ربنا يخليك يارب .. ايوة كده انا ارتحت والله واطمنت .. كلام منطقي جدااا
ميرسي اوي اوي يا دكتور ..
السلام عليكم
جزاك الله خيرا يا دكتور على مساعدة الأعضاء
و لي سؤال ؟
انا طولي 186 و وزني 70 كيلو و رفيع طبعا
و اكلي اقل من الطبيعي أو تقدر تقول كمان عندي فقدان للشهية
و بمشي كتييييير
و للأسف مفيش عندي صحة عامل زي اللي بيشرب السجاير
هل لو انا بدات في علاج للنحافة هل بيؤثر في الصحة أيضا مش شكل الجسم بس ولا ايه ؟
و شكرا مقدما
وعليكم السلام
تحت امرك ياخي
المفروض وزنك يزيد علي الاقل 10 كيلو بس لازم نحدد سبب النحافة وفقدان الشهية
لازم تعمل تحليل براز وصورة دم كاملة
والعلاج دة حيساعد معاك
tesorixشراب ملعقة قبل الاكل 3 مرات
digstinحبوب بعد الاكل 3 مرات
ferrfolكبسولة بعد الافطار لمدة شهر
في ظرف اسبوع حتلاقي تحسن في الشهية وبلغني بنتيجة التحاليل
دة احنا طلعنا جيران اهوةانا من طنطا كمان
السلام عليكم ورحمة الله
اولا بشكر حضرتك يا دكتور على مجهوداتك الكبيرة و حرصك على افادة الاعضاء
جزاك الله خيرا وجعله فى ميزان حسناتك
دلوقتى انا اسمى حسام وسنى 20 سنة و وزنى 115 كيلو و طولى 175
فكنت عايز نظام غذائى او وصفة اخرى بحيث اقدر اخس 25 كيلو على الاقل فى خلال مثلا 3 او 6 شهور
و انا ساعات بلعب كمال اجسام هل هذا يتعارض مع الرجيم ولا عادى؟
وبالنسبة لحزام التخسيس سواء الحزام الهزاز (ال VIBRATION ) او حزام الساونا هل هم فعالين فى اذابة الدهون كما يقال فالاعلانات ام لا؟
خصوصا انى بفكر اجيب حزام vibro tone عشان استعمله لتقليل البطن شوية
ازيك حضرتك يادكتور
جزاك الله خيرا
انا اسمى رحمه وعندى 20 سنه
وطولى167 ووزنى 58 كيلو
انا عملت تحاليل urine /stool
وكويسه خالص ومفيش فيها اى حاجه
المشكله انى دايما ماليش نفس للاكل ودايما عماله اخس زياده
فانا عاوزه ازيد شويا او عالاقل احافظ على جسمى
وجربت كل فواتح الشهيه وبحس انها بتسد نفسى
وبعد اذنك اقلى على حاجه كويسه اعملها
وشكرا
تحت امرك انت واعضاء المنتدي
شوف ياستاذ حسام
الافطار
رغيف بلدي + 6ملاعق فول او 2بيضة مسلوقة او جبنة قريش +طبق سلطة ( بدون جزر )
بعد ساعة كوب شاي (ملعقة سكر ونصف)
الغداء
رغيف بلدي ونصف +ربع فرخة مشوية او سمك مشوي او كبدة مشوية او 6 ملاعق فول او 2بيضة مسلوقة
لو عاوز رز او مكرونة ممكن تاخد 15 ملعقة بس خد باللك ملعقة شاي
العشاء
2زبادي لايت
5ملاعق فول +2بيضة مسلوقة
فواكة ماعدا الموز
ملحوظات هامة
النظام السابق بدون ممارسة رياضة ككمال الاجسام مثلا لاكن لو عاوز تمارس رياضة اكيد النظام حيتغير ( امشي علية بدون رياضة الاول وشوف النتيجة )
ممنوع العيش في العشاء
ممنوع تقليل السكر عن 3 ملاعق علي مدار اليوم ايوة ممنوع انك تقلل من ال3 ملاعق سكر
علي مدار اسبوع النظام دة ممكن ينزللك من 2 الي 4 كيلو
تجنب شراء اي حاجة بتظهر في التلفزيون كلها لاغراض الربح فقط وليس لها اي اساس من الصحة ولاعلاقة لها بالتخسيس نهائيا
ملح
تقريبا الموضوع بتاع حضرتك نفسي اكتر منة عضوي بمعني حضرتك ميالة اكتر لللعصبية والنرفزة وكمان بتسهري كتير ممكن تقعدي مع انفسك وقت اطول وتفكري
لو الي قلتة مظبوط حاولي تغيري من اسلوبك في الحياة والتعامل مع الصعاب الي بنواجهها
لو الكلام غير منطبق علي حضرتك
حتلاقيني رديت علي حالة ممثالة لحضرتك في مشاركة سابقة
ازي حضرتك يا دكتور .. انا كنت معدية من هنا قلت اسلم :) ..
