عرض سيريون الجديد في رمضان

**omaroof** · 30-08-2009 11:16 PM

المشاركة الأصلية كتبت بواسطة haitham10

اعتقد انا كنت هنسي اسعارها الي بتبدأ من 72 الف لغايه 90 الف تقريبا لل1500 سي سي فول اوبشن اوتو

معرفش كل الارقام الي انت كتبتها دي عباره عن ايه ولما الوكيل ياخد مكسب 35 الف جنيه يبقي العربيه تمنها 48 الف مثلا ؟؟؟

اللى انا كتبته بالظبط اللى انا قرأته والارقام بالظبط زى ماذكرت فى التقرير للى قرأته
اما الارقام اللى انا كتبتها ببساطه8500 مقدم 1785*60 =107100 يبقه المجموع 115600 وطبعا ده شامل فوائد 5 سنين اما سعرها كام فماعرفش اللى عليها العرض كاش بكام بس اللى اعرفه انها 1300 سى سى

**omaroof** · 30-08-2009 11:29 PM

المشاركة الأصلية كتبت بواسطة mohamed_momi88

اسمحلي اخنلف مع حضرتك لان الوكيل هياخد فلوسة كلها بعد 5 سنين يعني انت بتركب جديد دلوقثي و بتدفع علي 5 سنين و دة عرف عام في اي حاجة قسط لانك لما بتشتري اي حاجة قسط بتقسط علي سنه و بتدفع برضة حوالي 30% زيادة يعني دة طبيعي و كويس انك بتقسط مباشرة مع التوكيل يعني بتبعد عن البنوك و شبهه الربا لانك برضة مع البنك بتدفع حوالي 45% من ثمن االقرض
اما بالنسبة للسعر الاصلي فهو فعلا مبالغ فيه جدا و دة طبيعي في اي حاجة في مصر انك مشتتريها باضعاف سعرها لان انت عارف اننا دوله غنيه و مستوي الناس مرتفع للغايه فلازم ندفع اضعاف اللي الناس بتدفعه برة في الدول الغلابه اللي زي المانيا و امريكا و انجلترا

هههههههههههههههههههههه
كلام حضرتك مظبوط احنا دوله غنيه ويجب استغلالنا
اخى العزيز انا موافقك فى كل اللى قلته بس نسبة فوائد فى كل الدول م 3.5% الى 6% موش الارقام اللى بنسمع عنها فى مصر
وكمان سعر العربيه بتكون فى معظم دول العالم ما يعادل 50 الف تجد سعرها فى مصر فوق ال85 الف يعنى حرااااااااااااام دى سرقه عينى عينك
فتخيل حضرتك سعر العربة اصلا مبالغ فيه غير كمان فوائد عاليه جدا على التقسيط ده طبعا غير العربيه اللى تخدها من التوكيل زيرو يعنى وتلاقى تابلوه بيزيق ولا رعشة دركسيون ولا ولا ولا ولا
بزمتك موش حرااااااااااااااااااااااا ااااااااااام

على العموم اللى عاوز يقرأ تفاصيل العرض ده اللينك بتاع العرض

http://www.contactcars.com/News_ViewStory.asp?NewsID=3448

**HAMZAWY** · 31-08-2009 12:29 AM

احنا برضو سيبنا الموضوع الاساسى وروحنا فى حتة تانية خالص
المهم دلوقتى حد اتاكد من الكلام ده لانى اتصلت وقالولى انهم اول مرة يسمعو الكلام ده ومافيش اى عرض جديد عندهم

**omaroof** · 31-08-2009 01:44 AM

سيريون سيارة يابانية 100%
كشف ملحق سيارات "أخبار اليوم" يوم السبت عن عرض جديد لشركة "دايهاتسو مصر" وكيل سيارات "دايهاتسو" على السيارة "سيريون" حتى نهاية عيد الفطر المبارك.

وكشف خالد أباظة المشرف العام على الملحق من خلال عموده الأسبوعي عن العرض الذي يقضي بحصول العميل على أي طراز من طرازات "سيريون" بدون مقدم أو دفعة حجز أو أي مصروفات إدارية.

وأشار أباظة في مقاله إلى أن العميل ما عليه سوى توقيع عقد الشراء ، ومن ثم ترخيص السيارة باسمه ، واستخدامها فورا وحتى نهاية عيد الفطر ، ثم يبدأ بعدها في سداد أول قسط.

هذا العرض يعني أن هناك فترة سماح للمستهلك دون سداد أي مبالغ مالية تصل إلى شهر تقريبا.

