زيت الفتيس تانى مرة

**moudy2002** · 29-10-2007 04:21 PM

من 20 يوم كنت حاسسس ان الفتيس تقيل وبيعض كتير .. خاصة فى الغيار التانى قلت ياواد كبر دماغك وغير الزيت كلة . المهم غيرتة فى بنزينة موبيل والراجل قلى دة زيت متعدد الدرجات وفضى زيت الفتيس خلاص وبعدين جاب خرطوم كبير وفية مضخة وعبى الزيت تانى
الله اعلم بقى الزيت الى حطتة دة متعدد الدرجات زى ما قال ولا اية ؟
المهم الفتيس كان كويس ساعتها الى حد ما ...

المشكلة دلوقتى ان الفتيس طول ما العربية بردة بيبقى تقيل والغيارات بتيجى بصعوبة شوية وكلها تقريبا بتعض .. بس لما ببمشى بيها اكتر من تقريبا ساعه او ساعتين متواصلتين بمعنى اصح لما تسخن كويس بحس ان الفتيس بيقى خفيف شوية واتظبط الى حد ما ...

ياترى لما تكون العربية سخنة زيت الفتيس بيتحسن وبشتغل كويس ولا العيب ممكن يكون فى الفتيس ذات نفسة ؟
وياراب حد يقلى ايه احسن زيت فتيس موجود فى السوق علشان اغيره
العربية اكسنت 1500 موديل 2000
ولكم جزيل الشكر

**pcegypt** · 29-10-2007 04:27 PM

أخي الكريم ، حسب معلوماتي إن معظم السيارات الملاكي الحديثة تستخدم زيت فتيس خفيف لزوجة 80/90 ، المشكلة بقى إن الزيت ده مش دايما موجود في المحطات وبيبقى موجود الزيت الثقيل تقريبا لزوجة 120/140 وطبعا ده بيأثر ، عموما لازم تسأل على درجة اللزوجة قبل ما تحط الزيت وده هتلاقيه في موبيل أو شل.

تحياتي

**MMamdouh** · 29-10-2007 05:01 PM

موبيل غالبا بيبقى فيها الزيت تقيل و عن تجربة... فى الشتاء مش حتعرف تنقل خالص بسبب الزيت دة

روح محطة BP وغير الزيت و حط 80/90

MMamdouh

**moudy2002** · 29-10-2007 05:23 PM

أستاذ محمد ممدوح قصدك إيه بمحطة BP ؟
أنا برضو عندى فالشاهين زيت التعاون حاطو للفتيس ومحتار أغيره بإيه ؟ وازاى أعرف اللزوجة هل بيبقى مكتوب على العلبة ؟

وانا كمان يا ريت اعرف اكتر عن كيفية اكتشاف مدى لزوجة الزيت قبل ما حطة لان غالبا دة بيكون عن طريق مضخة مش جركن وبيتحط زى زيت الموتور

**EHAB TAHER** · 29-10-2007 08:35 PM

اتاكد من لزوجة الزيت
بالنسبة للملاكى لزوجة 80 90 مناسبة

**Abdallah** · 30-10-2007 01:36 AM

الزيت تقيل
شوف اى محطة بنزين بتغير زيت فتيس او مركز خدمة وحط اى نوع لزوجته 70/80 او 80/90 ما عدا التعاون.

