الماروتى بتحطولها بنزين كام و استهلاكها كام فى الصفيحة ؟

**Lion_Heart** · 10-09-2009 02:50 PM

شكرا للجميع

**Lion_Heart** · 10-09-2009 02:51 PM

المشاركة الأصلية كتبت بواسطة lord.adel

شوف يا صديقي العزيز الافضل هوا 92 لها سحب جامد صوت ماتور اقل عند القرص عليه
ودة عن تجربه فعلا عنى كنت بحط 90 قلت اجرب 92 لاقيت فرق زي ما قلت لك بالضبط
اي ان فى المرتبه الاوله 92 بعدة 90 واذا لاقيت ان صفحيه مثلا بتعمل معاك قليل هتروح تضبط عند مكانيكي بيفهم وخلاص ع كدة
اما 80 فهو يحتاج الى ضبط كهرباء غير قلته فى البلد يعنى مش هيسعفك فى اي مكان زي 90او92 غير انه تاثير كتير وحش ع ماتور
وبالتوكيل ينصحو بعدم وضع 80 العربيه كل ما اعتنيت بيها فى مكانيكتها هتديك كتير وهتحسها بنفسك وانت ماشي بيها
والله اعلم تحياتى...

معاك حق المحافظة من الاول احسن ,
شكرا للجميع

**sep0508** · 10-09-2009 09:47 PM

المشاركة الأصلية كتبت بواسطة m7nsh

فى الكتالوج عندى بينصحو ببنزين رقمه الاوكتانى لايقل عن 85 ,, العربيه 2009,, مش عارف اتغيرت بقت 91 ولا ايه ؟؟
و عموما انا بحطلها 80 و وطيت الكهربا شويه
الأستهلاك حوالى 300 فى الصفيحه بالقرص و الزحمه

عربيتي 2009 و بحط 80 حتى من قبل ما اضبط كهربا
شغالة كويس السحب ضعيف بنسبة بسيطة و بتسقف لما تقرص عليها
ليه تقرص عليها اساسا؟ هو انت جايب كرولا - انت جايب عربية ببلاش تقريبا
مرة كنت طلبت منهم ضبط الكهرباء ف التوكيل و بعد كدة حسيت ان التسقيف اقل بس لسة موجود
الفرق فى سعر البنزين كبير و لو بطلت تقرص العربية تمام التمام
انا هاستمر على كدة كام سنة و تعالو نشوف النتيجة كمان سنة مثلا جايز اكون انا صح
جزيل الشكر للاخ m7nsh

**romido2010** · 12-09-2009 02:37 PM

90

**kimo_cat** · 15-09-2009 12:12 PM

يا جماعة انا لسه جايب ماروتي زيرو ، انا جبتها طبعا لأن حجمها صغير و استهلاكها قليل بس الغريب انى لما حسبت لقيتها بتعمل 20 لتر 200 كيلو و انا حاسس ان كده كتيير قوي عليها ، يا ترى أيه العيب او السبب
علما أني مسافرتش بيها ده داخلالقاهرة فقط
العداد عامل 600 كيلو لغاية دلوقت
ايه المشكله اللى عندي؟؟؟

**m7nsh** · 15-09-2009 05:20 PM

ده بسبب :
التليين ثم التليين ثم التليين
انا اول ما جبتها كانت بتعمل معايا نفس المعدل بتاعك ده بالظبط
مع الوقت و بعد ما تكسر اول الف و تغير زيت التليين و فلتر هتلاقى الدينا ظبطت ان شاء الله
و مبروك عليك يامعلم بس عاوزينك تعرفنا بنفسك كده و بتدرس ولا ايه ؟
فى موضوع متثبت عن الماروتى ,, ابقى عرفنا بنفسك فيه هناك
صحيح ابقى بالهداوه عليها الفتره دى ,, بلاش قرص ع الموتور ,, بلاش فرك وامريكانى ,, بلاش تخميس ,, بلاش كبس فرامل جامد
بدل فى كل الغيارات ,, متمشيش على سرعه ثابته فتره كبيره ,, غير من سرعتك كل شويه و خلى نقلاتك كالتانى
0 اول طبعا
10 تانى
30 تالت
50 رابع

**kimo_cat** · 17-09-2009 12:02 PM

السلام عليكم m7nsh
شكرا على ردك ريحتني والله
وأحب اعرفك بنفسي
أخوك كمال مهندس كمبيوتر - القاهرة - 29 سنه - "اي حاجاه في الكمبيوتر انا تحت أمرك"
بس على فكره انا مش بعمل كده خالص
انا قريت في الكتالوج كاتبين ان ينصح أن في أول 1000 كيلو متعديش السرعه عن 100 فقلت كويس ومبزودش عن 80
خصوصا انى لسه متعلم سواقه جديد يعني مفيش قرص ولا جري ولا أمريكاني ولا حتى اعرف بيتعمل ازاي
مكتوب في الكتالوج انهم بينصحوا بنقل السرعات كالاتي
أول 0 الى 30
التاني 10 الى 50
التالت 20 الى 90
رابع 30 الى اعلى سرعه