السلام عليكم دكتور عمرو
عاوز اخس ومش عارف
انا طولى حوالى 180 سم ووزنى حاليا 93 كليو
قبل الجواز كان وزنى من 80 - 82 كليو
جربت انظمة كتير وفشلت
ياريت المساعده
السلام عليكم ورحمه الله وبركاته
دكتور انا ليا سؤال بخصوص رفع عضلات الذراع والاطراف هل لها علاج؟؟
هى خاصه بامراه طولها 159 وزن 50 ك وعملت تحليل مزرعه براز وصوره دم كامله وتحليل غده
كله تمام ما عدا الغده الدرقيه فيها بعض القصور عن النسبه الطبيعيه كما انها عملت وزن للعضلات فقط عن طريق جهاز متخصص لقياس وزن العضلات
اتبعت كورس علاجى (دواء للغده , فاتح شهيه digestin and tresroix , زيت كبد الحوت ) لمده 3 شهور عمل فقط على زياده الوزن 2كيلو فقط من 48 ك الى 50 ك
اما عضلات الذراع والاطراف لم يحدث بها اى تغير ومازالت رفيعه جدا
رجاء النصيحه يا دكتور
سيدي الفاضل
الغدة هي المسئولة في هذة الحالة عن بطء الزيادة في الوزن وارجو عدم الملل لان هذا الكورس الي بدات فية هذة السيدة لابد ان يستمر مع معرفة ان الزيادة ستكون علي مدي يصل لشهور وارجو عدم التسرع
شوفي حضرتك الاساس الي بيشتغل علية اي دكتور في زيادة الوزن هو زيادة عدد السعرات الحرارية عن المعدل الطبيعي للجسم
بمعني لو حضرتك بتحرقي 800 سعر في اليوم لازم الاكل بتاعك يزيد عن 800 سعر ممكن يوصل ل1500 او 2000 سعر
ركزي علي زيادة عدد مرات الاكل عن 3 مرات بمعني الايقل عن 5 مرات في اليوم
بجانب الافطار والغداء والعشاء وجبات خفيفة بينهم وكمان قبل النوم مثل (مياة غازية ..قرص محشية..شيكولاتة ..ام علي .. بسكوت شيكلاوتة اوبالتمر ) وهكذا
جربي هذا النظام خلال اسبوع حتلاحظي الفرق
السلام عليكم ورحمة الله وبركاته,
مبدئيا بشكر حضرتك عالموضوع الجميل ده وربنا يبارك فى حضرتك,
المشكلة ان أنا عندى فلات فوت , بس لما بقف على صوابع رجلى , القوس بيظهر , فالموضوع ده بيتعبنى لما ببذل مجهود زى الجرى مثلا.
انا سمعت انها بتتعالج بالعلاج الطبيعى, فهل ده ممكن؟
السلام عليكم من فضلك انا وزنى 74 وطولى 168 جسمى مظبوط كلة معاد منطقة الذراعين نفسى تنزل شوية بروح الجيم بعمل تمارين بردة مش لاقية نتيجة ممكن تقولى تمارين معينة اعملها للجزء العلوى تلم معايا وشكرا
السلام عليكم يا دكتور
كنت سألت حضرتك من فتره عن العلاج الطبيعي للشوكه العظميه
بس تقريباً المشاركات اتحذفت وقت المنتدى ما كان فيه مشكله
الحاله زادت سوء بعد فتره
وكنت عايزه اعرف فين ممكن الاقي جهاز تفتيت الشوكه العظميه بالليزر
زي ما الدكتور كان قال بس هو قال انه جهاز نادر في مصر ومش عنده
هل حضرتك تعرف ممكن يكون في اي مستشفى او مركز علاجي
والف شكر لحضرتك
للاسف انا مش من القاهرة ومش حقدر افيدك
تحت امرك في اي استفسار اخر
هل ريجيم الماء ريجيم صحى يا دكتور و لا مضر بالعمليات الحيوية للجسم
مفيش حاجة اسمها ريجيم الماء
يعني مينفعش اني طول اليوم اشرب في ماء فقط .
