الدكتور عمرو اخصائي العلاج الطبيعي جامعة القاهرة
تحت امر اعضاء النتدي لاي سؤال
الدكتور عمرو اخصائي العلاج الطبيعي جامعة القاهرة
تحت امر اعضاء النتدي لاي سؤال
مساء الخير يا دكتور
كل سنة وانت طيب انا عندى تمزق فى اربطة القدم وعملت جبيرة
بعد فك الجبيرة
هل تنصح بشئ
بارك الله فيك يا دكتور ..
انا بقي عندى مشكلة النحاااافة اللى قرفانى فى حياتى نوعا ما .
يا ريت اى حل للموضوع ده بعيد عن الجيم نهائي .
يا درش لازم تمرين.
مانا عارف انه هيجيب نتيجة و للاسف انا كنت بتمرن كتيرررررر و عارف النتيجة كويس .
لكن مع اول ظروف انشغال تبعدك عن الجيم , تبتدى تنزل الى ما كنت عليه يوم بعد يوم .
فانا مش عايز اقعد طول عمرى انزل جيم علشان وزنى , لكن عايز وصفة طبية تكون موثوق فيها و ربنا يوفق ان شاء الله .
بالنسبة للاستاذ احمد سعيد تقدر تحدد التمزق في انهي وتر الخارجي او الداخلي للقدم وقعدت اد اية في الجبيرة والتمزق بسبب اية
الاستاذ اللي عاوز يزيد وزنة الاول لازم ولابد تعمل تحليل براز ونسبة الهيموجلوبين في الدم وبعدين اقوللك تعمل اية عشان تزيد
[quote=phantiza;3871958405]بالنسبة للاستاذ احمد سعيد تقدر تحدد التمزق في انهي وتر الخارجي او الداخلي للقدم وقعدت اد اية في الجبيرة والتمزق بسبب اية[/quote]
انا حتى اليوم بقالى 16 يوم فى الجبيرة
اللى حصل ان القدم اتعلقت فى جنزير حديد وانا وقعت على الارض يعنى تعتبر كانها اتشدت لاسفل
ومن 6 سنوات كان فيه التواء فى نفس القدم اقعدت 3 اسابيع فى الجبيرة برده
وطبعا كنت بحس بالاربطة اضعف عن القدم اليمين قليلا
شكرا لاهتمامك يا دكتور
السلام عليكم \د عمرو
انا كنت بلعب كوره من فتره ورجلى الشمال حصلها التواء للخارج
انافي الاول مكنتش بعرف افرد رجلى او اتنىها بس الحمد لله دلوقتى بقت الحركه طبيعيه مع الام خفيفه اثناء قعدة الصلاه
انا عملت اشعه رنىن لقيت عتدى تمزق فى الرباط الصليبى
المشكله كلها ان بعد فتره علاج طبيعى كبيره
مازالت رجلى غىر متماسكه من المنطقه الداخليه لدرجه ان انا بحرك مشط رجلى شمال ويمين بتحصل رجه فى الركبه وكزا مره اقع فى الجرى بسبب المشكله دى
ارجو الافاده لان بتوع العلاج الطبيعى مش عارفين يعملولي تما رين ع العضلات الداخلىه كل التمارىىن امامى وخلفى وكهرباء ...
