شكرا لحضرتك يا دكتور
السلام عليكم ورحمة الله وبركاته
انا عملت عملية منظار ركبه لوجود قطع فى الغضروف الهلالى الداخلى للركبه الشمال (القطع فى المنتصف مستعرض) وبعد العملية الدكتور لم يقل لى ان اذهب الى دكتور علاج طبيعى ولكنه قالى على تمارين اعملها فى المنزل لمده شهر ونص
وهى عبارة عن وانا نايم على ظهرى ارفع رجلى مفروده بالكامل زاوية 45درجة وانزلها واكرر 100 مرة (ثلاث مرات فى اليوم) فى اول اسبوع بدون اوزان مع وضع كيلو جرام فى الاسبوع الثانى وكل اسبوع ازود كيلو الى ان اصل الى 5 كيلو
وقالى بعدها يمكننى ان العب كوره بعد الاسبوع السادس
وبالفعل نفذت زى ما قالى الدكتور بالحرف الواحد وكانت الامور ممتازة جداً وبدأت اجرى خفيف بانتظام دون مشاكل
ثم بدأت فى سماع صوت طقه مع فرد الركبه وانا جالس بدون حمل صوتها مثل طرقعه الاصابع ولكن صوتها عالى وتأتى لمرة واحده عند الفرد ولا تتكرر اذا كررت الفرد والتنى
فهل كان هذا التدريب كافى ام كنت فى حاجه الى علاج طبيعى عند متخصص؟
وما هذه الطرقعه الجديده؟ وهل تقلق ام طبيعى بعد العملية؟
اولا بعتذر علي التاخير في الرد
ثانيا حمد لله علي سلامتك بعد العملية
ثالثا مقدرش اقوللك التمارين كافية ولا محتاجة انك تكمل في مركز علاج طبيعي الا بعد شوية اسئلة سريعة زي ( هل شايف ان الرجل الي حصل فيها العملية خسة شوية بالمقارنة بالرجل السليمة _هل في رعشة بسيطة بتحصل وانت بترفع رجللك وعليها الوزن _ اثناء المشي او الجري او حتي وضع السجوووود في الصلاة في الم بتحس بية )
رابعا صوت الطقة الي حضرتك بتسمعة شيء طبيعي بعد العملية لاكن لو استمر اكتر من شهر بعد العملية تكون اعراض بداية خشونة
بالعفل هى خاسه شوية عن الرجل السليمة وفى رعشه فيها وبحس بسيبان اعصابها وانا نازل السلم وانى مش متحكم فيها
اما من ناحية الالم فلما بطلت جرى بدء يزول تدريجياً ولكنى استمريت على التمارين ومن حوالى يومين بطلت التمارين وبدأت احس ان ثبات العضله بدأ يتحسن شوية
مش عارف يمكن التمارين هى اللي كانت بترهق العضله ولا اية؟
ومافيش اى الم اثناء السجود او الجلوس فى التشهد حتى لو اطلت مده الجلوس
اما من ناحيه الطقه فهى لم تكن موجوده بعد العمليه مباشرتاً ولكن بدات تقريباً فى الاسبوع السادس او السابع بعد العملية وهى مازالت مستمره الي الان وانا عامل العمليه فى شهر 6 اللي فات
وحاجه تانى بلاحظها احيانا لما ببقى فى الجيم بضغط على نفسى وبلعب على جهاز الدفع وبزود فى الاوزان تدريجياً بلاقى العضله الرباعية بتشد اوى والوجع والطقه بتختفى ولكن بمجرد انى اخرج برة الصاله واروح ترجع العضله تخس تانى وتبقى ضعيفه
اولا لايفضل الذهاب الي الجيم مطلقا لانك في فنرة نقاهة مش اي تمرين في الجيم ممكن يكون صح الا تحت اشراق طبيب متخصص مش كابتن
يجب عليك الذهاب لمركز علاج طبيعي يحددلك الدكتور نوع التمارين الي حضرتك محتاجها وكمان الاجهزة الي حتساعد في تقليل الالم قبل ماتبدا في الجلسات اتاكد الاول اذا كان المركز العلاج الطبيعي فية ليزر او مفيش لانة مهم ليك