عيوب هذا النظام
سقوط الشعر ..انيميا حادة ..شحوب الوجة ..ضعف عام وعدم قدرة علي التركيز
دكتور انا اعتبر نحيفة
بس بعد القيصرية اللي كانت من سنة اصبح عندي بطن كبيرة ووحشة بجد
مش عارفة اعمل ايه
وانا ماليش خلق على الرياضة
هل في اجهزة بتساعد على تخفيف البطن في مراكز علاج السمنة والنحافة او ادوية او رجيم معين؟
كمان بعد اذنك هل في طريقة لعلاج النحافة في الوجه فقط
يعني مش عايزة باقي جسمي يزيد
في عدة طرق لنزول منطقة البطن
الاسرع والمناسب لظروف حضرتك الميزوثيربي وكمان الكافيتيشن (جهاز بالموحات الفوق صوتية لاذابة الدهون فوري من اول جلسة )
ممكن حضرتك تزوري اقرب دكتور سمنة وتبداي الجلسات
راي الشخصي
ابداي بالكافيتيشن
مفيش حل للسمنه يادكتور
لو شربت كوباية ميه وزنى يزيد
عايش فى حرمان طول عمرى ومفيش فايده
طولى 179 وزنى 101 حاليا وسنى 32 سنه
انا اسمى احمد أبوزيد من الاسكندرية و عندى 39 سنة انا من سنة 2007 و انا باعانى من انزلاق غضروفى قطنى بين الفقرة الرابعة و الخامسة
و روحت لاكتر من دكتور بدون ذكر اسماء و معظمهم اقر بان الموضوع بسيط و مش محتاج غير شوية مسكنات و جلسلت علاج طبيعى
المهم عملت يجى سنة و نص علاج طبيعى لحد لما زهقت و فى الاخر بطلت و كنت متعايش مع الانزلاق بقدر الامكان الى ان فى شهر يناير 2011 حسيت بالم جامد جدا غير محتمل فى الرجل اليسار من اول الفخد من فوق الى مشط القدم و تنميل جامد جدا فى الرجل باكملها و طبعا من شدة الالم ذهبت لاكتر من دكتور و فى هذه المرة كلهم اجمعوا بضرورة اجراء تدخل جراحى و فى واحد قاللى ان عندى سقوط فى مشط القدم و لو لم اقم باجراء العملية فى اقرب وقت فى خلال شهر حيحصل حاجات احنا فى غنى عنها المهم دخلت المستشفى يوم 5 يناير 2011 و اجريت العملية يوم 9 يناير 2011 و اللى فهمته من الدكتور بعد العملية انه تم قرقضة الغضروف فقط على حد علمى و لكن كان عندى الم شديد جدا بعد العملية استمر معايا لمدة شهر تقريبا و هو نفس الالام اللى كانت قبل العملية لدرجة انى روحت للدكتور و قلت له انت ما عملتليش العملية و كانت قصة و كان عندى شوية حاجات زيادة كمان بعد العملية زى تنميل شديد فى المنطقة السفلية بين الفخدين لدرجة انى ماكنتش بحس بالمياة اثناء دخول الحمام و كانت نفسيتى زى الزفت .
المهم روحت لدكتور تانى قالى اعمللى اشعة عادية المهم بعد ما شافها طلب منى اشعة رنين بالصبغة لانه كان شايف حاجة غريبة فى الاشعة العادية و بعد ما عملتها روحتله قاللى انت عندك تليفات على العصب نتيجة لتعامل الدكتور بعنف مع العصب اثناء العملية و قالى علاجك حيحتاج لسنة تقريبا مع حقن نيوروروبين و ثايوتاسيد 600 و شوية حاجات تانية المهم الالم اللى فى رجلى الحمد لله دلوقتى مفيش و لكن باحس ان عندى الم مستمر فى الفخد اليمين من فوق لتحت كدة مؤلم جدا
و يمين و شمال فى نفس مكان العملية الم بعد اى مجهود حتى و لو طفيف و روحت للدكتور مرة تانية قاللى لازم تعمل علاج طبيعى المهم روحت عملت علاج طبيعى و كنت بادخل الجلسة و انا تقريبا زى الفل و فى نهاية الجلسة ماكنتش بقدر اقوم من على الشازلونج من شدة الالم و اكتشفت ساعتها انى لو نمت على بطنى لمدة 5 دقائق و اجى اقوم احس ان ظهرى مقسوم نصين و مش قادر اتحرك
بصراحة مش عارف اعمل ايه
و انا طبيعة عملى تحتاج لمجهود شاق و محدش بيرحم زى ما حضراتكم عارفين كله عاوز مصلحته تتم و خلاص و مش عارف اعمل ايه
ارجو حد يدلنى على اى علاج يمكننى على الاقل من ممارسة عملى باقل الم محتمل .
و اسف جدا على الاطالة على حضراتكم
و لسيادتكم جزيل الشكر .