وعلى فكره انا لم ااخذ اى نوع من الادويه
شكراااااااااا
واسف جداا على الاطاله
بالنسبة لا ستاذ احمد سعد
اولا رقم واحد في العلاج الراحة وعدم القيام باي مجهود عنيف كالجري او او لعب الكورة او القفز
ثانيا يفضل لبس الكوتشي اثناء المشي
ثالثا علي الاقل محتاج عمل 6 جلسات علاج طبيعي موجات فوق صوتية وليزر وتمارين علاجية لتقوية الاوتار حول مفصل الكعب
رابعا لابد من اخذ مضادات للالتهابات كا potafen 50 ثلاث مرات بعد الاكل ومرهم كال mentoprofen
بالنسبة للعضو ميرو مان
انا معرفش انت عملت جلسات فين لازم تكون متاكد ان اللي بيعمل الجلسة اخصائي علاج طبيعي مش تربية رياضية او حاجة تانية
اخدت كام جلسةوهل حسيت ان في فرق ولو بسيط بعد الجلسات اللي عملتها
هل لسة بتلعب كورة
هل في وجع مع نزول او طلوع السلم
هل قوة الرجل المصابة اقل من الاخري
بقاللك اد ايةمصاب
انا بقي مشكلتي السمنه انا عندى 27سنه طولي تقريبا 170 وزني 130 وبرده مش فاضي اروح جيم او مش عاوز عشان المدربين هناك مش فاهمين الفرق بين واحد عاوز يحرق دهون و واحد عاوز يعمل عضل
شوف ياستاذ محمد عماد
اولا لابد من النظام الغذائي وثانيا وثالثا
حكتبللك علي نظام رمضاني ينزل من 2 الي 4 كيلو وانت طبعا لالتزامك في النظام
السحور
رغيف بلدي مع فول بدون زيت او 2 بيضة مسلوقة
الافطار
رغيف بلدي مع ربع فرخة او سمك مشوي او لحمة مسلوقة او 2 بيضة مسلوقة او طبق فول بدون زيت
بعد التراويح
2 ثمرة فاكهة ماعد( العنب البلح الموز التين المانجو)
او 2 كوب زبادي لايت خالي الدسم
اولا انا متشكر لحضرتك ع الرد
انا كنت بعمل جلسات فى مستشفى عند دكتور علاج طبيعى مش تربيه رياضيه
واخد حوالى 25 جلسه او اكنر بس ع فترات متقطعه وطبعاا فى فرق بس العلاج وصل معايا لمرحله مش حاسس ان في اى فرق او تقدم
.. انا مازلت بلعب كوره بس سبت النادى وبلعب مره او اتنيين ف الاسبوع فقط مع زمايلى بس بدون التحامات او سرعه او تهور ومع زلك احيانا رجلى بتخوننى
.. ومفيش اى الام غير زى ما قولت لحضرتك وضع الجلوس للصلاه ومش جامد اوى زى الاول ..اناى ماكنتش بعرف اتنيها خالص
.....ورجلى المصابه اضعف كتىىر وبشوف الفرق واضح بين عضلات الشمال واليميين خصوصاا العضله الضامه
... وبقالى سنه مصاب لانى وقعت ف رمضان اللى فات
السلام عليكم و رحمة الله و بركاته
عاوز أعرف يا دكتور ايه موضوع حقن حرق الدهون ديه
و هل له ضرر كبير يعني
وايه المواد المستخدمه في الميزوثيرابي لحقن الدهون عملت بحث ع النت لقيت الاسامي ديه
ايه الماده دي ؟ isoproterenol?مع الشكر
و ليها اضرار لو استخدمت في الميز ولا لا
عيزه اعرف الفرق بين الميزوثيرابي و الليبوديسولف
و ايه منتجات الاندرمولجي دي ؟
في ماده اسمها ايزوبرتيرينول سمع ان اضافتها لكوكتيل الميزو بيجيب نتيجه اكبر
ايه اضراراها و ايه فوايدها ؟
انا اعرف انها موسعه للقصبات و منبه للقلب .. يبقي ايه علاقتها بالميزو ؟
http://http://www.youtube.com/watch?v=wlQS44LJabsالعضو ميرو مان
بالنسبة لكلامك واضح ان المشكلة كلها في ضعف العضلات خصوصا العضلة الرباعية ودي بتتقوي زي ماحتشوف في الفيديو
لازم تتمرن لحد ماتوصل لمرحلة الارهاق :B4_388:
معلش انا مليش استفسار بس فيه معلومة عاوز اتاكد منها انا سمعت ان فيه اجسام بتحرق الدهون بشكل سريع حتى ولو كان بياكل كتيير ومبيعملش مجهود بدنى عالى
واجسام تانية بتخزنها ومتحرقهاش حتى ولو بياكل قليلة وبيعمل مجهود بدنى متوسط او عالى
صحيح الكلام ده يا دكتور ولا هجص ؟؟؟