وضع حضرتك مطمئن ان شاء الله
البرنامج الي حضرتك حتتبعة الاتي:
موجات فوق صوتية 5 دقائق علي مفصل الركبة
جهاز الفارديك علي عضلات الركبة 20 دقيقة
اشعة تحت الحمراء 4 دقائق
اشعة الليزر 5 دقائق
تمارين علاجية لتقوية عضلات الركبة
مواعيد الجلسات 3 ايام في الاسبوع
ممكن حضرتك تشرف في مقر كلية العلاج الطبييعي في العيادة الخارجية مجهزة علي اعلي مستوي
والف سلامة عليك
متشكر جداً لحصرتك يادكتور على اهتمامك ومجهودك
كنت لسه النهارده عند الدكتور اللي عمل العمليه وقالى ان العضلات لسه ضعيفه وكتبلى على كيتوفان وقالى اجرى عادى او امشى عادى ولو استمر الوضع اعمل رنين مغناطيسى وارجعله تانى
الغريب انى سألته على العلاج الطبيعى بالاجهزة زى اللي حضرتك قولت عليها فقالى ان الحاله عندى مش مستاهله ولكنى سوف اذهب الى العلاج الطبيعي باذن الله
جزاك الله خيرا
السلام عليكم
أشكر حضرتك على تفضلك بالاستشارة
و لي سؤال
قمت بشراء سير كهربائي ( مشاية كهربائية ) و بها خاصية ارتفاع السير ( انكلين ) هل هناك أضرار من استخدامها مع العلم اني مصاب بالخشونة في الركب
و ما هي الوسيلة المثلى لاستخدامها
السلام عليكم
معلش يادكتور ارجو ان تتحملنى لانى قلق جداً بخصوص ركبتى
انا ذهبت الى العلاج الطبيعى وعندما اخبرته ان لعملية منذ خمس شهور فقالى ان الاجهزة والموجات والليزر مش هيفيد حالياً لطول المده بعد العمليه وقالى انى محتاج تقوية لعضلات الركبه وقالى على برنامج امشى علية للتقوية
وقالى ان الطقه التى اشكو منها هى طقه خشونه وسوف تزول بعد تقوية الركبه
اما بالنسبه للدكتور الذى اجرى لى العمليه فاخبرنى انه طالما لم اقع او اصطدم بشىء فى ركبتى فلا داعى للخوف ولكن تقوية العضلات مازالت ضعيفه وكتبلى على كيتوفان
اما بالنسبه ليا حاليا فوالحمد لله تقريبا لا يوجد الم حاليا وبدأت فى برنامج التقوية والحمد لله العضله تستجيب وتنمو فى الحجم بشكل جيد وموضوع سيبان الاعصاب اثناء النزول من السلم بدأ يتحسن والتحكم افضل تدريجياً
ولكن الطقه مازالت موجودهوخايف اجرى عليها
واحيانا اشعر بطقطقه مكتومة اثناء الصلاه فى حركه الجلوس والسجود وما بينهما فى الركبه المصابه فقط؟
ارجوك يا دكتور طمنى بجد ولو فى حاجه غير مطمئنه اخبرنى نلحقها فى بدايتا افضل
وجزاكم الله خيرا
اشعه تحت حمراء 4 دقاءق ؟
على اي اساس ؟ المسافه تكون 15 سم بين جسم الانسان و الجهاز و المدة 15 دقيقه يعني لو قربت المياف لدرجة ان الجرع 4 دقاءق يبقي كده في خطر الحرف الا لو كنت واقف جنبو و كل شويه تساله اتحرقت و لا لسه؟ و كمان ليه اشعه تحت حمراء هنالك زيت البرافين الالماني الصلي وليس المصنع احسن مليون مره لان الحراره الناتج عن السوائل افيد في التفاعل من الحراره الجافه؟؟؟ و كمان اكثر عمقا
و ما هي جرعة الليزر ؟ اذا كان اصلا لا يوجد جرعه الليزر في العلاج الطبيعي الا تجارب؟
موجان صوتيه هتكون 6 دقاءق او اقل بكثير لو الشغل هيكون على مكان الغضروف الهلالي الباقي فقط
و السؤال الاول اصلا هل هو استئصال كلي ام جزئي