دكتور عمرو حاليا بتابع مع استشارى تغذية لانقاص الوزن و كاتب لى على فاتاشى بس بعد ما جبته لاقيت فى النشرة مش كاتبين حاجة عن التاثير الدوائى او كيفية عمله او اثاره الجانبية
فياريت حضرتك تفيدنى بيهم
وظيفته مكمل غذائى لانقاص الوزن
المكونات :
التاثير الدوائى :اقتباس:
كل كبسولة تحتوي على
شيتوزان 50 مجم
بذور البسيليوم 400 مجم
صمغ الكرايا 25 مجم
بكتين 10 مجم
فيتامين سي 10 مجم
دواعى الاستعمال :اقتباس:
فاتاشي – مستحضر طبيعي يحفز ويساعد على إنقاص الوزن بأمان وفعالية فهو يعمل على الحد من امتصاص الدهون والكربوهيدرات بالأمعاء وخروجها مع الفضلات، وكذلك يعمل على تقليل نسبة الكوليسترول والدهن الثلاثية والدهون ذات الكثافة المنخفضة في الدم.
كيف يعمل فاتاشي؟
فاتاشي يحتول على مادة الشيتوزان ذات الشحنة الموجبة فتتمكن من التقاط الاجسام ذات الشحنات السالبة كالدهون فتمنع امتصاصها ووجود فيتامين (ج) يقوي مفعول مادة الشيتوزان كما تعمل مادة البكتين على تقليل امتصاص الكربوهيدرات والدهون والكوليسترول والألياف تمتص الماء فتتضاعف في حجمها 25 مرة وتكون جل غير قابل للهضم فتعطي إحساساً بالشبع وتقلل الرغبة للطعام.
اقتباس:
فاتاشي يساعد على انقاص الوزن خلال فترة قصيرة.
فاتاشي يساعد على تخفيف نسبة الكوليسترول والدهون الثلاثية في الدم.
فاتاشي يساعد على حفظ مستوى السكر بالدم.
فاتاشي يساعد في التخلص من الإمساك وتنظيم عملية الهضم.
فاتاشي يحافظ على صحة القلب وضغط الدم الطبيعي.
الفرق بينه و بين الاورليستات
ط§ظˆط±ظ„ظ‰ ط§ظ‚ظˆظ‰ ظ…ظ† ظپط§طھط§ط´ظ‰ طں ظˆظ‡ظ…ط§ ط§ظ„ط¥ط«ظ†ظٹظ† ط§ط¯ظˆظٹط© طھط®ط³ظٹط³ - طھظ…طھ ط§ظ„ط¥ط¬ط§ط¨ط© ط¹ظ†ظ‡ - Google ط¥ط¬ط§ط¨ط§طھ
مقالات عن مادة الشيتوزان
http://sukukath.maktoobblog.com/1613...ض-الوزن/
www.icve.net
تحياتى
دكتور لو سمحت انا عندي انزلاق فقرات من فترة طويلة و بعدين من قريب جالي sacroilitis و الحقيقة الموضوع مؤلم جدا و حاليا انا باخد جلسات علاج طبيعي لازالة الالم بس انا عندي مشكلتين الاولى بصحى من النوم تعبانة جدا و ضهرى المني جدا و التانية ان عضلات ضهري ضعفت عشان انا كنت بروح الجيم و بطلت محتاجة اعرف اعمل تمارين ايه اول ما اصحى عشان الالم ده يقل و التاني هل ممكن اروح الجيم تاني عادي و لا لا؟؟
اولا بعتذر علي التاخير في الرد
ثانيا في الاول مش بنفضل نبدء بتمارين خصوصا لسة فية الم في الفقرات
كل الي حضرتك محتجاة في الجلسات ليزر وجهاز الكترومجنيتك ويف بالاضافة للموجات الفوق صوتية
ان شاء الله في ظرف 6 جلسات حيكون فية تحسن كبير
مفيش جيم خالص دلوقتي الا لما الالم يختفي تماما
بعد اذن حضرتك يا دكتور
يا ريت نعرف انسب وقت نمارس فيه الرياضة هل صباحا ام مساءا
و هل قبل الاكل ام بعده و بكام ساعة
سواء كان للتخسيس او رفع اللياقة
افضل وقت طبعا بعد الاكل بساعتين علي الاقل
حتي المثل بيقول اتعشي واتمشي فترة بليل بتكون مناسبة لزيادة معدل الحرق بالجسم
دكتور انا نحيفة وبخس اكتر بسبب رمضان والرضاعة
وباخد على الاقل سنتين عشان ارجع تاني بعد الفطام
ناس قرايبي راحوا لطبيب سمنة ونحافة واداهم مركبات هو مصنعها وجابت نتيجة معاهم
انا عايزة اروح بس مقلقة منه لانها حاجة مجهولة ومش هابقى عارفة ايه اعراضها الجانبية
حضرتك ايه رأيك هل في عقاقير في السوق اقدر اخدها وانا مطمنة وتكون فعالة