مفيش حاجة اسمها بتحرق الدهونلاكن في اجسام غير قابلة للزيادة بصورة كبيرة لان دة بيعتمد علي الخلية الدهنية نفسها اذا زادت في عددها او حجمها ودة طبعا بيعتمد علي تاريخ الشخص نفسة اذا كان وزنة فوق الطبيعي خصوصا قبل سنة 16 سنة لاكن اللي انت بتقولوة ان الشخص بيحرق الدهون او مش بيزيد مهما اكل دة بيعتمد علي حجات كتيييييييييير اذا كان عندة ديدان او اكياس اميبية او انيميا او خلل في نشاط الغدة الدرقية
لا مش معني كدة انة عيان ابدا لاكن المقصود انة نزول وزنة مش حيكون زي زميلة اللي ف نفس سنة وزاد وزنة بعد السن دة لما يجو يخسو الاتنين التاني يخس اسرع منة دة المقصود بس وطبعا اكيد في ناس تخل بالقاعدة لكل قاعدة شواذ
كدة بالزبط
انا عملت عمليتين في الركبة الشمال لاستئصال الغشاء المبطن للركبة بسبب رشح الركبة وكان الكلام دة سنة1990 نتج عنة تيبس في الركبة ومبقدرش اتنيها هل من علاج الان وهل يمكن التدخل الجراحي علما باني تعبت من العلاج الطبيعي دون جدوي
لازم اخصائي عظام يشوف حالتك وهو اللي يقدر يحدد
انا كمان عاوز اعرف عن الlipo6 وانا قبل كدة عملت تحليل وطلع ان 42% من وزنى (سوائل وماء) بس مرحتش لدكتور بس عرفت ان فية دواء اسمة الليزيكس (تقريبا) هوة بينزل السوائل الزيادة بسرعة فياريت معلومات عن كيفية استخدامة وسعرة وعلى فكرة انا ماعنديش اى امراض مزمنة الحمد لله
دة يعتبر احدث حاجة لعلاج السمنة في العالم ولسة منزلش مصر بيتكون من 5 موادمنها لامتصاص الهدون وتقليل الكولستيرول ومنها للاحساس بالشبع ومواد لزيادة امتصاص المعادن والفيتامينات لاكن اخطر حاجة في العلاج دة انة بيشتغل علي الجهاز العصبي السيمبثاوي
ممنوع لمرضي القلب والضغط انهم ياخدو العلاج دة واللي عندهم مشاكل في الكبد والكلي يعني فئة معينة هما الي مسموح ليهم ياخدوة
نرجع لاهم حاجة اللي عاوز يخس يبعد عن اي دواء خالص لازم النظام الغذائي اولا واخيرا
سلام عليكم
مشكور على موضوعك الطيب
انا بعاني من تيبس في عضلات الضهر طبعا من القعدة قدام الكمبيوتر والسواقة كتير
كل ماروح للدكتور يقوللي يا تعوم يا تركب خيل
هو فاكرني قاعد في دريم لاند ومش قادر يستوعب حجم العمل
المهم بقالي 4 سنين بعمل علاج طبيعي
مرة في النزهة الدولي ودول مالهمش علاقة بالعلاج الطبيعي اصلا
ومرة عند عبد العزيز علما
ومرتين عند ابارهيم البنداري
ماستريحتش عند اي حد فيهم وطبعا عشان التامين الطبي بيلزمني باماكن معينة
جربت اسئل عن اخصائيين علاج طبيعي ومساج يعملولي جلسات في البيت لتنشيط الدورة الدموية لعضلات الضهر
لقيتهم بيتكلمو في 300 جنية للجلسة الواحدة
هل الكلام ده صحيح
علما بان معدتي اتبهدلت من المسكنات
وقريب مش هاتشوفوني في نايل موتورز تاني بسبب اني قربت اتمنع من القعد على الكمبيوتر
الف سلامه يا كيمو
انا بعاني من نفس الاعراض وعملت الرنين و طلع في خشونه في الفقرات القطنيه الدكتور طلب علاج طبيعي لسه معملتوش و موضوع ركوب الخيل ده غريب جدا انا متخيل انه ممكن يتعب اكتر
جربت الساونا والجاكوزي لقيت تأثير كويس بس ما بيستمرش اكتر من يومين ويرجع الالم تاني خصوصا لو قعدت أو سقت وقت طويل
الاخ بتاع المساج في النادي قالي على 3 تمارين تعملهم يوميا على قد ما تقدر (بعد كل صلاه مثلا )
- الاول تضم الركبتين على الصدر على قد ما تقدر وتخلي جسمك زي القوس وتحركه الجسم كله للامام والخلف 10 مرات
- تنام على ضهرك وترفع ضهرك مسافة 15 سم لفوق بس مع ثبات الرقبه والرجلين على الارض وتثبت على قد ما تقدر و تكرر
- العقله
مش عارف التمارين دي مظبوطه ولا لأ
ايه رأيك يا دكتوووووور ؟؟!!