و الموجات الصوتيه للركبه كلها لتحسين الوظيفه اكيد هتكون 6 دقاءق او سبع دقاءق
طيب اين تمرينات proprioceptive? , و لا مش مهم؟؟؟؟
يعني التوافق العضلي العصبي ده الراجل تعبان من السلم و ليس من مجهود غير عادي؟
سلام عليكم
الف سلامه
و سلملي على الكليه
عمرو فاروق
اخصائ العلاج الطبيعي
السلام عليكم يادكتور
هو حضرتك بتتكلم بخصوص حالتى؟ ولا بخصوص حاله تانية؟
لو بخصوص حالتى لما روحت ل اخصائى علاج طبيعى قالى ان الاجهزة والموجات والليزر مش هيفيد حاليا لانى عامل العمليه من خمس شهور وبمشى عادى حالياً ووصفلى برنامج لتقوية العضلات وبدأت فيه فعلا وحسيت بتحسن ملحوظ فى اداء العضلات بالرغم انى لسه ماكملتش اربع ايام من بدء التدريب والحمد لله
الاستئصال جزئى ,القطع عندى كان فى الركبه اليسرى فى الغضروف الداخلى ,من المنتصف ,من الداخل وكان قطع صغير والحمد لله
المشكله ان الطقه اللي بشعر بيها مازالت موجوده (دى بخلاف الطقه الاصليه اللي بسببها عملت العمليه ,فقد اختفت والحمد لله) وبتزيد كلما زودت الاوزان وشد العضلات وهى بتحصل اثناء فرد الركبه بدون حمل وانا جالس وبتكون زى طرقعه الصوابع ولكن بصوت عالى ,وتحصل مره واحده ولو كررت التنى والفرد ما تحصلش تانى إلا لو قومت واتحركت ورجعت قعدت وكررت الفرد تانى
والاخصائى قالى هتروح لما تقوى عضلات الركبه كويس
فهل الكلام ده صحيح وانا ماشى كويس؟ ولا فى حاجه مش مظبوطه؟
معلش يا دكتور هو يمكن قصده خير بس الاسلوب مش مناسب شويه
بالنسبالى يا دكتور روحت ل اخصائى علاج طبيعى قالى ان الاجهزة والموجات والليزر مش هيفيد حاليا لانى عامل العمليه من خمس شهور وبمشى عادى حالياً ووصفلى برنامج لتقوية العضلات وبدأت فيه فعلا وحسيت بتحسن ملحوظ فى اداء العضلات بالرغم انى لسه ماكملتش اربع ايام من بدء التدريب والحمد لله
الاستئصال جزئى ,القطع عندى كان فى الركبه اليسرى فى الغضروف الداخلى ,من المنتصف ,من الداخل وكان قطع صغير والحمد لله
المشكله ان الطقه اللي بشعر بيها مازالت موجوده (دى بخلاف الطقه الاصليه اللي بسببها عملت العمليه ,فقد اختفت والحمد لله) وبتزيد كلما زودت الاوزان وشد العضلات وهى بتحصل اثناء فرد الركبه بدون حمل وانا جالس وبتكون زى طرقعه الصوابع ولكن بصوت عالى ,وتحصل مره واحده ولو كررت التنى والفرد ما تحصلش تانى إلا لو قومت واتحركت ورجعت قعدت وكررت الفرد تانى
والاخصائى قالى هتروح لما تقوى عضلات الركبه كويس
فهل الكلام ده صحيح وانا ماشى كويس؟ ولا فى حاجه مش مظبوطه؟
حضرتك بتسال علي الطرقعة
لاتقلق منها ابدا لانها مسالة وقت فقط
بالنسبة للاجهزة الي قلت لحضرتك عليها دي مفيدة لاعراض الخشونة الي موجودة في مفصل الركبة لاكنها مش لتقوية العضلات طبعا
ربنا يبارك فيك يا دكتور ويجعلة ف ميزان حسناتك
السلام عليكم
اتمني ان الدكتور يكون موجود لاني فعلا محتاج رده