**MMamdouh** · 30-10-2007 10:40 AM

محطات BP موجودة فى بعض محطات الغاز بتاعت شركة كارجاس و دة اللوجو بتاعها

MMamdouh

**zoro3027** · 21-02-2010 07:16 PM

________________________________________
_ يتطلب سائل النقل TRANSMITION FLUID أو زيت الفتيس (حسب اللغه الدارجه ).....الكشف على مرات متباعده ومحدده ....حسب توصيات صانع الفتيس للحفاظ على آداء جيد للفتيس ..........
_ كما نعلم جميعا بأن من خصائص هذا الزيت التأثر وحدوث تغيير مع الوقت بسبب ظروف التشغيل والحراره التى يتعرض لها مع العمل بالسياره....
_ على سبيل المثال نجد بعض صانعى الفتيس الأوتوماتيك يوصى بتغيير الزيت كل 15000 ميل أو 24 شهرا ........من كتالوج خاص بالسيارات ال ....... تويوتا .....
_ منسوب الزيت يجب أن يتم فحصه دوريا بواسطة عصاية القياس المركبه داخل كرتير الفتيس بعد الوصول الى درجة حرارة التشغيل الطبيعيه (158 - 176 درجه فاراد )..............
_ مستوى الزيت يكون مضبوطا وموائم لأخذ آداء جيد من الفتيس ...حينما يكون المنسوب بين العلامتين MAX & MIN
على عصاية القياس ( بناء على مؤشر القياس الساخن الموجود على العصايه ).........
_ أما مؤشر القياس على البارد (موجود أيضا على العصايه )...يجب أن لايؤخذ دليلا على صحة المنسوب ...وأنما هو فقط دليلا على أن المنسوب فى الحدود الآمنه ( لعدم حدوث تلف وأختلال بالآداء ).......
_ مما سبق نعرف بأن القياس الصح يكون بأستعمال مؤشر القياس الساخن لضمان أستمرار مثاليه فى آداء الفتيس بدون مشاكل.........
_يلاحظ بأنه حينما يكون منسوب الزيت قليل للغايه ...فأن طلمبة الزيت الموجوده داخل الفتيس ...ستقوم بسحب هواء مع الزيت وبالتالى بيحدث خلط لمائعين (هواء + زيت ) فى خط طرد الطلمبه ......ومنه الى ال PRESSURE LINE اللى بعد الطلمبه وذاهب الى منظومة عمل الفتيس (سواء التورك كونفرتر أو مجموعة الفلف بودى الموجوده من ضمن مكونات الفتيس والمسئوله عن الآداء )......ومن هنا بيذهب زيت محملا بالهواء الى مجموعة بلوك بلوف التوزيع VALVE BODY
......وعليه بيكون الضغط أقل من المطلوب .........
_ تواجد هواء مختلطا بالزيت خلال الـPRESSURE LINE
بيكون نتيجة ظاهره هندسيه يطلق عليها السريان المذدوج لمائعين خلال الطلمبات .......TWO PHASE FLOW IN PUMPS
_ ومعروف أنه من خصائص هذه الظاهره ...حدوث أنخفاض فى الضغط الخارج من الطلمبات ..........
_ حينما يحدث نقصان فى الضغط ...يحدث أخفاق فى كفاءة تعشيق كلاتشات مراحل التعشيق المختلفه ...عند وضع عصاية الأختيار SELECTOR SWITCH
على وضع أختيار لمرحلة تعشيق معينه ........... _ RIGHT]
[/RIGHT]_ مع تواجد هذه الحاله بيحدث تفويت بين الأوجه الأحتكاكيه FRICTION FACES الخاصه بكلاتش مرحلة تعشيق معينه .....ومن هنا بيحدث ظاهرة التفويت المعروفه لأى كلاتش نقل قدره .........
_ مايحدث فى هذه الحاله بالضبط يشابه مايحدث الى حد كبير داخل دبرياش الفتيس المانيوال العادى (حينما يحدث تآكل فى أوجه الديسك والأسطوانه ).......
_ حيث نلاحظ وجود أختلال فى الآداء ...نحو كفاءة عملية التسارع والسحب ......كما أن صوت المحرك بيرتفع مع تواجد أستهلاك فى البنزين زائد عن الحد الطبيعى عند الضغط على الأكسراتير لفتح بوابة خانق المحرك...........دون أن يدرى صاحب السياره......[RIGHT]_ طيب .....ماذا يحدث عند زيادة منسوب الزيت عن الوضع المقرر .......؟؟؟
_ حينما يكون منسوب الزيت زياده عن الوضع المقرر.....فأن مجموعة التروس الكوكبيه (المسئوله عند دخولها فى مراحل التعشيق المختلفه بناء على أختيار السائق ) بتقوم بتهييج وأثارة ( بتلطش ) الزيت هى وجميع العناصر الدواره ...المتواجده على محور الدوران ..........
_ حينما يحدث أثاره وطرطشه للزيت داخل حيز الفتيس ....فأن هذا يؤدى الى أختلاط الزيت مع الهواء الموجود داخل فراغ الفتيس أعلى منسوب الزيت .......
_فى هذه الحاله بيحدث آداء بيشابه الى حد كبير نفس الوضع مع نقصان منسوب الزيت السابق توضيحه.......
_ أيضا يضاف فى حالة زيادة المنسوب عن الازم .......حدوث خروج وهروب للزيت ....من خلال طبة التنفيس الخاصه بالفتيس breather plug ...... وأيضا من خلال ماسورة عصاية القياس dipstic tube ....
.. وعليه بيحدث نقصان للزيت مع أستمرار التشغيل مع هذا الوضع ...بالأضافه الى حدوث تلوث لجسم الفتيس من الخارج بالزيت ......والأتربه التى تلتصق بالزيت الموجود على جسم الفتيس من الخارج مع تواجد غبار وخلافه بالجو الخارجى.........
_ فى النهايه......عاوز أوصى الأخوه الأفاضل مالكى السيارت ذات الفتيس الأوتو ماتيك .....بضرورة أخذ هذا الموضوع عين الأعتبار ....وأعطاءه أقصى أهتمام للحفاظ على الفتيس ......
_ كذلك أنصح بمتابعة تغيير فلتر الزيت فى ميعاده المقنن أيضا .......وكذلك الحفاظ على آداء مثالى لدورة تبريد الزيت ....بمتابعة آداء سربنتينة تبريد الزيت الملحقه مع ردياتير محرك دورة تبريد المحرك ..............شكرا للمرور بالموضوع....