**LORD.ADeL** · 17-09-2009 12:58 PM

اهلا بيك يا بمشهندس كمال تشرفنا بيك
شوف يا صديقي العزيز كتالوج كاتب الاستخدام دة بالنسبه للبئيه العام للدول بالخارج وفى كمان تناسب فى الاستخدام بين دول
بالنسبه للجو ودرجه حراراته ووهكذا بالنسبه لنا فى مصر الاجواء حار وكونك تعمل زي ما متكوب صعب جدا عربيه
شوف اتفق مع محمد فيما قالو لك وهوا الاستخدام الامثل بعد الاطلاع ع كثير من مواضيع الخاصه بهذا الامر
الاول من 0 الى 10
ثاني من 10 الى 40
ثالث من 40 الى 60-70 كبيرة اوي
رابع من 70 لما نهاياا وللعلم كونك عاديت ال100 فدة بيزود من استهلاك البنزين
وانت هتلاحظ ان صصوت ماتورك علي جدا اصلا من بعد 90 دة اللى الخلاصه اللى عرفتها
ولك طبعا الحريه كلها انك تاخد بيه اولا
والف مبروك العربيه تحياتى...

**bayoumisoft** · 17-09-2009 05:45 PM

والله انتم ناس زى العسل والواحد بيستفاد من كل رد هنا

جزاكم الله خيرا جميعا

وكل سنة وانتم طيبين

**m7nsh** · 19-09-2009 09:17 AM

المشاركة الأصلية كتبت بواسطة kimo_cat

السلام عليكم m7nsh
شكرا على ردك ريحتني والله
وأحب اعرفك بنفسي
أخوك كمال مهندس كمبيوتر - القاهرة - 29 سنه - "اي حاجاه في الكمبيوتر انا تحت أمرك"
بس على فكره انا مش بعمل كده خالص
انا قريت في الكتالوج كاتبين ان ينصح أن في أول 1000 كيلو متعديش السرعه عن 100 فقلت كويس ومبزودش عن 80
خصوصا انى لسه متعلم سواقه جديد يعني مفيش قرص ولا جري ولا أمريكاني ولا حتى اعرف بيتعمل ازاي
مكتوب في الكتالوج انهم بينصحوا بنقل السرعات كالاتي
أول 0 الى 30
التاني 10 الى 50
التالت 20 الى 90
رابع 30 الى اعلى سرعه

اتشرفت بيك يا بشمهندس والله فرصه سعيده جدااا :)
موضوع متعديش 100 ده مظبوط طبعا 100 %
بس كنت عاوز اقولك ان ده رينج النقلات يعنى الرينج اللى المفروض تنقل فيه
يعنى طبعا هو مش قصده انك تنقل تانى على 30 ,, هتلاقى العربيه بتجعر منك و مش هتعرف تسكتها

او التالت على 50 نفس القصه
النقلات اللى قلتها المقصود بيها عدم التحميل على الموتور بحيث لفاته تكون هاديه و ميكونش فى racing للمحرك ,, لأن فكره حوار التلييين ده اصلا ان مهما بلغت كفائه التصنيع فعمرها مبتوصل 100 % ,, بيكون فى بروزات خفيفه او خلوصات فى المحرك او مجموعه الفتيس بتتظبط فى فتره التليين ,, عشان كده القرص غير مستحب طبعا فى اول فتره فى عمر المحرك ( انك تنقل من اول لتانى مثلا على 30 بالماروتى يعتبر قرص )

بعد ما فتره الألف كيلو تعدى و تغير زيت و فلتر ,, الدنيا هتفتح معاك شويتين ,, و تقدر تعتبرها مدارس فى النقلات
مدرسه السواقه الهاديه : نفس نقلات التليين 10 - 30 - 50
مدرسه السواقه الاقتصاديه : 20 - 40 - 60
مدرسه السواقه الرياضيه (حرق ) : 30 - 55 - 80 فى الحدود دى

الباشمهندس سبعاوى هو اللى كان افادنا من فتره قديمه شويه بمواعيد النقلات دى ,, و فعلا هى من انجح النقلات للماروتى
ياريته بس يرجع يشارك معانا ,, ويكون اللى مانعه عننا خير
اتمنى اكون قدرت افيدك يا كيمو ,, وكل سنه و انت طيب يا هندسه

الموضوع: الماروتى بتحطولها بنزين كام و استهلاكها كام فى الصفيحة ؟

LinkBack

أدوات الموضوع

عرض

-

-

-

-

-

المواضيع المتشابهه

أزاى نغير فلتر بنزين الماروتى ؟

خراطيم بنزين الماروتى أتاكلت

حد جرب يحط بنزين 80 للنوبيرا وبتعمل كام فى الصفيحة

حد جرب يحط بنزين 80 للفيرنا وبتعمل كام فى الصفيحة؟؟؟

بنزين الماروتى

الكلمات الدلالية لهذا الموضوع

المفضلات

المفضلات

ضوابط المشاركة