انا من سنتين كنت وقعت علي سلم ومسكت فيه بايد واحده وبسبب ده حصلي تمزق شديد في supra spinades وتمزق شديد داخل rotator cuff مع تشنج قوي في عضلات الرقبة والموضوع ده كان في كتفي اليمين ، بداية المشكلة اني رحت كشفت والدكتور اداني حقنتين كورتيزون في كتفي ، استريحت فترة بس برضه كان في الم وهو اداني مسكنات وبعد حوالي 4 شهور جالي الم شديد قي الجزء اليمين كله ومبقتش اقدر احرك دراعي ولفيت علي دكاترة العظام والاعصاب لحد مارحت لدكتور علاج طبيعي وهو اللي قاللي علي المشاكل دي (يبدو ان الاولاني كان كفتجي) وبدات اخد جلسات كهرباء وابر صينية وانفرا ريد وجهاز تاني كده غريب بيعمل مساج وطبعا مساج يدوي من الدكتور ودا اللي كان مؤلم جدا جدا ، اتحسنت حالة لكن مبقتش كويس ، لسه في الام في نفس الاماكن واحيانا مش بعرف انام، ومبعرفش اشيل حاجة لفوق ، او اخلي ايدي ورا ضهري فترة كبيرة ، شد مستمر في عضلات الرقبة، الم مستمر في لوح الكتف اليمين ، محتاج المشورة او دكتور علاج طبيعي ممتاز لاني خلاص مش عارف اعمل ايه
شكرا
السلام عليكم
اتمني ان الدكتور يكون موجود لاني فعلا محتاج رده
انا من سنتين كنت وقعت علي سلم ومسكت فيه بايد واحده وبسبب ده حصلي تمزق شديد في supra spinades وتمزق شديد داخل rotator cuff مع تشنج قوي في عضلات الرقبة والموضوع ده كان في كتفي اليمين ، بداية المشكلة اني رحت كشفت والدكتور اداني حقنتين كورتيزون في كتفي ، استريحت فترة بس برضه كان في الم وهو اداني مسكنات وبعد حوالي 4 شهور جالي الم شديد قي الجزء اليمين كله ومبقتش اقدر احرك دراعي ولفيت علي دكاترة العظام والاعصاب لحد مارحت لدكتور علاج طبيعي وهو اللي قاللي علي المشاكل دي (يبدو ان الاولاني كان كفتجي) وبدات اخد جلسات كهرباء وابر صينية وانفرا ريد وجهاز تاني كده غريب بيعمل مساج وطبعا مساج يدوي من الدكتور ودا اللي كان مؤلم جدا جدا ، اتحسنت حالة لكن مبقتش كويس ، لسه في الام في نفس الاماكن واحيانا مش بعرف انام، ومبعرفش اشيل حاجة لفوق ، او اخلي ايدي ورا ضهري فترة كبيرة ، شد مستمر في عضلات الرقبة، الم مستمر في لوح الكتف اليمين ، محتاج المشورة او دكتور علاج طبيعي ممتاز لاني خلاص مش عارف اعمل ايه
شكرا
السلام عليكم ورحمه الله وبركاته كنت عايز اسال يا دكتور عن كيفيه التخلص من شحوم اللى تحت الدقن هيا مش اوى بس مدايق منها ازاي اتخلص منها من غير عمليه جراحيه يعني هل هناك طرق اخرى بتدليك مثلا او حاجه....؟؟
بقولك يا دكتور عمر ايه رئيك في كابسولات prolab caffeine 200 mg
very good topic
يااااااااة
بجد المنتدي وحشني اوييييييييي وبتاسف لكل عضو كان محتاج اجابة لاي سؤال ومقدرتش ارد علية لاني فعلا مكنتش بخش اصلا علي النت لاسباب شخصية مريت بيها الشهور الي فاتت
من النهاردة ان شاء الله معاكو لاي استفسار او سؤال سواء سمنة او حتي علاج طبيعي
وتقبلو فائق شكري لادارة المنتدي لاستمراها في تثبيت الموضوع لحد الان
الف شكر لك يا دكتور
من فضلك انا كنت عايزة اشتري جهاز زي ده
https://fbcdn-sphotos-a-a.akamaihd.n...44245252_n.jpg
بيعمل ذبذبات للعلاج الطبيعي وجربت واحد تاني بيعمل اكتر من نوع من الذبذبات بالتوالي ويكررهم وريحني اكتر من ده بس للاسف مصورتوش
حضرتك تعرف اشتريه منين ورنج سعره او سعر التاني بكام