وكان محمد حلاوة منسق بحوث التسويق في شركة "دايهاتسو مصر" قد صرح في وقت سابق لـContactCars.com بأن عرض "سيريون" أوتوماتيك 1300 سي سي مازال ساريا ، وكذلك عرض "سيريون وان" 1000 سي سي.

ويشتمل العرضان على دفع 8500 جنيه كمقدم للسيارة 1300 سي سي على أن يتم تقسيط باقي المبلغ بواقع 1785 جنيها شهريا لمدة 60 شهرا.

أما عرض "سيريون وان" 1000 سي سي ، فيقضي بدفع 5000 جنيه مقدم مع دفع 1541 جنيها على 60 شهراً.

يذكر أن "دايهاتسو" عادت للسوق المصري بقوة من خلال عدة طرازات مهمة أبرزها "تيريوس ، سيريون ، ماتيريا".
ده نص الاعلان وغريبه ان التوكيل ماعندوش خبر!!!

**original** · 31-08-2009 07:11 PM

مفيش حاجة ببلاش..

**teefa1985** · 01-09-2009 10:19 PM

بردو ماعرفناش اي تفاصيل عن العرض يعني القسط هايكون كام بعد العيد و في مصاريف تانيه ولا لأ؟؟

**M.Mosaad** · 01-09-2009 10:42 PM

هو نزل ف الاهرام امبارح بس برضة مش قايليين اي تفاصيل
من غير مقدم لموديل ال 1000 و1300 بس من غير اي تفاصيل

**HAMZAWY** · 01-09-2009 11:59 PM

انا لسة جاى من فرع المعادى وسالت على كل حاجة
اولا بالنسبة للعربية انت مابتدفعش غير 100 جنيه مصارف استعلام والتامين بس فى الاول وبعد شهر تبدا تدفع اول قسط وهو كالتالى

سيريون 1 قسطها 1700 شهريا
سيريون 1300 1900 شهريا

وفى حاجة تانية قاللى عليها بخصوص التامين ان التامين مع بيت التامين المصرى السعودى وده تامين اسلامى تكافلى الحاجة الاحلى انك بتصلح العربية و مابتدفعش حاجة الشركة هى اللى بتحاسبهم

**chmohamed** · 03-09-2009 09:33 AM

ليه تجربه مع بيت التأمين المصرى السعودى ... ديه شركه غريبه جدا ... كنت عملت حدثتين ورا بعض وبلغتهم فأستحرمت أصلح فى التوكيل وقعدت افاصل مع السمكرى كأنى انا اللى هصلحها على حسابى والله كنت بعامل ربنا مش أكتر ... المهم أتكلف الموضوع حوالى 3000 جنيه وكان فى التوكيل مش أقل من 15000 جنيه بالميت فوجئت انهم حملونى حوالى 700 جنيه بما يعادل 25% من التكلفه لأنهم بيحملوا المؤمن بالحادثه مش بالنسبه المئويه
وبالنسبه للسيريون وان هى سعرها فى أنجلترا تقريبا 70000 جنيه مش 50000 بس هنا فى مصر دايهاتسو شايله منها كل حاجه زى abs يعنى الواحد بيتحسر لما بيشوف الأمكانيات الموجوده فى التابلوه واللوحه بتاعت العربيه وكمان الدليل وبيلقيها متشاله من العربيه مع انها نفس السعر بالعكس احنا يمكن تكاليف النقل والتداول والجمارك اقل من اوروبا بكتييير ... وعجبى

**ahmed4000** · 03-09-2009 11:54 AM

هو عرض ممتاز لو حيمشى كده فعلا يعنى المقدم اللى حدفعه ممكن يقضى اقساط 8 او 9 شهور
نفسي التوكيلات تبدا تفكر (خارج الصندوق)

الموضوع: عرض سيريون الجديد في رمضان

LinkBack

أدوات الموضوع

عرض

-

-

-

-

-

-

المواضيع المتشابهه

افطــــار رمضان الرابــع لنايل موتورز (رمضان 1431) (أغسطس 2010)

بمناسبة رمضان . . هل انت من متدينين رمضان وبس والباقي خص !!

كل عام وأنتم بخير , تجميع ضخم من الدروس والخطب عن شهر رمضان ( اللهم بلغنا رمضان )

اخر كلام فى عرض رمضان للسيارة سيريون

عن الهلال وقصة كل سنة-الجديد فى هلال رمضان 1429

الكلمات الدلالية لهذا الموضوع

المفضلات

المفضلات

ضوابط المشاركة