تسلم يا ماجد مانا عملت رنين وطلع نفس التشخيص من 3 سنين
الف سلامة عليك
كمال لا والله ماستريحتش ودي كانت تاني سنة لدرجة اني قطعت من الجلسة التاسعة
اسلوب مش ظريف وبيلطعو السلوك على ضهرك وتنادي عليهم مش بيجو
وبيحسسوك انك بتشتغل عندهم
رغم اني اشتكيتهم لدكتور ابراهيم لكن العامل المصري مفيش فايدة
كان من حوالى 4 شهور حصلى كسر فى دراعى الشمال ..
فى عضمه اسمها الزورقيه (الدكتور قالى كده) و اتجبست شهر و نص ..
بس لحد دلوقتى مش بعرف اشيل حاجه تقيله على ايدى ..
بتوجعنى فى الجزء الى كان فيه الكسر ...(الجزء الى بين كف الايد و باقى الدراع !!)...
يا ترى اعمل ايه ؟؟خصوصا انى عايز اروح جيم و خايف
تانى حاجه انا طولى حوالى 175 سم و وزنى 52 كيلو !!!
و عمرى 18 سنه ..
و باكل مش هقول كتير
بس باكل حاجات تتخن
البيبسى كتير
و اللب و السوادنى
و الناس بتقول الحاجات دى بتتخن بس مفيش اى تاثير معايا ..
يا ترى ايه الحل ؟؟
و متشكر مقدما يا دكتور ..
- فيه حاجة اسمها (أساى بيرى) Acai Berry بيتكلموا عنها فى أمريكا اليومين دول وكانت (أوبرا) جابت متخصصين اتكلموا عنها فى البرنامج بتاعها ووصفوها بأنها السوبر فود رقم واحد (Superfood No. 1) .. وفيه كلام عنها انها بتزود الأيض أو الميتابولزم بتاعة الجسم فيخس بسهولة .. فهل حضرتك سمعت هنا وإيه رأيك فيها؟
- من أكثر كفاءة فى عمل الميزوثيرابى .. هل هو جراح التجميل أم أخصائى العلاج الطبيعى؟
مع جزيل الشكر
- ما هى أنجع وسيلة يمكن بها التغلب على فترات (البلاتو) المحبطة التى تحدث لمتبع نظام غذائى لانقاص الوزن.
شوف ياخي
علاج تيبس الضهر لازم من تقوية عضلات الضهر الاول وبعدين نقلل التيبس اقوي حاجة فعالة في تقليل تيبس الضهر ونتيجتها فورية الحجامة الجافة اكرر الجافة مش تشريط
الجلسة المنزلية سعرها بيتحدد حسب مكانك وحالتك المرضية واستخدام الاجهزة العلاجية
بالنسبة للاخ خالد ايمن
شهر ونصف في الجبس عمل اكيد ضعف في عضلات الزراع كلة لابد من تقوية عضلاتك مش في الجيم طبعا لازم دكتور يكون معاك وتدريجي نبدا احمال لذراعك
ثانيا عشان تزيد لازم نطمن علي تحاليل البراز ونسبة الهيموجلوبين في الدم
اعمل التحليلين دول ونحدد طريقة زيادة الوزن بعد كدة
دكتور ممكن أعرف تكلفه عمليه تدبيس المعده و رأيك فيها
بارك الله فيك يا دكتور و جعلة في ميزان حسناتك
الاخ الي عاوز يعمل تدبيس معدة دي مش حل خالص العملية مش بتتعمل غير لبعض حالات خاصة جدا وفئة محدودةبعض الحالات عملوها علي اساس انها حل لمشاكل عدم التحكم بالاكل للاسف بيعانو من مشاكل في الجهاز الهضمي دلوقتي دة غير ان بعضهم وزنة زااااااااااااااد ايوة زاد ودي حالات بسيطة بس موجودة
التكاليف بتختلف من دكتور للتاني وحسب امكانيات المستشفي مش بتقل عن 2000