وهل نفسه اللي بيستخدم لتنحيف البطن مثلا
وكريمات التنحيف منين
الف شكر لك يا دكتور
من فضلك انا كنت عايزة اشتري جهاز زي ده
https://fbcdn-sphotos-a-a.akamaihd.n...44245252_n.jpg
بيعمل ذبذبات للعلاج الطبيعي وجربت واحد تاني بيعمل اكتر من نوع من الذبذبات بالتوالي ويكررهم وريحني اكتر من ده بس للاسف مصورتوش
حضرتك تعرف اشتريه منين ورنج سعره او سعر التاني بكام
وهل نفسه اللي بيستخدم لتنحيف البطن مثلا
وكريمات التنحيف منين
الجهاز الي في الصورة عبارة عن 3 قناة سعرة حوالي 600 جنية تايواني الصنع
في منة نفس الجهاز 2 قناة سعرة اقل حوالي 500 جنية (مناسب اكتر لانة استخدام منزلي )
الجهاز الي بيطلع اكتر من ذبذبة دة صيني الصنع ودة بيستخدم في التخسيس سعرة حوالي 200 جنية وغير موجود حاليا
ممكن جضرتك تشتري الجهاز الاول من اي محل من امام القصر العيني
بلاش تشتري كريمات الا من الصيديلية لان معظم الريمات الموجودة هناك مضروبة ومعمولة تحت السلم
انا عندى مشكلة ومش لقى حل ليها
انا عندى 28 سنة
كان وزنى من 3 سنين ونص 167 كيلو جرام
مع الرياضة والعزيمة والاكل الصحى اصبح وزنى 82 كيلو بدون دكتور على فترة سنة ونص
عملت حادث بالموتوسكل بتاعى فرجلى اتبهدلت واعت فى البيت فترة طويلة المهم حلتى دلوقتى تمام بس وزنى زاد ليصبح 115 كيلو
قلت عادى هنزل رجيم اكل مع الرياضة مش يوميا 5 الى 6 ساعات مشى قوى لمدة 3 اسابيع للاسف زهلت لان جسمى منزلش ولا حتى كيلو انا هتجنن المهم قطعت شوية زت 3 كيلو كمان وعملت رجيم تانى مع الرياضة خصوصا فى ايام الحظر وبردو بعد 15 يوم مفيش كيلو انا هتجنن ومش عارف اعمل اة جربت انظمة كتير مش عارف فى اة
حبعت لحضلرتك الجواب علي الخاص بالنسبة للنظام الغذائي
سلام عليكم يا دكتور
لو سمحت ايه اسباب نحافة الوجه وبروز عظام الخدين ، وازاي علاجه بالرغم من اكل خضار وفواكه ونوم كويس.
دكتور محتاجه راى حضرتك ضرورى.
ابمى عنده سنه و تسعة شهور و لسه لم يمشى الدمتور بتاعه بيقول ان ماعندهوش نقص كالسيوم حنا عند دكتور عظام اطفال كتب لنا على اوميجا ثرى و ماجابش نتيجه. رحنا عند دكتور علاج طبيعى و حسيت بفضل الله بتحسن فى خلال جلستين بس, انما نصحنى انى البسه جزمه و ساعتها بس النيا اتقلبت. الولد رجليه اتعوجت لتحت و لبرة و تقلت خالص. الدكتور اتخض و كتبلنا على رباط نوع خاص ناسيه اسمه انما جبناه الحمد لله. بس رحنا عند دكتور عظام اطفال تانى قالنا ان عنده ليونه فى فى الاربطه. و قاللى مش محتاج علاج طبيعى, انا بصراحه شايفه انه اتحسن على العلاج الطبيعى, ممكن تقوللى رايك فى الحالة دى?و اروح لدكتور علاج طبيعى و لا, مع الهلم انه نصحنى انى امشيه كتير. طيب اعمله تمارين فى البيت? انصحنى بافضل حاجه. مش لازم عشان يمشى اسرع ,الكتور قاللى انه حيمشى ان شاء الله على سنتين سنتين و شهر مثلا.انا نفسي تبقى عضلاته اقوى. شكرا لحضرتك
ياريت تحليل براز
وتبلغيني باالنتيجة
الاول نطمن علي فقرات وعضلات الضهر عشان الاتزان بيبدء من النصف العلوي ثم نطمن علي الحوض ومفصلي الفخذ لتحديد لاقدر الله اي مشكلة
