين الزور
العادم عندى مفيش له لون والصبح لما ادور العربية الشكمان بينزل نقط مياه عادى
مش جربت اعمل امبليهات ( مش قصدك الصوت اللى زى الفرقعه )
السحب ساعات وساعات بس اغلب الاوقات حاسس انه مش قد كده
ملحوظه : فى مرة من المرات كان فى بوجيه قطع منى رحت للميكانيكى قال لى عليه زيت وركب بوجيه سن قصير
كل اللى بحاول اعرفه هل فعلا لازم افتح الماتور لانى مقلق من تواجد قطع الغيار المناسبه

ملحوظه : فى مرة من المرات كان فى بوجيه قطع منى رحت للميكانيكى قال لى عليه زيت وركب بوجيه سن قصير

مش ده برضه بتاع الأسطوانه رقم 3
وكده أنت محتاج طقم كاوتش صباب مع الروديه

مش جربت اعمل امبليهات ( مش قصدك الصوت اللى زى الفرقعه )

ده بيتعمل من عند بكرة الأكسراتير اللى على جنب الكربوراتير
بتزود فتحة باب الكربوراتير وتبص على الشكمان والعربيه دايره وأنت بتحرك البكره من عند سلك البكره
علشان تشوف فيه دخنه كتير ولا لا

عموما أنا شاكك أنك محتاج فقط تغير كاوتش صباب وتعمل روديه
وياريت تقوللى برضه العربيه عامله كام كيلو لحد دلوقتى

كل اللى بحاول اعرفه هل فعلا لازم افتح الماتور لانى مقلق من تواجد قطع الغيار المناسبه

وياسلام لو جات على الروديه يبقى كويس جدا

اظن فعلا ان البوجيه اللى اتغير بسن قصير هوا رقم 3

العربية معايا قلبت العداد مره واحده ودلوقتى العداد معدى ال عشرة الاف
العربية دخلت مصر سنه 1982 وهيا كانت عمله ثلاثون الف كيلو ودنتها مرفوعه او استعمال خفيف لحد سنه 1999 لما اشتريناها فاظن لو حسبتها بالنسب وكده هتكون كده قربت من انها تعمل 300 الف كيلو

فاظن لو حسبتها بالنسب وكده هتكون كده قربت من انها تعمل 300 الف كيلو

يعنى ده رقم كبير برضه والعربيه داخله على سبعه وعشرون سنه ( فكتر ألف خيرها )
ومش عاوز أقولك أعمل روديه وكاوتش صباب وخلاص
وطالما حتحل رأس السلندر فخليها بالمره
وعلشان تريح نفسك
غير طقم شنبر وأعمل روديه وغير كاوتش الصباب
علشان تحيى الموتور .....وده أفضل حفاظا على بلوك المكنه وفتحاته
ودايما فيه قاعده كويسه

ممكن تخسر قليل فى البدايه ....بدلا من أن تخسر كثير فى النهايه

مش عندى مانع من الصرف ونفسى اعملها بس اللى مسبب ليا القلق انها مش ترجع كويسة لاى سبب واكتر سبب موسوس منه قطع الغيار ( باعتبار ان الميكانيكى مشهود له بالكفاءه)
ان عرفت حد عنده قطع اصلية هتوكل على الله وهبدء فى الشغل

من هنا فى المنتدى سمعت ان فيه واحد فى القاهرة اسمه الكيلانى وانه المستورد رقم واحد لقطع الغيار بس مش عارف ده عنده اصلى ولا كل القطع اللى فى السوق واحد