لو مفيش مشاكل نطمن علي الوتر والعضلات حول مفصلي الكعب
بعد كل دة الوضع مطمئن كملي علاج طبيعي مدة 3 شهور حيكون فية تحسن باذن الله كبير
العلاج الطبيعي مفيش منة اي ضرر خالص وياريت متقيميش حالة ابنك الابعد 3 شهور
https://www.facebook.com/pages/%D9%8...35455479962660
شاهد التطور في عالم التخسيس الصور قبل وبعد كورس مكثف لتفتيت الدهون الموضعية باحدث الاجهزة الخاصلة علي شهادة الجودة الاوربية
خش وقول رايك
شكرا يادكتور على التعاون الاكثر من رائع
عندى ابنى الصغير وزنه زاد جدا والموضوع ده بالتدريج فى ظرف سنتين هو عنده 7 سنوات ووزنه 51 كيلو
وطبعا ذهبت الى طبيب رجيم وعلاج طبيعى كان بيركب له ابر صينيه وبيعمل بعض التمارين فى كل جلسه وبصراحه 3 شهور وذهقنا مفيش اى تقدم وكان الدكتور بيقول الابر الصينيه هتقلل شهيته وهذا لم يحدث
ما الحل وهل يوجد شىء يقلل شهيته بدون ضرر وللعلم هو بيطلب اكل على عطول وبيزعل نفسيا من تعليقات زملاءه فى المدرسه بسبب وزنه
طيب يا دكتور هل اعمل اشعه على الظهر و الحوض و الركبه و الكعب? هل الاشعات دى تبقى تليفزيونيه? و لا سينية?
و لا دكتور العلاج ااطبيعى يفحصه ?
اتنين دكاترة عظام اطفال فحصوه ما اتكلموش عن مشكله غير ليونة الاربطه.
دكتور العلاج الطبيعى كلمنى عن لازقه و لا رباط بيقولى بيقوللى زى الرياضيين بتقوى الاربطة, ايه راى حضرتك?
شوفي حضرتك الطفل زي المرايا مش بيشوف غير الاكل الي قدامة يعني مينفعش تعملي محشي في البيت او حتي عنب او اي اكل بيزود الوزن وتقوليللو بلاش تاكل منة والبيت كلة بياكل طبيعي مش حياكل غير الاكل الموجود في البيت يعني البيت كلة لازم يشارك الاكل الي طقلك حياكلة او حتي ممنوع دخول الممنوعات من الاكل البيت
بالنسبة للاكل خارج المنزل ممكن ياكل بسكوت سادة بدون ملح او شيكولاتة وممكن ياخد معاة عصير بيور خالي من السكر وممكن ياخد كمان زبادو لايت وممكن بيك رولز واكيد طبعا ممكن ياخد فاكهة علي راسها التفاح
يبقي كدة عملنا كنترول برة البيت وجوة البيت بالنسبة للشهية ممككن حضرتك تشتري جنين القمح من الصيدلية اسمها التجاري جيرما فروتي وطريقة الاستخدام ياخد منة 2 ملعقة علي زبادي قبل الغداء والعشاء
ياريت تبلغني بالنتيجة
يارب نخس كلنا بصحه وعافية وكرهنا يارب في كل اكل يضرنا
انا وكل من قال امييين
السلام عليكم دكتور عمر
انا وزني 98 كيلو و الطول حوالي 187
المشكله اني ابتديت اتخن خصوصا من بعد الجواز
وانا عايز احافظ علي نفسي بس المشكلة كل ما اتبع نظام غذائي افشل فيه لأني لازم افطر بره البيت
والغدا في البيت في حدود الساعة 7
بجد مش لاقي نظام غذائي امشي علية يتناسب مع مواعيد الاكل عندي وللأسف مافيش وقت اروح الجيم او اتمشي كتير
فا ممكن تساعدني في نظام غذائي انزل بيه حوالي 10 كيلو واستمر علية
السلام عليكم
الطول 180 سم الوزن 66 كيلو
تحليل الغدة الدرقية :
t4 = 19.88 n 10.6-19.4
t3= 5.04 n 4.00- 8.3
tsh= 2.32 n.025 - 5
الt4 عالى شوية ..هو عايز علاج ولا لأ وشكرا